Yakshanba, 26-oktyabr, 2014 Toshkent vaqti: 13:29

Huquq va qonun

Rossiya Ishchi migrantlar kasaba uyushmasi raisi Renat Karimov bilan suhbat

Renat Karimov, Ishchi migrantlar kasaba uyushmasi raisi (www.profmigr.com saytidan olindi)
Renat Karimov, Ishchi migrantlar kasaba uyushmasi raisi (www.profmigr.com saytidan olindi)

Multimedia

Audio
Rossiyada ishchi muhojirlar kasaba uyushmasi bo’lib, a’zolari soni 30 mingdan oshadi. Potensial migrantga maslahat berib, huquqini himoya qilishga, maoshini undirib berishga qurbimiz yetadi, deydi idora raisi Renat Karimov.

Renat Karimov, Migrant ishchilar kasaba uyushmasi raisi bilan suhbat
Renat Karimov, Migrant ishchilar kasaba uyushmasi raisi bilan suhbat (qisqa)i
|| 0:00:00
...
 
🔇
X

Интервью с Ренатом Каримовым, председателем ЦК Профсоюза трудящихся-мигрантов
Renat Karimov, Migrant ishchilar kasaba uyushmasi raisi bilan suhbati
|| 0:00:00
...
 
🔇
X

“Kasaba uyushmasi kuchli yoki zaif ekani uning a’zolari soni bilan va sifati bilan belgilanadi. Profsoyuzning salohiyati-qudrati uning a’zolarida”, - deydi Renat Karimov, Qurilish, kommunal xo’jaliklar va shunga o’xshash boshqa sohalarda band ishchi migrantlar kasaba uyushmasi (Профсоюз трудящихся мигрантов занятых в строительстве, жилищно-коммунальном хозяйстве и смежных отраслях) raisi.
 
Uning aytishicha, profsoyuz (http://www.profmigr.com) a’zolari qanchalik faol bo’lsa, uyushma ham kuchga to’ladi va ishchi muhojirlarni yaxshiroq himoya qila oladi.
 
“Hatto hozirning o’zida, zaif ko’ringan kasaba uyushmamiz alohida ishchi migrantni mudofaa qilishga qodir. Masalan, muhojirlar 400 kishi bo’lib bizga murojaat qilganida va ish beruvchi maosh to’lamayotganidan shikoyat qilganida, ularning haqqini undirib berganmiz. 12 million rubl oylikni to’lab berishdi shunda odamlarga”, - deydi suhbatdosh.
 
Idora, jumladan, ko’cha-kuyda migrant politsiyachi bilan bahslashib qolganida oraga tushishi mumkin. Huquq-tartibot xodimlari kerakli hujjatlar bo’lsa ham qo’shimcha ma’lumot talab qilgan paytlar yo’q emas. Sudlarda ham migrantning haqqini himoya qilamiz, deydi Renat Karimov.
 
“Ishchi muhojirlar mamlakat ravnaqi uchun, birinchidan, o’z oilasi uchun va Rossiya uchun xizmat qilayapti. Bu insonlar Rossiyada shartnoma asosida ishlashi uchun ajratilgan kvota bir million 745 kishini tashkil etadi. Oxirgi to’rt yilda bu kvota sekin-asta qisqarib borayapti va shu tariqa noqonuniy muhojirlar soni tobora oshib bormoqda”, - deydi idora raisi.
 
Mamlakatda qolish, ishlash tartibini buzgan odam ma’muriy jazo bilan yuzlashadi. Biroq 2013-yilning yanvaridan boshlab bu kabi qonunbuzarlik keskin jazoga loyiq ko’rilmoqda. Rossiyaga borishni mo’ljallayotgan ischi kadrlar buni inobatga olishi kerak. Bugun taxminan 10 million ishchi migrant bo’lsa, ularni nafaqa bilan ta’minlash, tibbiy xizmatni kafolatlash, ijtimoiy yordam kabi masalalar hali yechimini topmagan.
 
Huquq faollari nazarida Rossiya ishchi migrantlarning arzon xizmatidan foydalanib keladi, lekin ularni jamiyatga integratsiya qilishga shoshmayapti. Biroq Renat Karimovga ko’ra, muhojirlar oyligi  va fuqarolar maoshi o’rtasida farq katta emas.
Muhojirlar oyligi va fuqarolar maoshi o’rtasida farq katta emas.


“Masalan, Moskvada muhojirlar oyiga 15 ming rubl (taxminan 500 dollar) dan kamga ishlamaydi. Sabablari ko’p, xususan, ijara haqi, yegulik qimmat va bu pul yetmaydi. Axir, oilalarga ham jo’natishga qolishi kerak-ku. Oblastlarga kelsak, fuqarolar ham muhojirlardan ko’p maosh olmaydi”, - deydi Karimov.
 
Kasaba uyushmasining gazetasi bor, adadi 20 ming nusxa – “Вести трудовой миграции”. Har bir migrantga tarqatishni odat qilganmiz, Tojikistonga ham jo’natamiz, deydi Renat Karimov.
 
“Matbuotda, xususan, “MIR” telekanalida chiqishlar qilamiz. Bizni bilganlar tanishlarga, yurtdoshlarga aytadi. Tojikistondan, O’zbekistondan odamlar qo’ng’iroq qilib, maslahat so’rashadi, ish topishda yordam berib yuboring, deb so’rashadi. Olti yillik faoliyatimiz davomida ancha-muncha odam tanib qoldi bizni. Lekin immigratsiya ko’lamini oladigan bo’lsak - 10 million muhojir va 30 ming kishilik kasaba uyushmasi – profsoyuz dengizdan bir tomchi, xolos”, - deydi Renat Karimov.
Muhojirlar 400 kishi bo’lib bizga murojaat qilganida va ish beruvchi maosh to’lamayotganidan shikoyat qilganida, ularning haqqini undirib berganmiz.


Renat Karimov “Amerika Ovozi” bilan suhbatdan foydalanib, O’zbekiston fuqarolariga murojaat qiladi.

“Muhojirlar real vaziyatni bilib, ko’zni katta-katta ochib kelsin. Hozirning o’zida Rossiyada ishchi muhojirlar soni hukumat belgilagan kvotadan, iqtisodiyotga kerakli degan normadan besh baravar ko’p. Rossiyaga oshiqayotgan migrantlar bilishi kerakki, shartnoma asosida ish topishi gumon va ular noqonuniy muhojirlar safini to’ldiradi, xolos”, - deydi u.
 
Rossiya Federatsiyasiga borib, bir amallab ish toparman, deb o’ylamang, deya ogohlantiradi mutaxassis.
 
“Qo’shnim borib, uch yilda ish topdi, men ham shunaqa qila olaman, deb xato qilmang. Bizning kasaba uyushmamizga telefon qiling, internet orqali bog’laning, konkret tashkilotga kirmoqchi bo’lsangiz, u yerdagi ahvolni o’rganib chiqishimiz mumkin. Xullas, muhojir sog’-omon kelib ketishi uchun yordam berishga harakat qilamiz”, - deydi Renat Karimov, Ishchi migrantlar kasaba uyushmasi raisi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Sonora sahrosi - AQSh-Meksika chegarasida - Water for Migrantsi
X
24.10.2014 23:59
Sonora dashti Shimoliy Amerikadagi eng issiq joylardan. Shunga qaramay Meksikadan chegarani kesib o’tmoqchi bo’lganlar ko’p hollarda aynan shu yerni tanlaydi. Safarga chiqqanlar orasida chanqoqlikdan nobud bo’lganlar kam emas. Bir mahalliy tashkilot suv ulasha boshlagan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kobani

  • Kobani

  • Turkiya-Suriya chegarasida

  • Bag'dod

  • Kanadalik askarlar Iroqqa yo'l olayapti.

Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.

Interaktiv

SAYTGA KIRISHNING XAVFSIZ YO’LI