Shanba, 01-noyabr, 2014 Toshkent vaqti: 13:52

Markaziy Osiyo

Qirg'iziston-Rossiya harbiy hamkorlikni kuchaytirmoqda

Multimedia

Audio
O’tgan yilda Qirg’iziston va Rossiya harbiy-texnik hamkorligi yanada mustahkamlandi. Bishkek va Moskva hozir Qirg’zisitonda birlashgan rus harbiy bazasi borasida bitim imzolagan.

Rossiya-Qirg'iziston harbiy hamkorligi/Ulug'bek Sokin
Rossiya-Qirg'iziston harbiy hamkorligi/Ulug'bek Sokini
|| 0:00:00
...
 
🔇
X

O’tgan yil qirg’iz-rus iqtisodiy va harbiy aloqalarida faol siljish qayd qilingan. Rossiya Qirg’izistonda qator yirik elektr stansiyalar qurilishiga ulkan hissa qo’shishga qaror qildi. Ayni paytda Qirg’izistondagi Rossiya harbiy obyektlari maqomi tasdiqlangan.

Mutaxassislarga ko’ra, joriy yil harbiy sohada Rossiya-Qirg’iziston hamkorligi yanada rivoj topadi.

O’shdan xavfsizlik masalalari bo’yicha ekspert, nodavlat tahlil markazi rahbari Imomberdi Jalilov aytishicha, yirik davlat bo’lmish Rossiyaning Markaziy Osiyoda o’z geostrategik manfaatlari bor.

“Mintaqaviy xavfsizlikni ta’minlash borasida ham keyingi yillarda Rossiya samarali harakatlar yuritmoqda. Qirg’iziston va Rossiyaning harbiy-texnik hamkorligiga kelsak, Moskva azaldan xavfsizlikni ta’minlashda bizning asosiy ittifoqchimizdir. Rus harbiy o’quv yurtlarida bizning yoshlar ta’lim olmoqda. Rus poligonlarida harbiylarimiz o’z malakalarini oshirib keladi. Qisqasi, ushbu hamkorlik har ikki tomon uchun foydali”,  - deydi  Jalilov.

Yaqinda Rossiya va Qirg’iziston matbuotida Moskva qirg’iz qurolli kuchlarini modernizasiyalash uchun 1 milliyardan ziyod dollar miqdorida ko’mak ajratishi haqida xabarlar paydo bo’lgan.

Bishkekdan harbiy tahlilchi polkovnik Leonid Bondarets aytishicha, gap qurol-aslaha yetkazib berish haqida ketishi mumkin.

“Agar masala shunday qo’yilsa, menimcha, bu Qirg’iziston manfaatlariga javob beradi. Bu holda bizning mutaxassislar Qirg’izistonga mamlakat xavfsizligini ta’minlash uchun qanday qurol-yarog' turlari va texnik anjomlar kerakligini aniqlashlari darkor. Ayni paytda mamlakat xarbiy doktrinasi qayta-qayta ko’rib chiqilmoqda va ushbu hujjatning yakuniy ko’rinishi qanday bo’lishi ma’lum emas. Menimcha, bu sohada o’lkaga aniq-ravshan, chuqur asoslangan dastur lozim”, - deydi Bondarets.

Suhbatdosh fikricha, Qirg’iziston uchun Rossiya bilan harbiy hamkorlik sohasida ikki ustivor yo’nalish mavjud.

“Birinchi navbatda bu Kollektiv xavfsizlik shartnomasi tashkiloti doirasida hamkorlikni takomillashtirish. Va ikkinchi tarafdan, agar rejalar amalga oshsa, Qirg’iziston qurolli kuchlarini qayta jihozlash. Aytish joizki, Qirg’iziston armiyasi sho’rolar davridagi qurol-aslaha bilan ta’minlangan”, - deydi iste’fodagi polkovnik.

Moskva va Bishkekning harbiy sohada hamkorlik borasida rejalari mintaqada qurol-yaroq poygasiga turtki berishi mumkinmi?

Bu sohani uzoq yillardan beri o’rganib kelayotgan Imomberdi Jalilov yo’q deb javob beradi.

“O’rta Osiyoni yaxshi bilgan ekspertlar bunday fikrlardan uzoq. Chunki mintaqada qardosh xalqlar yashaydi. Tariximiz, madaniyatimiz, dinimiz bir. Albatta Farg’ona vodiysida kambag’allik, ishsizlik, narkotraffik kabi ijtimoiy muammolar mavjud. Va biz ularni nazardan qochirmasligimiz kerak. Ammo biz O’rta Osiyo respublikalari asl qadriyatlarga asoslanib harakat qilsak, ijobiy natijlar bo’lishi tayin”, - deydi Imomberdi Jalilov.

Bishkekddan harbiy tahlilchi polkovnik Leonid Bondarets deydiki, Qirg’iziston uchun hozir asosiy maqsad - o’z armiyasini yangiroq qurol-yarog’ bilan ta’minlash.

“Bu esa mamlakat xavfsizligini ta’minlash demakdir. Va hech qanday militarizatsiya haqida so’z bo’lishi mumkin emas. Chunki askarlar soni ko’paymaydi, horijiy harbiy kuchlar kiritilmaydi. Qolaversa, qirg’iz qurolli kuchlari faqat mamlakatni himoya qilish uchun tuzilgan”, - deydi u.

Aytish joizki, Qirg’iziston qurolli kuchlari azaldan sovet va keyinchalik rus harbiy texnikasi bilan jihozlangan. Harbiy mutaxassislarning aksariyati rus o’quv yurtlarida bilim olayotir. Ikki o’lkani tig’iz ittifoqdoshlik rishtalari bog’laydi.

Shuningdek, mustaqillik yillarida mahalliy harbiylar AQSh, Xitoy va Turkiya bilan ham hamkorlikni yo’lga qo’ygan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI