Shanba, 25-oktyabr, 2014 Toshkent vaqti: 04:05

Amerika

AQShning ikki yetakchi generali tekshiruv ostida

Prezident Barak Obama 2011-yilning yozida general Deyvid Petreusni (chapdan uchinchi) Markaziy razvedka boshqarmasiga direktor, general Jon Allenni (o'ngdan ikkinchi) esa Afg'onistondagi xalqaro koalitsiyaga bosh qo'mondon etib tayinlagan edi.
Prezident Barak Obama 2011-yilning yozida general Deyvid Petreusni (chapdan uchinchi) Markaziy razvedka boshqarmasiga direktor, general Jon Allenni (o'ngdan ikkinchi) esa Afg'onistondagi xalqaro koalitsiyaga bosh qo'mondon etib tayinlagan edi.
Amerika Ovozi
AQSh Markaziy razvedka boshqarmasi direktori Deyvid Petreus yozuvchi ayol bilan ishqiy aloqada bo’lgani oshkor etilgach, iste’fo berganidan so’ng Mudofaa vazirligi Afg’onistondagi qo’shinlar qo’mondoni general Jon Allenni ham tergov qilishga kirishgan. Bu gal Petreusning iste’fosiga aloqador bir ayol va Allen o’rtasidagi yozishma taftish qilinmoqda.
 
37 yoshli Jill Kelli ismli bu juvon, oilali, uch bolaning onasi, shuningdek, ikkala generalning ham do’sti ekani ma'lum.

Shunisi aniqki, Petreus biografiyasi bitilgan kitob muallifi Pola Brodvel, 40 yoshda, oilali va ikki farzandli ayol, Kelliga bir necha bor achchiq maktublar yozgan. Tergovchilar bu ishning ketiga tushgach, generalning yozuvchi bilan ishqiy aloqasi ayon bo'ldi va oilasiga xiyonat qilganini tan olgan Petreus lavozimidan ketishga qaror qildi.

Allen Jill Kelli bilan nozik masalalarda yozishgani aytilmoqda, ammo ishqiy mavzudami yoki maxfiy hujjatlar yuzasidanmi, aniq emas. General aybsiz ekanini da’vo qilmoqda.

Kelli Florida shtatidagi yirik harbiy bazada madaniy ishlarga mas'ul bo'lgan.
 
General o’tgan oy AQShning Yevropadagi qo’shinlari va NATO qurolli kuchlarining oliy qo’mondoni etib tayinlangan, ammo lavozimga kirishishi uchun Senat tasdig’idan o’tishi kerak. Taftish bois Pentagon qonunchilardan bu ishni kechiktirishni so’ragan.

Asosiy e'tibor generallarning bu rishtalarda maxfiy ma'lumotlar uzatgani yoki uzatmaganida.
 
Pentagon so'zlovchisi Jorj Littlning bildirishicha, Allen ustidan tekshiruv Federal Qidiruv Byurosi bilan hamkorlikda olib borilmoqda. 

“Faktlar aniqlanar, tergov davom etar ekan, general Allen xalqaro koalitsiya qo'mondoni vazifasida qoladi. Uning rahbarligi ostida ulkan zafarlar qozonildi, Afg'oniston bilan hamkorlikda bu mamlakat tinchligi, terroristlarga qarshi kurash yo'lida progress bo'ldi. General Allenning biror egri ish qilgani haqida hozir qo'limizda isbot yo'q",- deydi rasmiy.

Tergovchilar general va Kelli xonim orasidagi 20 - 30 ming elektron yozishmani ko'zdan kechirmoqda.

Ayni damda Avstraliya va Janubi-sharqiy Osiyoga safar qilayotgan Mudofaa vaziri Leon Panetta mojaroni afsuslanarli hol deb atagan. Haqiqat yuzaga chiqadi va xatolar to'g'rilanadi, deydi u.

Amerikaning ikki yetakchi generali, urushlarga boshchilik qilgan va eng oliy lavozimlarni egallab turgan Allen va Petreus nomi bulg'angani Obama ma'muriyati uchun kuchli zarba. 

Axborot vositalari mojaroni izchil yoritar va har soat yangi bir ma'lumot fosh etilar ekan, amerikaliklar taajjubda. 

