Juma, 31-oktyabr, 2014 Toshkent vaqti: 11:12

Amerika

Obama: Generalning qilmishlari davlatimizga xavf emas

Prezident Barak Obama Oq uyda jurnalistlarning savollariga javob berdi, Vashington, 14-noyabr, 2012-yil
Prezident Barak Obama Oq uyda jurnalistlarning savollariga javob berdi, Vashington, 14-noyabr, 2012-yil
Amerika Ovozi
AQSh rahbari saylovdan keyingi ilk matbuot anjumanida iqtisod, Kongress bilan kelishmovchilik, davlat xavfsizligi va generallar ustidan tergov xususida to'xtaldi.

Amerika oldidagi asosiy muammo - zaif iqtisod va moliyaviy yetishmovchilik. Mamlakat o'z byudjetini yo'lga solib, sarfiyatni qayta ko'rib chiqmasa, butun tizim jar yoqasiga borib qoladi. Buni Oq uy va Senatda hukmron demokratlar ham, Vakillar Palatasida ko'pchilikni tashkil etuvchi respublikachilar ham tan oladi.

Prezident muxolifat bilan murosaga tayyor, asosiy sharti - o'rtahol amerikaliklar manfaatini birinchi o'ringa qo'yish.

Obama boylar, xususan, yillik daromadi 250 ming dollardan oshiq amerikaliklarga ko'proq soliq solmoqchi.

Amerikaliklarning ikki foizi ko'proq soliq to'lasa, deydi prezident, byudjetdagi kamomad kelasi 10 yilda 1,6 trillion dollarga pasayadi.

Respublikachilar bunga keskin qarshi. Ular prezidentni xususiy sektor va uning egalariga qarshi siyosatda ayblaydi. Hech kimning solig'i oshirilmasin; ijtimoiy himoya, jumladan, pensiya va sog'liqni saqlash sohasida boshlangan islohotlar qayta ko'rib chiqilsin, deya talab qilmoqda ular.

Prezident Kongress a'zolari bilan muzokara boshlash arafasida. O'tgan yili bunday uchrashuvlar samara bermagan.

Bugungi savol-javobda Obama Vashingtonni larzaga solgan so'nggi mojarolar haqida ham fikr bildirdi. 

Markaziy razvedka boshqarmasi direktori, iste'fodagi general Deyvid Petreus oilasiga xiyonat qilganini tan olib, o'tgan hafta ishdan bo'shadi. Iroq va Afg'onistondagi qo'shinlarga qo'mondonlik qilib, yurt qahramoniga aylangan Petreus u haqda kitob yozgan Pola Brodvell bilan don olishgani ayon bo'ldi. 

Tekshiruv oqibatida yana bir yetakchi general, ayni damda Afg'onistonda xalqaro koalitsiyaga qo'mondonlik qilayotgan Jon Allen ham Florida shtatidagi harbiy bazada ishlagan Jill Kelli ismli ayol bilan ishqiy maktublar almashgani fosh etildi. General harbiy tergov ostida va uning 30 mingga yaqin elektron xatlari elakdan o'tkazilmoqda. Allen hamon lavozimida va "aybsizman" deydi. Oilaga xiyonat harbiy tizimda jinoyat hisoblanadi. 

Jill Kelli general Petreusning oilasi bilan yaqin bo'lgan. Pola Brodvell rashk qilib, bu ayolga anonim tarzda haqoratomuz va do'q-po'pisaga to'la xatlar yozgan. Kelli xonim ularni organlarga uzatgan.

Federal Qidiruv Byurosi olib borgan tekshiruv natijasida yuqoridagi faktlar yuzaga chiqqan.

Amerika va dunyo ommasi mojaroni taajjub bilan kuzatar ekan, prezident Obama fikricha, masalaning davlat xavfsizligiga daxli yo'q. Ishqiy aloqalar sabab maxfiy ma'lumotlar va sirlar qanchalik oshkor etilgani ko'rib chiqilmoqda va ularning oqibati nima ekani hozircha mavhum.

Obama nazarida Petreus Amerika tinchligi va ravnaqi uchun ulkan hissa qo'shgan, xalq hurmatiga sazovor inson. General Petreusning ishdan bo'shash haqidagi arizasiga prezident darhol qo'l qo'ymagan va afsus bildirgan.

Ikkinchi muddatda Obama tashqi siyosati yanada faollashishi kutilmoqda. Eron bilan muzokaralar avj olishi, Yaqin Sharqqa e'tibor oshishi, Rossiya bilan hamkorlik va mavjud kelishuvlar qayta ko'rib chiqilishi ko'zlangan.

Kongress a'zolari shu yilning 11-sentabrida Liviyaning Bing'ozi shahrida AQSh vakolatxonasiga qilingan hujum va to'rt amerikalik o'ldirilgani yuzasidan tekshiruv boshlagan va Obama ma'muriyatidan to'liq hisobot talab qilmoqda. Prezident butun javobgarlikni o'z bo'yniga olishga shay.

Senat huzuriga general Petreus ham chaqiriladi. Ishdan bo'shashidan sal avval u Liviyaga borib vaziyat bilan tanishib kelgan.

Vashingtondagi mojarolar/Washington scandals i
X
17.11.2012 22:39
Markaziy razvedka boshqarmasi direktori, iste'fodagi general Deyvid Petreus oilasiga xiyonat qilganini tan olib, 9-noyabrda, saylovdan uch kun o'tib, ishdan bo'shadi. Iroq va Afg'onistondagi qo'shinlarga qo'mondonlik qilib, yurt qahramoniga aylangan Petreus u haqda kitob yozgan Pola Brodvell ismli xonim bilan don olishgani ayon bo'ldi. Tekshiruv oqibatida yana bir yetakchi general, ayni damda Afg'onistonda xalqaro koalitsiyaga qo'mondonlik qilayotgan Jon Allen ham Florida shtatidagi harbiy bazada ishlagan Jill Kelli ismli ayol bilan ishqiy maktublar almashgani fosh etildi. General harbiy tergov ostida va uning 30 mingga yaqin elektron xatlari elakdan o'tkazilmoqda. Allen hamon lavozimida va "aybsizman" deydi. Oilaga xiyonat harbiy tizimda jinoyat hisoblanadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Quyosh energiyasi - Solar poweri
X
30.10.2014 22:03
Amerikada muqobil energiya manbalaridan foydalanishga o'tayotganlar ko'p. Xususiy kompaniyalardan tortib universitetlargacha, qolaversa oddiy fuqarolar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Qizil ko'knor ko'rgazmasi, London

  • Amerika saylovlar arafasida

  • Afina, Gretsiya... Harbiy mashqlar

  • Turkiya-Suriya chegarasi

  • Filippin

  • Jamna daryosi bo'yida, Hindiston

  • Fransiya

  • Kanzas shahri, Missuri

  • Los Angeles, Kaliforniya

Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.

Interaktiv

SAYTGA KIRISHNING XAVFSIZ YO’LI