Juma, 31-oktyabr, 2014 Toshkent vaqti: 09:48

Din

Nasroniylar e'tiqod erkinligi toptalayotganidan nolimoqda

Rus pravoslav cherkovida
Rus pravoslav cherkovida

Multimedia

Audio
Sobiq Sovet o’lkalarida diniy erkinlik deganda nima tushuniladi va bugungi ahvol qanday? Mustaqil davlatlarning bosh qomusida fuqaro istagan diniga e’tiqod qilishga haqli deya kafolatlangan. Lekin har bir mamlakat bunga o’z tarixi, madaniyati, asosiy dini va amaldagi siyosatidan kelib chiqqan holda yondashadi. Vashingtonda, Kongress joylashgan Kapitoliy binosida huquqshunoslar va, asosan, nasroniy yetakchilar yig’ilib, shu haqda fikr almashdi.


ROSSIYA

Bugun Rossiyada 25 mingdan ortiq diniy tashkilot ro’yxatdan o’tgan. Huquqshunos Anatoliy Pchelintsev hozir mamlakatda vaziyat ancha yaxshi ekanini aytadi. Ammo qonunlarni mukammallashtirish, barcha diniy guruhlarning qonuniy himoyaga ega bo’lishini ta’minlash masalasida muammolar ko’p, deydi u.
 
“Rossiyada Rus pravoslav cherkovi va davlat o’rtasida aloqalar kuchayib bormoqda. Ammo davlatning noan’anaviy boshqa diniy guruhlarga nisbatan munosabati yaxshi emas. Diniy haq-huquqlar bo’yicha hukumat vakillari savodsizligi ko’zga tashlanadi. Bu qonunlarda ham aks etgan. Pravoslav nasorolardan boshqa guruhlar tez-tez hukumat tazyiqiga uchrab turadi”, - deydi rossiyalik huquqshunos.
 
Pchelinstevning aytishicha, 1997-yil Rossiyada Vijdon erkinligi to’g’risidagi qonunning qabul qilinishi katta qiyinchilik va bahs-munozaralar bilan amalga oshdi.
 
“Qonun matni xalqaro standartlarga mos bo’lmagani uchun xorijdan besh mingdan ortiq e’tirozlar tushgan. Ularning bir qismi hisobga olinib, nihoyat qonun qabul qilindi. Biz undagi ayrim moddalar yuzasidan to’rt marta Rossiya Konstitutsiyaviy sudiga murojaat qildik. Mana shu harakatlarimiz oqibatida qonun ancha yaxshi ko’rinishga keldi, deb aytishimiz mumkin. Ammo kamchiliklar hanuz bor. Diniy faoliyat, diniy ta’lim, mayda diniy guruhlar haq-huquqlarini himoya qilish masalalarida noaniqliklar ko’p”, - deydi Pchelintsev.
 
Huquqshunos nazarida, muammolarni yechish uchun, avvalo, qonunchlarning diniy huquqlar bo’yicha savodxonligini oshirish kerak.
 
O'ZBEKISTON

Yig’inda shaxsan ishtirok etmagan, ammo o’z kuzatuvlarini yozma ravishda taqdim etgan o’zbekistonlik huquqshunos Pyotr Ivanov nazarida, Markaziy Osiyo -nasoro missionerlari qattiq ta’qib qilinadigan mintaqa.
 
“O’zbekistonda hukumat terrorizmga qarshi shafqatsiz kurash usullarini nasorolar kabi oz sonli diniy guruhlarga nisbatan ham qo’llamoqda. 2000-yillar boshida musulmonlar haq-huquqlari qattiq cheklangan bir paytda nasorolarga qarshi ham hujum boshlandi. Hukumat faqat musulmonlarni emas, balki nasorolarni ham, boshqa diniy guruhlarni ham nazoratga olayotganini go’yo dunyo musulmon davlatlariga ko’rsatmoqchi bo’ldi”, - deyiladi Ivanov bayonotida.
 