Allendan oldin Afg'onistonda Petreus qo'mondonlik qilgan. O'tgan yilning yozida Panetta Markaziy razvedka boshqarmasi lavozimidan mudofaa vazirligiga o'tgach, uning o'rnini Petreus egallagan va Allen Afg'onistondagi urushni tugatish vazifasi bilan Kobulga yuborilgan edi.

6-noyabrda prezidentlikka qayta saylangan Obama kelasi kunlar Markaziy razvedka boshqarmasi direktori va boshqa muhim mansablarga nomzodlar ko'rsatishi kerak. Afg'onistonda 68 ming amerikalik askar bor. 2014-yil oxirigacha AQSh hukumati ularning hammasini vatanga qaytarishga bel bog'lagan. 

Kongress, jumladan, Senatning Razvedka masalalari bo'yicha qo'mitasi bu hafta Markaziy Razvedka Boshqarmasi rahbarini chaqirib, uni savolga tutadi. Aslida general Petreus senatorlarga Liviyadagi fojia, AQSh elchisi Kristofer Stivens va yana uch amerikalik o'limi yuzasidan hisobot berishi kerak edi. Petreus kutilmaganda ishdan bo'shagach, uning o'rniga tayinlangan Maykl Morel endi qonunchilar huzuriga boradi.

Hozirgacha tasdiqlangan faktlar xronologiyasi:

2006: General Deyvid Petreus Garvard universitetida Pola Brodvell bilan tanishadi.

2007: Senat general Petreusni Iroqdagi qo'shinlarga qo'mondon etib tayinlaydi.

2008: Brodvell general Petreus faoliyatini o'z doktorlik dissertatsiyasiga bosh mavzu sifatida tanlaydi.

Oktabr, 2008: General Petreus AQSh Markaziy Qo'mondonligi rahbari etib tayinlanadi. Jill Kelli va uning turmush o'rtog'i bilan do'stlashadi.

Iyun, 2010: Senat general Petreusni Afg'onistondagi xalqaro koalitsiya qo'mondoni etib tayinlaydi. Pola Brodvell ilmiy ishini kitobga aylantirib, general biografiyasini yozishga qaror qiladi.

Sentabr, 2011: General Petreus Markaziy razvedka boshqarmasi direktori lavozimini egallaydi.

Noyabr, 2011: General Petreus va Pola Brodvell orasida ishqiy aloqa boshlanadi.

Yanvar, 2012: Brodvel xonimning kitobi nashrdan chiqadi.

May, 2012: Jill Kelli anonim adresdan do'q-po'pisaga to'la maktublar ola boshlaydi. Federal Qidiruv Byurosiga murojaat qilinadi va tekshiruv boshlanadi. Maktublar Pola Brodvell tomonidan yozilgani ayon bo'ladi va shu tariqa uning shaxsiy elektron pochtasi tekshirilib, general Petreus bilan don olishgani fosh bo'ladi.  

Sentabr, 2012: Federal Qidiruv Byurosi Pola Brodvell va general Petreusni so'roq qiladi.

6-noyabr, 2012: Oq Uyga tekshiruv yuzasidan axborot beriladi va ikki kun o'tib Petreus ishdan bo'shashga qaror qiladi.

12-noyabr, 2012: Mudofaa vazirligi Afg'onistondagi bosh qo'mondon general Jon Allen va Jill Kelli orasidagi elektron yozishmalarni tekshira boshlaydi. 
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Alisher Soipov (1981-2007) - Shohruh Soipov so'zlaydi - (Suhbat bundan ikki yil oldin qilingan. Afsuski, masala yuzasidan yangilik yo'q)i
X
24.10.2014 14:00
2007-yilning 24-oktabrida O’shda yosh va fidokor jurnalist Alisher Soipov otib o’ldirilgan edi. Uni kim va nima uchun nishonga olgan? Shohruh Soipov, Alisherning ukasi, “Amerika Ovozi” ga oila boshdan kechirgan fojia va jurnalist qoldirgan meros haqida gapirib berdi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kobani

  • Kobani

  • Turkiya-Suriya chegarasida

  • Bag'dod

  • Kanadalik askarlar Iroqqa yo'l olayapti.

Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.

Interaktiv

SAYTGA KIRISHNING XAVFSIZ YO’LI