Chorshanba, 22-oktyabr, 2014 Toshkent vaqti: 04:58

Amerika

Barak Obama prezidentlikka qayta saylandi

Prezident Barak Obama, rafiqasi Mishel, vitse-prezident Jo Bayden va rafiqasi Jill Chikagoda g'alabani nishonlamoqda, 6-noyabr, 2012
Prezident Barak Obama, rafiqasi Mishel, vitse-prezident Jo Bayden va rafiqasi Jill Chikagoda g'alabani nishonlamoqda, 6-noyabr, 2012
Amerika Ovozi

Bundan to'rt yil oldin dunyoning eng qudratli davlatiga rahbar etib saylangan Barak Obama xalqdan yana bir imkoniyat so'radi va mayli degan javob oldi.

"Boshlagan buyuk ishlarimizni yakunlash uchun vaqt kerak",- deydi u.

 


AQShning 44-prezidenti tarjimai xoliga nazar tashlasak:

Bu yil 51 yoshga kirgan Barak Husayn Obama Obama Gavayi shtatida dunyoga kelgan.

Otasi keniyalik, qora tanli musulmon, onasi esa Kanzas shtatilik oq tanli nasroniy bo’lgan.

Otasi keyinroq oilani tark etadi va Barak Obama asosan bobosi va buvisi qo’lida katta bo’ladi. Onasi indoneziyalikka turmush chiqqach, Obama u mamlakatda ham bir necha yil yashaydi.

Barak Obama siyosiy faoliyatini 1990-yillarda Chikagoda boshlagan.

Obama, ko’pchilik nazarida, Amerikaning asl farzandi. Turli irq, din va etnik guruhlar qorishmasi.

Nufuzli oliygohlar - Kolumbiya va Garvard universitetlarini tamomlagan. Kasbi advokat, ammo yuridik firmalarda emas, ijtimoiy muassasalarda ishlagan. Huquqdan ham dars bergan.

Chikagoda jamoatchi faol sifatida tanilib olgach Illinoys shtati senatiga saylangan.

Katta siyosiy sahnaga esa 2004 yilda ko’tarildi. Jon Kerri Jorj Bush o’rniga prezidentlikka saylanishga harakat qilayotganida, demokratlar qurultoyida so’zlab amerikaliklar diliga va tiliga tushdi.

Xalq siyosiy o’yinlardan charchagan bir damda Obamadek so’zga chechan, xushbichim va zehnli yigit bir zumda Amerikadagi eng mashhur insonlardan biriga aylandi. Odamlarni birdamlik, adolat va siyosiy faollikka undadi.

O’sha yili Barak Obama AQSh Kongressiga saylandi. Oradan ikki yil o’tib, prezidentlik uchun poygaga kirdi.

Avvaliga demokratlar orasidan 10 ga yaqin nomzod bo’lgan bo’lsa, saralash musobaqalarida oxir-oqibat maydonda u va Xillari Klinton qoldi.

Uzoq va qizg’in tortishuvlar ketidan Obama nomzodlikni qo’lga kiritdi va Oq Uy uchun respublikachi Jon Makkeyn bilan bellashdi.

Saylovda “O’zgarishlar davri keldi” va “Kelajakka ishoning” degan shiorlari bilan ayniqsa yoshlarni o’ziga ergashtirdi.

Obama 2008-yilning 4-noyabrida prezidentlikka saylandi. Bu davlat o'ziga birinchi bor qora tanli rahbar tanlagani tarixiy burilish bo'ldi.

Obama ikki qizning otasi. Rafiqasi Mishel Obama ham Amerikaning nufuzli oliygohlarini bitirgan advokat.

“Erim vijdonli va iqtidorli inson. U har jihatdan qobil prezident”,-  deydi Mishel Obama.

Prezident o'tgan to'rt yil ichida mislsiz muammo va jumboqlar bilan yuzlashdi. Iqtisodiyotni chuqur inqirozdan olib chiqishdan tortib sog'liqni saqlash tizimi islohotigacha, Iroq va Afg'onistondagi urushlarni tugatishdan tortib, arab dunyosidagi qonli qo'zg'olonlar va inqiloblar, qolaversa terrorizmga qarshi kurashni davom ettirish...

Obama bu vazifalarni qanchalik eplay oldi? Xalq bugungi saylov orqali unga baho berdi.

Prezidentning yaqin maslakdoshi - vitse-prezident Jo Bayden. 70 yoshli sobiq senator.

Bayden ham ishchi oilasida yetishgan. Senatga 30 yoshida saylangan. Vashington siyosatining o’nqir-cho’nqir ko’chalaridan omon chiqqan arboblardan. 

Obama qayta saylanar ekan, Bayden ham lavozimda qoladi.
 

Obama g'olib, Romni mag'lub/Obama's victory, Romney's concessioni
X
09.11.2012 23:22
Barak Obama prezindentlikka qayta saylanib, kelasi yildan ikkinchi muddatni boshlaydi. Ikki yil davom etgan, milliardlab dollar sovurilgan saylov kampaniyasi shu tariqa nihoyasiga yetdi. Obama g'alabasi, respublikachi Mitt Romni mag'lubiyati bilan Amerika oldidagi murakkab masalalar hal bo'lmaydi. Ikkinchi muddatda Obamani mislsiz muammolar kutmoqda. Prezident ularni hal eta oladimi? Tarqoq Kongress bilan til topisha oladimi? O'z nutqlarida Obama ham, Romni ham partiyabozlikni bas qilib, siyosatchilarni bir yoqadan bosh chiqarishga undadi.


 

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Karter qanday prezident bo'lgan? Carter Legacyi
X
21.10.2014 23:59
AQSh sobiq prezidentlari orasida eng uzoq umr ko’rgan arbob - Jimmi Karter. 1981-yilda Oq uydan ketganidan beri jamoat ishlarida faol. 2002-yilda Tinchlik uchun Nobel mukofotini olgan. O'z tahlil markazini boshqaradi, dunyo kezadi, mojarolarni hal etishga harakat qiladi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Turkiya... Suriyalik qochqinlar

  • Suriyaning Kobani uchun janglar davom etmoqda

  • Quvayt

  • Hindiston

  • Haydarobod, Hindiston

  • Nepal bozorlarida

  • Gonkongda namoyishlar tinmagan

  • Xitoy

  • Xitoy

  • Indoneziyada yangi prezident - Joko Vidodo

  • Filippin

  • Keniya

  • Shotlandiya

  • Angliya

  • Fransiya hayvonat bog'ida

  • Portugaliya

Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.
Fotogalereya

Fotogalereya Shimoliy Koreya rahbari ommaga ko'rindi

Ikki oydan beri jamoatchilikka ko'rinmagan Kim Chen Unning yangi suratlari paydo bo'ldi. Ularni Shimoliy Koreya Markaziy Axborot Agentligi tarqatmoqda.

Interaktiv

SAYTGA KIRISHNING XAVFSIZ YO’LI