Yakshanba, 26-oktyabr, 2014 Toshkent vaqti: 14:30

Markaziy Osiyo

Roza Otunbayeva Vashingtonda mukofot bilan taqdirlandi

Roza Otunbayeva
Roza Otunbayeva

Multimedia

Audio
Qirg’izistonni 2010-11 yillarda boshqargan Roza Otunbayeva Vashingtonda yuksak mukofot bilan taqdirlandi. Sobiq prezident bugun Roza Otunbayeva Tashabbusi degan xalqaro jamg’armaga asos solgan. Maqsad – Qirg’iziston jamiyatini taraqqiy ettirish.

"Ta’lim sifatini yaxshilashdan boshlab, fuqarolarning siyosiy faolligini oshirishgacha, har bir jabhada ijobiy o’zgarishlar bo’lishiga hissa qo’shishni istaymiz”, - deydi Otunbayeva, "Amerika Ovozi" bilan suhbatda.

Markaziy Osiyo bo’ylab turli loyihalar yurituvchi Yevrosiyo Jamg’armasi Roza Otunbayevani Bill Maynes (The Bill Maynes Award) sovriniga loyiq topdi. 



Tashkilot nazarida Otunbayeva nafaqat o’z yurti balki butun mintaqaning yaqin tarixida muhim rol o’ynagan va vatanini murakkab, ammo o'ta zarur islohotlar tomon boshlagan.

“Ijtimoiy va iqtisodiy rivojlanish yo’lida bu ayolning xizmati beqiyos”, - deydi Yevrosiyo Jamg’armasi prezidenti Xorton Bibi-Senter. 
 
“Roza Otunbayeva qay lavozimni egallamasin vijdonan ish tutdi va haqiqiy lider ekanini namoyish qildi. U kuchli iroda egasi. Eng qiyin vaziyatlarda ham mardona turib berdi”,- deydi Bibi-Senter.

Vendi Sherman, AQSh Davlat kotibi muovini, mintaqada shu paytgacha biror prezident vaqtida lavozimni bo’shatmagan, deydi.

Roza Otunbayeva Yevrosiyo Jamg'armasi mukofotini oldi, Vashington, 13-dekabr, 2012Roza Otunbayeva Yevrosiyo Jamg'armasi mukofotini oldi, Vashington, 13-dekabr, 2012
x
Roza Otunbayeva Yevrosiyo Jamg'armasi mukofotini oldi, Vashington, 13-dekabr, 2012
Roza Otunbayeva Yevrosiyo Jamg'armasi mukofotini oldi, Vashington, 13-dekabr, 2012
“Otunbayeva – Markaziy Osiyoda birinchi ayol prezident. Shuningdek, demokratik tuzumda rahbarga belgilangan muddat bitgach u lavozimni tark etishi kerakligini isbotlab bergan arbob. Qirg’iziston prezidentlik tuzumidan parlament sistemasiga o’tar ekan, Otunbayeva xizmati bilan bu jarayon silliq kechdi”,- deydi Sherman xonim.

Roza Otunbayeva Sovet davridayoq yuqori lavozimlarda edi. Vatani mustaqillikka erishgach, Qirg’iziston tashqi siyosati va diplomatiyasi yulduziga aylandi. G’arbda elchilik qildi, vazir bo’ldi, muxolifatga yetakchilik qildi.

Qurmanbek Bakiyev bir paytlar uning safdoshi edi, ammo u 2005-yilda prezidentlikka kelganidan keyingi o’zgarishlar Otunbayevada keskin norozilik uyg’otdi. 2010-yilning aprelida Qirg’izistonda yana bir inqilob yuz berdi. Bakiyev hokimiyatdan ag’darildi. Roza Otunbayeva muvaqqat rahbar sifatida hokimiyatni egalladi.

Roza Otunbayeva Vashingtonda jurnalistlar va ekspertlar bilan muloqotda, 13-dekabr, 2012Roza Otunbayeva Vashingtonda jurnalistlar va ekspertlar bilan muloqotda, 13-dekabr, 2012
x
Roza Otunbayeva Vashingtonda jurnalistlar va ekspertlar bilan muloqotda, 13-dekabr, 2012
Roza Otunbayeva Vashingtonda jurnalistlar va ekspertlar bilan muloqotda, 13-dekabr, 2012
​Lekin o’sha yilning yozida, iyun oyida Qirg'iziston janubida yuz bergan etnik xunrezlik Otunbayeva siyosiy faoliyatidagi katta dog’ desak xato bo’lmaydi.

Uning o’zi ham “Amerika Ovozi” bilan gaplashganida bu borada afsus-nadomatlar bildirdi.

O’sh va Jalol-Obod etnik nafrat va zo’ravonlik tufayli qonga belangan paytda, yuzlab ming o’zbeklar jon saqlash uchun O’zbekiston tomon chegarada iltijo qilib turgan damlarda Qirg’iziston hukumati ularni himoya qila olmagan.

Axir ular ham shu davlat fuqarolari edi, nima uchun adolat ta’minlanmadi deb so’raganimizda, Otunbayeva qo’lidan kelgan barcha chorani ko’rganini aytadi.

Vaziyat oxir–oqibat nazoratga olindi, deydi Otunbayeva, etnik totuvlikka urg’u berildi. Sobiq prezident vaziyat hamon qaltis ekanini tan oladi. 

Vashingtonda mukofotni qabul qilar ekan, u jumladan shunday dedi:

"Yurtim istiqboli uchun harakat qilishda davom etaman. Vatan uchun xizmat qilish - muqaddas burch".
 
Roza Otunbayeva bilan yuzma-yuz suhbatni tez fursatda shu sahifada tomosha qiling.

Video arxivdan:



Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Sonora sahrosi - AQSh-Meksika chegarasida - Water for Migrantsi
X
24.10.2014 23:59
Sonora dashti Shimoliy Amerikadagi eng issiq joylardan. Shunga qaramay Meksikadan chegarani kesib o’tmoqchi bo’lganlar ko’p hollarda aynan shu yerni tanlaydi. Safarga chiqqanlar orasida chanqoqlikdan nobud bo’lganlar kam emas. Bir mahalliy tashkilot suv ulasha boshlagan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kobani

  • Kobani

  • Turkiya-Suriya chegarasida

  • Bag'dod

  • Kanadalik askarlar Iroqqa yo'l olayapti.

Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.

Interaktiv

SAYTGA KIRISHNING XAVFSIZ YO’LI