O’zbekistonda rahbariyat missionerlarni xorij ayg’oqchlari, ularga ergashganlarni esa vatan xoinlari deb biladi. Uyida nasorolikka oid har qanday diniy adabiyot topilgan fuqaro javobgarlikka tortilmoqda, deydi mutaxassis.
 
BELARUS

Belaruslik huquq faoli, ilgari prezident Aleksandr Lukashenko ma’muriyatida ishlagan Ivan Pashkevichning aytishicha, uning vatanidagi vaziyat Rossiya va Ukrainadagi holatga o’xshaydi.
 
“Sovet Ittifoqi qulab, mustaqil davlatlar paydo bo’lgach, har bir mamlakat bo’shab qolgan kommunistik g’oya o’rnini qoplash uchun o’z milliy mafkurasini qidirishga tushdi. Afsuski, bu jarayonda men ham ishtirok etdim va buning qanday yomon oqibatlarga olib kelishi mumkinligini o’sha paytda bilmagan edim. Milliy mafkurani nasorolik ustiga qurish g’oyasini o’sha paytlar qattiq qo’llab-quvvatladim. Ammo savol tug’iladi: Belarusda nasorolarning 26 mazhabi bor, ularning qaysi birini olish kerak? Bu savol Rossiyada ham, Ukrainada ham bor. Milliy mafkura uchun pravoslaviya e’tiqodi qabul qilindi. Natijada pravoslav nasorolar nufuzi kuchayib, boshqa diniy guruhlar kamsitila boshlandi ”, - deydi belaruslik sobiq davlat arbobi.
 
OZARBAYJON

Bokudagi Evangelchi nasorolar uyushmasi rahbari Rasim Xalilovning aytishicha, Ozarbayjonda davlat ro’yxatidan o’tish deyarli mumkin emas.
 
“2009-yil Vijdon erkinligi to’g’risidagi qonunga o’zgartirish kiritilishi natijasida protestant cherkovlarining katta qismi qayta registratsiyadan o’ta olmadi. Shunga qaramay, biz Ozarbayjonda faoliyatimizni to’xtatganimiz yo’q ”, - deydi rahnamo.
 
O’zbekistonda to’rt yil missionerlik faoliyatini olib borgan ruhoniy Matti Sirvio huquqlar toptalishiga qarshi kurashda dindorlarni faolroq bo’lishga chaqiradi.
 
“Tarixan, cherkov o’zini davlat va siyosatdan uzoq tutgan. O’zbekistonda ham shunga guvoh bo’ldim. Buning turli sabablari bor. Birinchisi, xavfsizlik masalasi. E’tiqod qiluvchilar davlat organlaridan qattiq qo’rqishadi. Ikkinchisi, vaqtdan unumli foydalanmaslik. Jamiyat ishida faol bo’lishga vaqtimiz yo’q yoki zamonaviy kommunikatsiya vositalaridan foydalanishni bilmaymiz. Shuningdek, ozchilik nasorolarga ajnabiylar, xoinlar sifatida qarash ham mavjud. Bularning barchasi ularni o’z haq-huquqlari uchun kurashishdan to’sayotgan sabablar”, - deydi protestant ruhoniysi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Quyosh energiyasi - Solar poweri
X
30.10.2014 22:03
Amerikada muqobil energiya manbalaridan foydalanishga o'tayotganlar ko'p. Xususiy kompaniyalardan tortib universitetlargacha, qolaversa oddiy fuqarolar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Qizil ko'knor ko'rgazmasi, London

  • Amerika saylovlar arafasida

  • Afina, Gretsiya... Harbiy mashqlar

  • Turkiya-Suriya chegarasi

  • Filippin

  • Jamna daryosi bo'yida, Hindiston

  • Fransiya

  • Kanzas shahri, Missuri

  • Los Angeles, Kaliforniya

Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.

Interaktiv

SAYTGA KIRISHNING XAVFSIZ YO’LI