Seshanba, 21-oktyabr, 2014 Toshkent vaqti: 23:21

Yaqin Sharq

AQSh hozircha Suriya muxolifatini tan olmayapti

Multimedia

Audio
Amerika Ovozi
AQSh prezidenti Barak Obama Eron yadro dasturi atrofidagi mojaroning diplomatik yo’l bilan hal etilishidan umidvor. Saylovdan keyingi ilk matbuot anjumanida Obama asosan iqtisod va Kongress bilan kelishmovchiliklar haqida gapirdi. Suriyadagi vaziyatga ham to’xtaldi.


Bashar al-Assadga sodiq armiya shahar va qishloqlarga o’q yog’dirishda davom etmoqda. Qo’shma Shtatlar yaqinda tuzilgan oppozitsion guruhlar koalitsiyasini tan olishga tayyormi?

Barak Obamaning aytishicha, Suriya muxolifati deb atalmish turli guruhlar til topisha olgani ijobiy hol va AQSh diplomatlari yangi koalitsiya bilan aloqada bo’ladi. Ammo ular Suriya kelajagi xususida yakdil bir pozitsiya bilan chiqishi kerak.

“Muxolifat tuzgan ittifoqni Suriyaning quvg’indagi hukumati deb rasman tan olishga hali erta. Ular demokratik tamoyillarga amal qilishini, Suriya erkin, mo’tadil jamiyatga aylanish sari qadam tashlaydi deb xalqaro hamjamiyatni ishontira olishi lozim”, - deydi prezident Obama. 

AQSh Suriyadagi ahvol yuzasidan Turkiya, Iordaniya va Isroil bilan maslahatlashib ish tutmoqda. Yahudiy davlatini, xususan, kimyoviy qurollar xavfsizligi tashvishda soladi.    

Matbuot anjumanida Obamadan Suriyadagi isyonchilarni qurollantirish haqida ham so’rashdi.

Javob shuki, oppozitsiya safiga ekstremistlar ham qo’shilgani haqida ishonchli ma’lumotlar bor.

“Shuning uchun bu masalada ehtiyotkor bo’lgan ma’qul. Amerika yoki Isroil xavfsizligiga xavf solishi mumkin bo’lgan shaxslar qo’liga qurol zinhor tushmasligi kerak”, - deydi Obama.

Ikkinchi muddatda Obama Eron bilan muzokaralarni kuchaytirishni mo’ljallayaptimi?

Ha, deya javob beradi AQSh rahbari. Kelasi bir necha oy ichida nafaqat Vashington-Tehron orasida, balki xalqaro hamjamiyat bilan ham dialogni jonlantirish ko’zlangan.

“Eron murosaga ko’nadimi - aytish mushkul. Mojaro tinch yo’l bilan hal bo’lishini istardim”, - deydi Obama.

Yadroviy izlanishlarni to’xtatishdan bosh tortgani sabab islomiy respublikaga kuchli sanksiyalar qo’yilgan. Eron atom quroli yaratish niyati yo’qligini ta’kidlab keladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Ebola epidemiyasi - Virus Scarei
X
21.10.2014 00:59
Amerikada olimlar Ebola kasalligiga qarshi qanday kurashish xususida bosh qotirmoqda. Shu kungacha kasallik 4000 dan oshiq odamni hayotdan olib ketdi, asosan Afrika g'arbida. Epidemiya chegara bilmaydi. Uning oldini olish esa hamisha juda murakkab masala. Bemorlar soni oshib bormoqda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Turkiya... Suriyalik qochqinlar

  • Suriyaning Kobani uchun janglar davom etmoqda

  • Quvayt

  • Hindiston

  • Haydarobod, Hindiston

  • Nepal bozorlarida

  • Gonkongda namoyishlar tinmagan

  • Xitoy

  • Xitoy

  • Indoneziyada yangi prezident - Joko Vidodo

  • Filippin

  • Keniya

  • Shotlandiya

  • Angliya

  • Fransiya hayvonat bog'ida

  • Portugaliya

Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.
Fotogalereya

Fotogalereya Shimoliy Koreya rahbari ommaga ko'rindi

Ikki oydan beri jamoatchilikka ko'rinmagan Kim Chen Unning yangi suratlari paydo bo'ldi. Ularni Shimoliy Koreya Markaziy Axborot Agentligi tarqatmoqda.

Interaktiv

SAYTGA KIRISHNING XAVFSIZ YO’LI