Shanba, 01-noyabr, 2014 Toshkent vaqti: 03:05

Amerika

Filippin Janubiy Xitoy dengizi mojarosida AQSh yordamidan umidvor

Pekin Janubiy Xitoy dengizidagi orollarning 90 foizi o'ziga tegishli ekanini da'vo qiladi.
Pekin Janubiy Xitoy dengizidagi orollarning 90 foizi o'ziga tegishli ekanini da'vo qiladi.

Multimedia

Audio
Amerika Ovozi
Janubiy Xitoy dengizida hudud talashayotgan Filippin va Xitoy o’rtasida ziddiyatlar tobora kuchayib bormoqda. Bu orada Manila Vashingtondan harbiy dastak olishga zo’r bermoqda. O’tgan hafta AQSh rasmiylari Manilada bo’lib, mamlakatning mudofaa va dengiz kuchlari salohiyatini oshirishga qaratilgan muzokaralar olib bordi.

Filippinning Xitoy talablariga qarshiligi hozir har doimgidan ham kuchli. Bu AQSh e’tibori Osiyo va Tinch okeani mintaqasiga ko’chayotgan bir pallaga to’g’ri kelmoqda.
 
Rasmiy Manila AQSh harbiylarining hududga tez-tez tashrif buyurayotganidan mamnun. Mamlakat Tashqi ishlar vazirligi mulozimi Karlos Sorretaning aytishicha, AQShning bu yerda bo’lishi territorial bahsda Filippin uchun qo’shimcha yordam bo’ladi.
 
“AQSh hududda bo’layotgan ishlarga befarq emasligini ko’rsatyapti. Natijada mintaqadagi har bir davlat o’zboshimchalik qilmasdan, qonun doirasida ish qiladi”, - deydi Filippin rasmiysi.
 
Janubiy Xitoy dengizidagi orollarga Filippin, Vyetnam, Tayvan, Malayziya va Bruney da’vogarlik qiladi. Xitoy esa, qadimiy xaritalarga asoslanib, bu hududning 90 foizi o’ziga qarashli ekanini aytadi. Pekin masalani da’vogar tomonlarning ichki ishi ekanini aytib, AQSh kabi chet kuchlarning aralashishiga qarshi.
 
Filippin esa muzokaralarda AQShning ham qatnashishini ijobiy hol sifatida ko’radi.
 
Harbiy hamkorlik doirasida Manilaga tashrif buyurgan AQSh Tinch okeani kuchlari qo’mondoni, admiral Samuel Loklerning aytishicha, Vashington bu munozaralarda neytral. Tomonlar masalaga tinch yo’l bilan yechim topishi kerak, deydi u.
 
“Filippin masala yuzasidan AQShning qanday mavqeda ekanini biladi. Biz ham mavzu atrofidagi munozaralar Filippin xavfsizligi uchun muammo tug’dirishi mumkinligini tushunamiz. Shuning uchun ochiq muloqot olib boryapmiz”, - deydi AQSh harbiy kuchlari qo’mondoni.
 
So’nggi 10 yil davomida Xitoyning harbiy byudjeti muntazam o’sib bordi. Ayrimlar nazarida, AQShning Osiyoga e’tiborni kuchaytirgani shu bilan bog’liq.
 
Singapurdagi Janubi-sharqiy Osiyo masalalari instituti tadqiqotchisi Ayan Stori nazarida, AQSh kemalari Filippinga tez-tez qatnab, bu hududning o’zi uchun muhim ekanini Xitoyga ko’rsatib qo’ymoqchi.

“AQSh Filippinga yordam ko’rsatishda davom etadi. Da’vogarlar orasida Filippin eng zaif davlat”, - deydi tadqiqotchi.
 
Admiral Loklerga ko’ra esa, AQSh yordami, asosan, gumanitar va inqiroz oqibatlarini bartaraf etish sohalarida bo’ladi.

“Bizning ko’magimiz Filippinda amaliyotlarni tezkor o’tkazish, axborot uzatish va to’plash imkoniyatlarini yaxshilash yo’nalishlariga qaratiladi”, - deydi rasmiy.
 
Vashingtondagi Strategik va xalqaro munosabatlar markazi tadqiqotchisi Karl Beyker fikricha, iqtisodiy vaziyat og’ir bo’lgan hozirgi sharoitda AQSh Tinch okeani mintaqasida yangi mojarolarga aralashmagani ma’qul. Buning o’rniga Vashington iqtisodiy munosabatlarga ko’proq urg’u bersa yaxshi bo’lardi, deydi u.
 
“AQSh mintaqada faqat xavfsizlik kafolatchisi degan vazifani bajarmasligi kerak. Janubi-sharqiy Osiyoda iqtisodiyot ancha barqaror. Vashington shundan unumli foydalanib, o’z iqtisodiyoti uchun ham manfaatli bo’lgan aloqalarni o’rnatishi mumkin”, - deydi Beyker.
 
Ammo Filippin faqat AQSh yordamigagina tayanib qolmoqchi emas. Hududning yana bir baquvvat davtlati Yaponiyada siyosatdonlar mamlakatning tinchlikparvar harbiy siyosatini o’zgartirish haqida bosh qotirmoqda. Manila bu harakatni olqishlab, Tokioning faol harbiy siyosat olib borishi hududda muvozanat tiklanishiga hissa qo’shadi, demoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI