Shanba, 01-noyabr, 2014 Toshkent vaqti: 00:12

Markaziy Osiyo

Rossiyada musulmon muhojirlarga qarshi bosim kuchaymoqda

Rossiya poytaxti Moskvada musulmonlar juma namozini o'qimoqda, 28-sentabr, 2012-yil. (AP Photo/Mikhail Metzel)
Rossiya poytaxti Moskvada musulmonlar juma namozini o'qimoqda, 28-sentabr, 2012-yil. (AP Photo/Mikhail Metzel)

Multimedia

Audio
Markaziy Osiyo va Kavkazdan ish izlab borgan mehnat muhojirlari uchun Rossiyada sharoit yanada qiyinlashmoqda. Ayniqsa, Sankt-Peterburg shahrida maxsus xizmatlar  o'tkazgan reyd musulmonlarga bosim kuchayganidan nishona.

Ichki ishlar boshqarmasi va aksilterror bo'limi boshliq bu reydda 700 ga yaqin musulmon hibsga olingan. Orasida o'zbekistonliklar ham bor. Faollarning aytishicha, islomiy ekstremizm tahdidini bo'rttirib ko’rsatish orqali Kreml jamoatchilikni ichki muammolardan chalg’itmoqda.


Rossiya ommaviy axborot vositalarining xabar berishicha, Sankt-Peterburgda ushlanganlarning ayrimlari qo'yib yuborilgan, bir nechtasi deportatsiya qilingan. Orasida o'zbekistonliklar ham bor.

Rossiya huquq-tartibot organlarining ekstremizmga qarshi o’tkazgan reydi juma kuni namoz paytiga to’g’ri kelgan.

Matbuotning yoritishicha, 270 musulmon qo'lga olingan va ekstremizmga aloqadorlik yuzasidan tekshirilib, bir kishiga nisbatan jinoiy ish qo'zg'atilgan.

Huquq faollari esa salkam 700 odam hibsda, demoqda.

“Aksariyati Markaziy Osiyo fuqarolari. Bu musulmonlarga bo'lgan munosabat blan bog'liq. Ayniqsa, Putinning "ekstremizmga qarshi kurashinglar, mana, biz yordam beramiz" degan bayonotlaridan so'ng bu bosimlar yanada kuchaydi. Nafaqat o'zbek, tojikka, balki umuman, musulmonlarga nisbatan kayfiyat belgisi. Ikkinchi tomondan, Rossiyaning o'zida ham ichki muammolar yetarli. Hukumat bu muammolardan jamoatchilikni chalg'itish uchun musulmonlardan xavf yaratmoqchi”, - deydi Moskvadagi huquq himoyachisi Bahrom Hamroyev.

Ishki ishlar boshqarmasi reyd “Peterburg jamoati” nomli ekstremistik tashkilot faollarini aniqlash uchun o'tkazilganini ma'lum qilgan.

Bahrom Hamroyev huquq-tartibot organlarining mazkur amaliyotini Rossiyadagi namozxonlarga qarshi navbatdagi bosim deb baholaydi. 

“Qirg'iziston, O'zbekiston, Tojikiston fuqarolariga "sen namoz o'qiysanmi, o'qimaysanmi", degan savol qo'yishgan. Bu savolning o'ziyoq ko'p narsani anglatadi. Bu yerga musulmonlar  vahshiylik qilish uchun kelishmagan, ular mehnat qilgani kelgan. Bu oddiy xalqdan xavfsirab, talvasaga tushayotgan Rossiya hukumati musulmonlarga nisbatan boshi berk ko'chaga kirib qolgandek harakat qilmoqda”, - deydi Hamroyev.

Rossiyada mehnat muhojirlari bilan bog'liq muammolar dolzarbligicha qolmoqda.
Bir tomondan, millatchi guruhlar kuchayayotgan bo'lsa, boshqa tomondan Kremlning o'zi bu borada aniq bir siyosatga ega emas.

Bu aksariyati musulmonlardan iborat markaziy osiyolik mehnat muhojirlari misolida yaqqol ko'rinadi. Kreml Markaziy Osiyodagi  ta’sirini oshirayotgan bo'lsa, millatchi guruhlar bu davlatlar bilan vizali tizim o’rnatilishini talab qilmoqda.

“Novaya sila” nomli siyosiy guruh shu maqsadda Moskva aholisidan imzo yig'ish kampaniyasini boshlagan. Rus matbuotida yozilishicha, imzolar soni 100 ming kishiga yetgach, talabnoma prezident Putinga taqdim etiladi.

Markaziy Osiyoda harbiy qudratini kengaytirayotgan Kremlda esa bunday reja yo'q. Rossiya mintaqani ta’sir doirasidan chiqarmaslik uchun turli loyihalarni amalga oshirishni ko’zlamoqda. Yevrosiyo iqtisodiy hududini ishga tushirish masalasi ana shunday qadamlardan biri.

Millatchilarning muhojirlarga qarshi tashabbusi 100 ming imzo yiqqan arizalar bevosita Dumada ko'rib chiqlishi haqida Putin bergan bayonotdan so'ng  boshlangan.

“Bu fikr jiddiy bir muhokama qilinganini kuzatganim yo'q. Bunaqa partiyalar ko'p. Lekin ular muammoni yechadigan odamlar emas. Muammoni kuch bilan, har xil nayranglar bilan yechmoqchi bo'lishadi. Rossiyada O'rta Osiyo xalqini mustamlakaga qaytaramiz degan kayfiyatdagi odamlar ham bor. Lekin endi tarixni qaytarib bo'lmaydi. Bu xalqlar o'z ozodligini qo'lga kiritdi. Albatta, hozir Markaziy Osiyoda bunday ozodlikdan ko'ra avvalgi  tuzum ma'qul edi deydigan odamlar ham bor. Lekin bu qarashlar hech narsani o'zgartirmaydi”, - deydi huquq faoli Bahrom Hamroyev

Ekspertlarga ko'ra, o'tmishdagi imperiya qudratini unuta olmayotgan Moskva o’z hukmronligini kichikroq va yangicha ko'rinishda  tiklash niyatidan voz kechmagan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI