Yakshanba, 30-avgust, 2015 Toshkent vaqti: 16:52

Siyosat

AQSh va Rossiya Sovuq urush holatiga qaytyaptimi?

Rossiya va AQSh prezidentilari - Vladimir Putin va Barak Obama
Rossiya va AQSh prezidentilari - Vladimir Putin va Barak Obama

Multimedia

Audio
Amerika Ovozi
So’nggi paytda AQSh va Rossiya ayrim yo’nalishlarda hamkorlikni to’xtatmoqda. Kuni kecha Rossiya Qo’shma Shtatlar bilan narkotiklarga qarshi hamkorlikka doir bitimdan chiqdi.

Sal avvalroq esa Qo’shma Shtatlar Rossiya bilan fuqarolik jamiyatlarini qo’llab-quvvatlashga qaratilgan ishchi guruhidan chiqdi. Kecha, shuningdek, rasmiy Moskva AQShdan go’sht sotib olishni bas qildi.

Ayrim kuzatuvchilarga ko’ra, Kreml AQShda qabul qilingan “Magnitskiy” qonuniga javoban ana shunday yo’l tutmoqda.

Bu qonunga ko’ra, Amerika tomonidan inson huquqlarini buzganlikda aybdor topilgan rossiyalik rasmiylar AQShga kiritilmaydi va Amerika banklariga pul qo’ya olmaydi.

Vashingtondagi Gudzon Institutida Rossiya bo’yicha tahlilchi Deyvid Satterning aytishicha, ruslar go’sht importini taqiqlab, AQSh iqtisodiyotiga zarar yetkazmoqchi.

Rossiya Qo’shma Shtatlardan 500 million dollarlik mol va cho’chqa go’shti sotib oladi.

Taqiqqa rasmiy sabab shuki, Amerikadan kelayotgan ayrim go’shtlardan raktopamin chiqqan. Bu chorvani semirtirishga yordam beradigan oziq turi.

Biroq Karnegi Jamg’armasining Moskvadagi vakili Masha Lipmanning aytishicha, bu qaror ortida siyosiy sabab bor.

"Rossiyada anti-amerikanizm, Amerikaga qarshi tashviqot kuchaymoqda. Tuzumni tanqid qilgan faollar obro’sini to’kish uchun qilinayotgan ish bu", - deydi Lipman.

AQShning rossiyalik huquq tartibot organlari bilan hamkorligi ham susayishi kutilmoqda.

Qoradori savdosi, xalqaro fohishabozlik, moliyaviy qalloblik, terrorizm, kibernetik jinoyatga qarshi qaratilgan qo’shma dasturlar haqida gap ketmoqda.

Tahlilchi Deyvid Satterning aytishicha, bu G’arb uchun muhim sohalar, chunki rus mafiyasi jahon bo’ylab ish qiladi.

"Ularning faoliyati haqida Rossiya Ichki ishlar vazirligidan ko’p biladigan idora yo’q", - deydi ekspert.

Kuzatuvchilar ikki davlat Sovuq urush holatiga qaytayotganini xavotir bilan tilga olmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Buddizm durdonalari Xitoydan AQShga keladii
X
29.08.2015 22:24
Jahonning eng yirik buddizm san’ati namunalarini Xitoy g’arbidan, qadim Ipak yo’lidan topasiz. Danvong shahri yaqinidagi g’orlarda rohiblar ming yil davomida mana shu san’at namunalarini yaratgan. Los-Anjelesdagi Getti muzeyi mazkur tarixiy merosni asrab-avaylashda yordam bermoqda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Gretsiya-Makedoniya chegarasidagi suriyalik qochqinlar
  • Kurd bola, Turkiya
  • Janubiy Koreya havo kuchlari
  • Hindiston qurolli kuchlari mashq qilayotganda bir askar hushidan ketdi
  • Ekvador
  • HIndiston
  • Meksika
  • Malayziya
  • Tailand maymunlari
  • 10 yil oldingi to'fondan qolgan manzara, Mississippi shtati

Interaktiv

SAYTGA KIRISHNING XAVFSIZ YO’LI