Juma, 25-iyul, 2014 Toshkent vaqti: 00:20

Siyosat

Afg'oniston urushni tugatishda Pokiston bilan hamkorlikka tayyor

Pokiston Tashqi ishlar vazirasi Hina Rabboniy Xar, Afg'oniston rahbari Hamid Karzay
Pokiston Tashqi ishlar vazirasi Hina Rabboniy Xar, Afg'oniston rahbari Hamid Karzay

Multimedia

Audio
Amerika Ovozi
Afg’oniston Pokistondan hibsga olingan toliblarni ozod etishni so’ramoqda. Bu yo’l orqali ular bilan tinchlik muzokaralarini boshlab, urushni tezroq tugatish ilinjida. 

2014-yil oxiriga borib xalqaro qo’shinlarning Afg’onistonni tark etishi kutilayotgan bir vaqtda Kobul ramsiylari tinchlik o’rnatish jarayoniga qo’shni Pokistonni ham jalb etishga urinmoqda.

Afg’on Tinchlik kengashi delegatlari shu maqsadda yaqinda Islomobodga bordi. Afg’oniston Tashqi ishlar vaziri Zalmay Rasul boshchiligida o’tgan muzokaralarning muvaffaqiyatli yakunlangani aytilmoqda. Uchrashuvlar nihoyasida Pokiston qamoqlarida saqlanayotgan bir necha Tolibon yetakchisi ozod etilgan.

Afg’oniston rasmiysi muzokaralar yana davom etishini ta’kidladi:

“Harakatlarimizni davom ettiramiz. Tinchlik o’rnatish jarayonini tezlashtirmasak bo’lmaydi. Jarayonda ishtirok etadigan barcha taraflar ozod etilishi kerak. Buning natijasida Afg’oniston hukumati va Tolibon davomli va barqaror muzokaralar olib bora oladi. Biz afg’onistonlik toliblarning vataniga qaytishi va tinchlik jarayoniga qo’shilishini istaymiz. Ular millatimiz kelajagi  va taraqqiyoti yo’lida xizmat qilsin”, - deydi Afg’oniston Tashqi ishlar vaziri Zalmay Rasul.
 
Pokiston ayrim jangari guruhlarni qo’llab-quvvatlayotgani haqida ma’lumotlar bor. Tolibon harakatining ayrim yetakchilari ham Pokiston hududidan boshpana topgani aytiladi.

Islomobod  terrorizmga qarshi urushda minglab fuqarolari halok bo’lganini aytib, qo’shni Afg’onistonda tinchlik o’rnatilishidan biz ham manfaatdormiz, deydi.

“Terrorizm tahdidiga nihoyatda jiddiy yondashamiz. Bolalarimiz har kuni shu urushda nobud bo’lyapti. Biz terrorizm nimaligini yaxshi bilamiz. Biz uning tahdidiga qarshi hammani birgalikda kurashishga taklif etamiz”, - deydi Pokiston Tashqi ishlar vaziri Hina Rabboniy Xar.
   
Rasmiylarning ma’lum qilishicha, Pokiston va Afg’onistonning bir necha musulmon ulamosi kelasi yilning yanvar oyida Kobulda yig’ilib, tinchlik jarayoniga bag’ishlangan yana bir anjuman o’tkazadi. Ulamolar konferensiyasiga boshqa musulmon davlatlari olimlari ham taklif etiladi.

Pokiston Tashqi ishlar kotibi Jalil Abbos Jiloniyning aytishicha, ushbu anjumandan maqsad har ikki davlatda jangari harakatlarga qarshi dindorlar qo’llab-quvvatlovini oshirishdir.

“Ulamolar konferensiyasini o’tkazishdan maqsad Afg’oniston, Pokiston va boshqa musulmon davlatlarning  diniy olimlarini yig’ib, ekstremizm, xudkushlik kabi islom ummati yuz tutayotgan muhim muammolar yuzasidan fikr almashish. Olimlar xudkushlik hujumlariga qarshi qo’shma qaror qabul qilishlari kerak”, - deydi Pokiston rasmiysi.

Afg’on rasmiylariga ko’ra, Tolibon va boshqa jangari guruhlar mamlakatlarini tashqi kuchlar egallab turgani uchungina kurash olib borayotganini aytadi. Xalqaro qo’shinlar Afg’onistonni tark etgach, ulamolar yordami bilan jangarilar zo’ravonlikni tark etsa ajab emas, deydi ular.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
G'azoda tinch aholi orasida qurbonlar oshmoqdai
X
24.07.2014 12:14
Uch haftadirki, Isroil G’azoga raketa yog’dirishda davom etmoqda. Falastinliklar orasida o’lganlar soni 600 dan oshgan. Aksariyati oddiy fuqarolar, ayollar va bolalar. Isroil tomondan esa qurbonlar 30 ga yaqinlashgan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Samolyotda halok bo'lgan yo'lovchilarning yaqinlari Tayvanning Pengu orolida tashkil etilgan motam marosimida, 24-iyul, 2014-yil.
  • Samolyotda halok bo'lgan yo'lovchilarning yaqinlari Tayvanning Pengu orolida tashkil etilgan motam marosimida yig'lamoqda, 24-iyul, 2014-yil.
     
