Rossiya rahbari Vladimir Putin Rossiya va Qo’shma Shtatlar o’rtasida rishtalarni yaxshilashga undadi.
Putin AQSh Mustaqillik kunida Obamaga tabrik yo’lladi.
O’zaro tafovutga qaramasdan Putin aloqalar tenglik va adolat tamoyillari asosida rivojlanishda davom etishiga umid bildirgan.
Xalqaro tinchlik va barqarorlikni ta’minlashda ham Amerika, ham Rossiya birday javobgar, deydi Rossiya rahbari.
Ukrainadagi inqirozdan beri Moskva va Vashington aloqalari keskin sovuqlashgan. AQSh va Yevropadagi ittifoqchilar Rossiya bilan diplomatik hamkorlikni qisqartirib, sanksiyalarni ishga soldi.
Moskva Ukrainadagi bo’lginchilarni qo’llab-quvvatlashda davom etsa, G’arb qo’shimcha sanksiyalarni ishga solmoqchi.
