Payshanba, 23-oktyabr, 2014 Toshkent vaqti: 23:31

AQSh-Markaziy Osiyo

Amerika O'zbekistonga: Korrupsiyadan noligan ayolni qamoqqa tashlash adolatdan emas

Chinoz dalalarida...
Chinoz dalalarida...

Multimedia

Audio
  • Ishchi migrantlar taqdiri, ayollarga nisbatan zo'ravonlik... Qozog'istondagi "Sana Sezim" tashkiloti rahbari Xadicha Abisheva bilan suhbat/Navbahor Imamova, "Amerika Ovozi"

  • AQSh-O'zbekiston aloqalarida huquq faktori, amerikalik tahlilchi Joshua Foust bilan suhbat, Navbahor Imamova lavhasi

  • Markaziy Osiyoda fundamental huquqlar jiddiy tahdid ostida, Malik Mansur lahvasi

Amerika Ovozi

Eslatma: Quyidagi maqola Amerika siyosatini aks ettiradi

Amerika Qo'shma Shtatlari Toshkent viloyatida Gulnoza Yo'ldosheva ismli fuqaro ikki yillik qamoq jazosiga hukm qilinganini xavotir bilan kuzatib, Islom Karimov va uning ma'muriyatini adolatni ta'minlashga chaqirmoqda.

Toshkentdagi elchixonaga uzatilgan ma'lumotlarga ko'ra, Yo'ldosheva ichki ishlar bo'limiga aslida odam savdosi bo'yicha shikoyat bilan borgan. Bu jinoyatda u rasmiy doiralarning ham qo'li bor deya da'vo qilgan. Uning shikoyatini eshitib tekshirish o'rniga organlar uning o'zini hibsga olgan.

Bundan ko'rinib turibdiki, deya talqin qiladi AQSh hukumati, rasmiy idoralar korrupsiya va boshqa turdagi jinoyatlarni yopishga urinmoqda.

Yo'ldosheva Chinoz shahar ichki ishlar boshqarmasining yuqori lavozimdagi rasmiylari va mahalliy mutasaddilar qo'shni davlatlarga odamlarni qul sifatida sotuvchi jinoiy tizimdan katta daromad oladi deb da'vo qilgan.

Ayolning aytishicha, 2011-yilning boshida uning ikki akasi va yana ikki erkak Qozog'istonga ish va katta maosh va'dasi bilan yuborilgan. Ammo manzilga yetgach ularning pasportlari olib qo'yilgan va kuniga 15 soat majburan ishlatilgan. Maosh to'lanmagan, kuniga bir burda non berishgan xolos. Oradan bir necha oy o'tib, bir amallab ular vatanga qaytgan.

Yo'ldosheva mahalliy organlarga shikoyat qilgan. Natija bo'lmagach, o'zi mustaqil ravishda surishtira boshlagan. 2012-yilning aprelida hibsga olingan.

Amerika rasmiylari to'plagan ma'lumotlar shundan darak beradiki, Yo'ldosheva yopiq eshiklar ortida sudlangan. Bu ishga tashqaridan hech kim qo'yilmagan, hatto guvohlar va huquq himoyachilari ham. Ayblanuvchining advokati butun ish soxta deydi.

Vashington O'zbekiston hukumatiga murojaat qilib, bu ishni boshdan oyoq ko'rib chiqishni va inson huquqlari va adolat ta'minlanishini so'ramoqda. Tergov va sud xalqaro me'yorlarga asoslangan holda olib borilishi kerak.  

Shuningdek, hukumat odam savdosidek qabih jinoyatlarni izchil tekshirishi va unda qo'li bor mutasaddilarni javobgarlikka tortishi lozim.

Demokratiya asoslaridan biri shuki, jabrlanuvchi huquq-tartibot organlariga bemalol murojaat qila olishi va uning shikoyati ko'rib chiqilishi shart. Adolat izlagan shaxs buning uchun jazolanmasligi kerak.

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Markaziy osiyoliklar Koloradoda. 8-qism. Central Asian Dance Clubi
X
23.10.2014 10:59
O'zbek raqs san'atini dunyoga tanitishda sobiq raqqosalarning hissasi beqiyos. Toshkentlik Adelina Kaudinova mana uch yildirki, Denver shahrida bolalar va kattalarni sharqona raqslarga o'rgatadi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.
Fotogalereya

Fotogalereya Shimoliy Koreya rahbari ommaga ko'rindi

Ikki oydan beri jamoatchilikka ko'rinmagan Kim Chen Unning yangi suratlari paydo bo'ldi. Ularni Shimoliy Koreya Markaziy Axborot Agentligi tarqatmoqda.

Interaktiv

SAYTGA KIRISHNING XAVFSIZ YO’LI