  • Samolyotda halok bo'lgan yo'lovchilarning yaqinlari Tayvanning Pengu orolida motam marosimiga tayyorlanmoqda, 24-iyul, 2014-yil.
     
  • Qutqaruvchilar samolyot halokati o'rnini tekshirmoqda, Pengu oroli, Tayvan, 24-iyul, 2014-yil.
Fotogalereya

Fotogalereya Tayvanda samolyot qulashi oqibatida 48 kishi halok bo'ldi

"TransAsia" havo yo'llariga qarashli samolyot yomon ob-havo tufayli Tayvanda qulab tushgan. Samolyot bortidagi 48 kishi halok bo'lgan, 10 kishi yaralangan. Halokat yerida yana besh kishi jarohatlangani aytilmoqda.
Fotogalereya

Fotogalereya BMT Xavfsizlik kengashi G'azoda otishmani zudlik bilan to'xtatishga chaqirdi

BMT Xavfsizlik kengashi Isroil va XAMASni o'zaro otishmani zudlik bilan to'xtatishga chaqiruvchi qaror qabul qildi. G'azoda ikki haftadan beri davom etayotgan havo hujumlarida 500 dan ziyod falastinlik halok bo'lgan, Isroil tomonidan esa bir necha askar o'lgan.
Fotogalereya

Fotogalereya Kunning suratlari - 20-iyul, 2014-yil

Kunning muhim voqealari va dunyoning turli burchaklaridagi manzara suratlarda.
Fotogalereya

Fotogalereya O'zbekistonlik ustalar Santa Fe xalqaro festivalida

Amerikaning Nyu-Meksiko shtatidagi Santa-Fe shahrida har yili o’tadigan usta hunarmandlar festivali (Santa Fe International Folk Art Market) nufuzli davra hisoblanadi. Unga taklif qilingan chevar, kashtado’z yoki sozandaning ijodi so’zsiz tan olinadi. Qaysi davlatda bo’lmasin ularning mahsuloti darrov qo’lma qo’l bo’lib ketadi. Bu yilgi yarmarkada O’zbekistondan 25 kishi qatnashdi - eng katta jamoalardan biri. 11-13-iyul kunlari o’tgan tadbirda ustalar bir-biri bilan tanishdi, tajriba almashdi, mahsulotini sotdi, yangi xaridor va hamkorlar topdi va vatanga daromad bilan qaytdi. Bu esa, deydi hunarmandlar, yangi imkoniyatlarga yo’l ochadi. Yangi ish o’rinlari, ta’lim dasturlari, mustaqil faoliyat, erkin nafas va yurt taraqqiyoti uchun hissa degani bu.
Fotogalereya

Fotogalereya MH17 - Ukraina osmonida urib tushirilgan samolyot qoldiqlari va bugungi manzara

Ukraina hukumati Rossiyani ikki kun oldin Donetskda urib tushirilgan yo’lovchi samolyot qoldiqlari orasidan ashyoviy dalillarni yo’q qilishda separatistlarga yordam berayotganlikda ayblamoqda. Malayziya havo yo’llariga tegishli samolyot ichida 298 odam bo’lgan. Hammasi o’lgan. AQSh hukumatining tasdiqlashicha, samolyot yerdan nishonga olingan.
Fotogalereya

Fotogalereya Isroil piyoda kuchlari G'azoda hujumlarni davom ettirmoqda

8-iyulda boshlangan operatsiyada hozirgacha 300 dan oshiq falastinlik o’lgan. Uch kundirki, Isroil kuchlari G'azo sektorida yuzlab manzillarni o'qqa tutmoqda.
Fotogalereya

Fotogalereya Dunyo ahli Ukrainadagi fojeadan dahshatda, 295 odam halok bo'lgan

Yo'lovchilardan 173 nafari Niderlandiya, 44 kishi Avstraliya, 12 odam Indoneziya, shuningdek, Britaniya, Germaniya, Belgiya, Kanada, Yangi Zelandiya va Filippin fuqarolaridir. AQSh razvedka agentliklarining tasdiqlashicha, samolyot raketa bilan urib tushirilgan va aynan Ukraina sarhadidan turib nishonga olingan. Samolyot havoda portlagan. Ukraina qurolli kuchlari bunday vositaga ega emas, deydi Amerika rasmiylari. Gumon shuki, samolyotni o'qqa olganlar - rusparast bo'lginchilar.
Fotogalereya

Fotogalereya AQShga noqonuniy kirib kelayotgan muhojir bolalar

AQShning janubiy chegaralarida noqonuniy muhojirlar muammosi gumanitar inqiroz sifatida baholanmoqda. Chegarani kesib o'tganlar orasida 50 mingdan ortiq voyaga yetmagan bola bor. Ular mahalliy va federal hukumat uchun yangi muammolarni keltirib chiqarmoqda.
Fotogalereya

Fotogalereya Ukrainada Malayziya samolyoti quladi

Boeing-777 samolyoti 280 yo'lovchi va 15 ekipaj a'zolari bilan Amsterdamdan Kuala Lumpurga uchayotgan bo'lgan. Ukraina hukumati va isyonchilar bir-birini ayblamoqda.

Interaktiv

SAYTGA KIRISHNING XAVFSIZ YO’LI