Payshanba, 18-dekabr, 2014 Toshkent vaqti: 14:31

Siyosat

Pokiston saylovlarida yoshlar katta rol o'ynaydi

Multimedia

Audio
Amerika Ovozi
Pokistonda may oyiga belgilangan saylovlarda yoshlar katta rol o’ynashi mumkin. Bu yili saylovchilar safiga yoshi 18 dan 25 gacha bo’lgan 35 million fuqaro qo’shildi. Xo’sh, ularning ovozi amaldagi siyosatni o’zgartira oladimi? 


Pokistonni azaldan ikki siyosiy sulola yoki harbiylar boshqargan. Rahbarlar nafaqat siyosiy qarashlari, balki etnik kelib chiqishi, qarindosh-urug’lariga qarab saylanadi. Mamlakat siyosiy sahnasida jiddiy o’zgarish boshlash vaqti keldi, deydi faol talabalar.

“Yoshlarning ovozi muhim, chunki ular tarafkashlik qilmaydi, shaxsiyatga qarab emas, nomzodning qarorlariga qarab ovoz beradi. Buning natijasida jiddiy o’zgarishlar bo’lishiga umid qilyapman”, - deydi Mehrom Ali Xon Vazir.

Bu yilgi saylovlar parlamentdagi kuchlar muvozanatini keskin o’zgartirmasa ham, partiyalar tushunyaptiki yoshlar istagini inobatga olish kerak, deydi student.

May oyidagi saylovda ovoz berish huquqiga ega fuqarolarning askariyati – 40 yoshga yetmaganlar. Lekin, deydi loxurlik faol talaba Samira Hasan, ko’plar jarayonda qatnashmasligi mumkin. Ayniqsa qishloq joylarida yosh saylovchilar mustaqil qaror qabul qilishdan yiroq, ular ota-onasining ra’yidan yuradi.

“Bu Pokiston yoshlariga xos jiddiy muammo, ota-ona chizgan chiziqdan chiqmaydi ular. Yangi siyosiy arbob uchun ovoz berishga jur’at etmaydi. Kattalar gapini qaytarmaydi”, - deydi Hasan.
  
Hukmron Pokiston Xalq partiyasi boshqa guruhlar bilan koalitsiya tuzib, mamlakatni boshqarmoqda. Ammo muxolifat yoshlarni o’z tomoniga og’dira olsa muvozanat o’zgarishini tushunib yetayapti.

Ayni paytda taniqli kriketchi Imron Xon rahbarligidagi Adolat harakati hamda Navoz Sharif yetakchiligidagi Musulmonlar ligasi yoshlar ko’nglini ovlash bilan band.

“Hozirgi yoshlar siyosatga ko’proq qiziqadi, saylovda faol qatnashish niyatida. Shunga qaramay ularning ishtiroki bilan tizim tubdan o’zgarishiga ko’zim yetmaydi. Saylovchilarning 65 foizi qishloq joylarida yashaydi. Ular birinchi navbatda nomzodning qayerdan ekani, qaysi sulola va qabilaga mansubligiga qaraydi”, - deydi siyosatshunos Tariq Junaid.

Haqiqatan ham saylov shunday kechsa, Habib Tohir kabi talabalarning umidlari puchga chiqishi aniq. Bizning avlod siyosiy korrupsiya va mansabni suiiste’mol qilish davriga barham berishi kerak, deb hisoblaydi u.  

“Parlamentni korrupsiya botqog’iga botgan arboblardan tozalash uchun imkoniyat bu. Mamlakat kelajagini belgilashda yaqinlashayotgan saylov katta ahamiyat kasb etadi”, - deydi Tohir.

Shu paytgacha hech bir siyosiy partiya Pokiston yoshlari ko’ngliga yo’l topa olgani yo’q. Aksariyat tahlilchilar fikricha, Pokiston Xalq partiyasi yana g’alaba qilib, hokimiyatda qolishi muqarrar. Faol talabalar siyosiy o’zgarishlar asta-sekin yuz berishiga ishonadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQSh armiyasidagi jinsiy tajovuz hollarii
X
17.12.2014 21:48
So’nggi ikki yilda AQSh qurolli kuchlarida jinsiy tajovuz hollari kamaygan. Ammo Pentagon hamon keskin bosim ostida.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ispaniyada terrorizmga qarshi kurash: Suriya va Iroqdagi jangarilarga xizmat qilish uchun ayol yollayotgan shaxs hibsga olingan
  • Tolibon 140 dan oshiq odamni o'ldirdi - Peshavor, Pokiston
  • Sidney kafesidagi fojia ketidan Avstraliya motamda
  • Tbilisi, Gruziya
  • Kambodjada diniy bayram
  • Fransiya
  • Hindiston jinsiy tajovuzga uchrab halok bo'lgan ayollarga motam tutmoqda
  • Nyu-York

Interaktiv

SAYTGA KIRISHNING XAVFSIZ YO’LI