Shanba, 01-noyabr, 2014 Toshkent vaqti: 05:57

Xalqaro

Obama tabriklar uchun dunyodan minnatdor

Prezident Barak Obama telefonda, Oq Uy, Vashington, 8-noyabr, 2012
Prezident Barak Obama telefonda, Oq Uy, Vashington, 8-noyabr, 2012
Amerika Ovozi
Prezidentlikka qayta saylangan Barak Obama AQShning yaqin ittifoqchilariga qo'ng'iroq qilib, ular bilan hamkorlikni kengaytirishga shay ekanini bildirgan.

Oq Uyning bildirishicha, butun dunyodan tabriklar yog'ilmoqda.

Bugun Obama 12 davlat rahbari bilan alohida gaplashgan:

Britaniya Bosh vaziri Deyvid Kameron, Misr rahbari Muhammad Mursiy, Fransiya prezidenti Fransua Olland, Isroil Bosh vaziri Benyamin Netanyaxu va Turkiya Bosh vaziri Rejep Tayyip Erdo'g'an, Avstraliya Bosh vazirasi Juliya Gillard, Braziliya prezidenti Dilma Russeff, Kanada Bosh vaziri Stiven Xarper, Kolumbiya prezidenti Xuan Manuel Santos, Germaniya kansleri Angela Merkel, Hindiston Bosh vaziri Manmoxan Singx va Saudiya Arabistoni qiroli Abdulla. 

Prezident, shuningdek, NATO Bosh kotibi Anders Fog Rasmussen bilan muloqot qilgan.

Rossiya rahbariga hali telefon qilinmagan. Kecha prezident Vladimir Putin Oq Uyga tabriknoma yo'llagan edi. Dunyo tinchligi uchun ikki davlat hamkorlikni kengaytirishi juda muhim, degan Putin. U Obamani kelasi yil Moskvaga taklif qilgan.

Bosh vazir Dmitriy Medvedev esa Obamani g'alaba bilan Twitter orqali tabriklagan edi.

Obama jahon ahlidan quvvatlov uchun minnatdor, ammo yurtida mislsiz muammolar bilan yuzlashmoqda.

Byudjet va moliyaviy yetishmovchilik bilan bog'liq masalalar hal etilmasa, yangi yilda Amerika xalqi iqtisodiy jar yoqasiga boradi. Yana bir inqiroz bo'lishi mumkin, deya taxmin qilmoqda ekspertlar.

Obama bugun Vakillar Palatasi raisi, respublikachi kongressmen Jon Beynerga telefon qilib, muxolifat bilan murosaga tayyor ekanini aytgan. 

Biroq murosa shartlari demokrat rahbarga ma'qul kelmasligi mumkin. Respublikachilar boylar uchun soliqni oshirishga keskin qarshi. Ular ijtimoiy himoyani qirqishni taklif qilmoqda.

Senatda demokratlar hukmron. Ular sardori Garri Rid ijtimoiy himoyaga hech kim qo'l tekkizmaydi deya ogohlantirmoqda.

O'tgan yili spiker Beyner va prezident Obama orasida kechgan moliyaviy muzokara ish bermagan edi.

Obama g'olib, Romni mag'lub/Obama's victory, Romney's concessioni
X
09.11.2012 23:22
Barak Obama prezindentlikka qayta saylanib, kelasi yildan ikkinchi muddatni boshlaydi. Ikki yil davom etgan, milliardlab dollar sovurilgan saylov kampaniyasi shu tariqa nihoyasiga yetdi. Obama g'alabasi, respublikachi Mitt Romni mag'lubiyati bilan Amerika oldidagi murakkab masalalar hal bo'lmaydi. Ikkinchi muddatda Obamani mislsiz muammolar kutmoqda. Prezident ularni hal eta oladimi? Tarqoq Kongress bilan til topisha oladimi? O'z nutqlarida Obama ham, Romni ham partiyabozlikni bas qilib, siyosatchilarni bir yoqadan bosh chiqarishga undadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
O'zbekistondagi siyosiy mahbuslar taqdiri AQSh Kongressida muhokamada - Political prisoners in Uzbekistan/US Helsinki Commissioni
X
31.10.2014 23:09
O'zbekistonda inson huquqlari, qamoqxonalar, siyosiy mahbuslar va qiynoqlar... AQSh Kongressi qoshidagi Xelsinki Komissiyasi shu masalalarga e'tibor qaratmoqda. “Human Rights Watch” huquq bo'yicha xalqaro tashkilot bu borada chiqargan katta hisobot tahlil qilinmoqda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI