Seshanba, 30-sentyabr, 2014 Toshkent vaqti: 18:50

Xalqaro

Tahlilchilar: Putin prezidentligining olti oyi olti yillik siyosatdan nishona

Rossiya prezidenti Vladimir Putin
Rossiya prezidenti Vladimir Putin
Amerika Ovozi
2012-yil Rossiya uchun voqealarga boy davr bo’ldi. Vladimir Putin mart oyida uchinchi bor prezidentlikka saylandi, sobiq prezident Dmitriy Medvedev bosh vazirlikka qaytdi, ko’chalarda hukumatga qarshi namoyishlar kuzatildi. Ayrim tahlilchilar nazarida Putin prezidentligining ilk olti oyiga qarab, olti yilligi qanday bo’lishini bashorat qilish mumkin.

Vladimir Putinning bu galgi g’alabasi ayrim fuqarolar tomonidan norozilik va namoyishlar bilan kutib olindi.

May oyida o’tgan inauguratsiya kuni Putinning korteji poytaxt Moskvaning politsiya tomonidan bo’shatilgan ko’chalaridan o’tdi.

Namoyish tashkilotchilaridan biri Vladimir Rijkovning aytishicha, Putin avtoritar rahbar bo’lib, uning siyosatiga borgan-sari kam odam qo’shilmoqda.

"Putin prezidentligining dastlabki olti oyiga nazar tashlasangiz, Kremlga qaytganidan beri qarashlari ancha konservativlashdi, G’arbga qarshi kayfiyati kuchaydi va, aksincha, Pravoslav cherkov tarafdoriga aylandi", - deydi Rijkov.

Putinning avtoritar boshqaruviga misol tariqasida ayrimlar “Pussy Riot” ansambli vakillarining cherkovda prezidentga qarshi qo’shiq aytgani uchun jazolanganini keltiradi.

Qo’shiqchi qizlar ikki yilga qamalib, Pravoslav cherkovining davlat rahbari bilan ittifoqi yanada kuchaydi.

Millatchi guruhlar Kreml AQSh programmalarini kesganini hamda Moskva shaharlarida kazaklar patruli paydo bo’lganini olqishladi.

Dumadagi hukmron partiya xorijiy tashkilotlar va davlatlarni Rossiya ichki ishlariga aralashayotganlikda gumon qilib, namoyishlar va internetga kirishni cheklovchi qonunlar qabul qildi. Siyosiy faollar “chet el agentlari”ga, o’tgan yili qonuniy hisoblangan siyosiy aksiyalarni esa xiyonatga tenglashtiruvchi yangi qonunlar paydo bo’ldi.

150 yil avval rus podsholari mamlakatni boshqarishda "Pravoslavlik, avtokratiya va millatchilik” shioridan foydalangan. 2013-yilda bu shior ish beradimi?

Prezident Putinning aytishicha, rossiyaliklar avvalambor qonun va tartib bo’lishini istaydi.

"1990-yillar anarxiyasi bozor iqtisodiyoti va demokratiyaga ishonchni yemirdi. Xalq bu narsalardan hayiqa boshladi. Nazarimda, tartib, intizom, qonunga bo’ysunish – bularning hech biri demokratiyaga xilof tushunchalar emas", - deydi Putin.

Muxolifat yetakchisi Rijkov o’zgacha fikrda.

"Rossiya jamiyatining katta qismi hali ham chala-Sovet, chala-chor tizimi tarafdorlari. Qattiqqo’llik, kuchli hokimiyat, dushmanlar bilan o’ralgan davlat bu juda ham eski usul va tushunchalar", - deydi u.

Prezident Putin xorijdan turib, tuzumga qarshi harakatlar bo’layotganini bot-bot ta’kidlaydi.

"Xoh bevosita bo’lsin, xoh bilvosita, ichki siyosatga chetdan aralashuvga yo’l qo’ymaymiz. Siyosiy faoliyati uchun xorijdan pul olayotgan va bu bilan xorijiy manfaatlarni himoya qilayotgan arboblar Rossiya Federatsiyasida siyosat bilan shug’ullanmasligi kerak", - deydi Putin.

Davlat rahbari rossiyaliklarga inqilob emas, islohotlarni va’da qildi.

"Siyosiy tizimni isloh qilish, zamonaviylashtirish tabiiy va zarur jarayon. Biroq o’zgarishlarni deb davlatni yemirish to’g’ri emas", - deydi u.

Putin korrupsiyaga qarshi kurashishga, namoyishlarga ehtiyoj qoldirmaslikka va’da berdi. Ammo amerikalik tadbirkor Bernard Susher bu va’dalarga ishonmaydi.

"Nari borsa yuqorida rasmiylar bir lavozimdan boshqasiga o’tkaziladi. Ammo bu korrupsiya alomatlari bilan ham sistematik ravishda kurashish uchun yetarli emas", - deydi tadbirkor.

Putin raqiblari va tarafdorlarining bir masala bo’yicha fikri bir: prezidentlikning dastlabki olti oyi olti yillik muddatning yo’nalishini ko’rsatib beradi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Obama BMT minbarida - "Islomiy davlat" da qarshi kurash Obama/UNGA Islamc Statei
X
29.09.2014 23:12
Har yili sentabr oyi oxirida dunyo rahbarlari Nyu-Yorkda Birlashgan Millatlar Tashkiloti Bosh Assambleyasining yillik sammitida yig'ilib, minbarga chiqadi. O'z dardini aytadi. Amerika prezidenti Barak Obama jahon tinchligi haqida gapirar ekan, asosan Rossiya va Islomiy davlatni tilga oldi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ashraf G'ani( markazda) prezidentlikni qabul qilib olish marosimiga kelmoqda, 29-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Abdulla Abdulla bosh vazirlik lavozimini qabul qilib olish uchun tantanali marosimga tashrif buyurmoqda, 29-sentabr, 2014-yil.

  • Sobiq prezident Hamid Karzay o'z lavozimini Ashraf G'aniga topshirish uchun tantanali marosimga tashrif buyurmoqda, 29-sentabr, 2014-yil.

  • Ashraf G'ani (chapda) prezident sifatida qasamyod keltirmoqda, 29-sentabr, 2014-yil.

  • Prezident sifatida qasamyod keltirgan Ashraf G'ani Afg'oniston Oliy sudi raisi Abdul Salom Azimiy bilan qo'l berib ko'rishmoqda, 29-sentabr, 2014-yil.

Fotogalereya

Fotogalereya Ashraf G'ani - Afg'onistonning yangi prezidenti

Uzoq davom etgan saylov mashmashasidan so'ng Ashraf G'ani Afg'onistonning yangi prezidenti deb e'lon qilindi. Saylovda unga qarshi kurash olib borgan Abdulla Abdulla, o'zaro siyosiy kelishuvdan so'ng, yangi hukumatning bosh vaziri etib tayinlandi. Yangi hukumat ishga tushishi bilan Hamid Karzay davrida AQSh bilan tuzilgan xavfsizlik bitimini imzoladi.
Fotogalereya

Fotogalereya Gonkongda norozilik namoyishlari

Gonkong politsiyasi ko'zdan yosh oqizuvchi gaz qo'llab, namoyishchilarni tarqatishga urinishiga qaramay, aholi ko'chalarni tark etmayapti. Ular Pekinning siyosiy islohotni cheklashga qaratilgan choralaridan norozi.
Fotogalereya

Fotogalereya Ebola epidemiyasi suratlarda

Ebola epidemiyasi kengayishda davom etmoqda. BMT Bosh Assambleyasi yig'inida ham shu mavzuga alohida e'tibor qaratildi.
Fotogalereya

Fotogalereya Varshava, Polsha: O'zbekistonda inson huquqlari va siyosiy mahbuslar

Nyu-Yorkda asoslangan xalqaro tashkilot, inson huquqlari bo'yicha "Human Rights Watch" (HRW) o'zining 121 betlik yangi hisobotida tahlil qilishicha, O’zbekiston inson huquqlari keng ko’lamda poymol etiladigan davlat; so'z va fikr erkinligi faqat qog'ozda; bu huquqlarni amalda qo'llash - qamoq va qiynoq tomon yo'l. Tahlilnoma Varshavada e'lon qilindi. Yevropada Xavfsizlik va Hamkorlik Tashkiloti u yerda inson huquqlari bo'yicha yillik majlisini o'tkazmoqda. Unda O'zbekistonning taniqli huquq himoyachilari Vasila Inoyatova va Mo'tabar Tojiboyeva singari faollar so'zga chiqqan va qamoqxonalardagi vaziyat haqida tanqidiy hisobotlar bergan. Konferensiya doirasida siyosiy mahbuslarning ozod etilishiga chaqiruvchi namoyishlar ham o'tmoqda.
Fotogalereya

Fotogalereya Minglab odamlar iqlim himoyasiga otlandi

Yakshanba kuni minglab odamlar namoyishga chiqib, siyosat ahlini iqlimdagi salbiy o'zgarishlarga qarshi dadilroq harakat qilishga chaqirdi.
Fotogalereya

Fotogalereya O'n minglab suriyaliklar Turkiyaga qochayapti

Suriyada "Islomiy davlat" jangari guruhining hamlasi ketidan o'n minglab kurdlar Turkiyaga qochayapti. Anqara qochqinlarni kiritish uchun 19-sentabrda Suriya bilan chegarani ochgan. Hozirning o'zida Turkiyada Suriyadagi urushdan bosh olib ketgan yuz minglab suriyalik jon saqlamoqda.
Fotogalereya

Fotogalereya Jalol-Obod, Arslonbob va O'zgan

Jalol-Obod viloyati bo'ylab sayohat... Shahardan Suzoq qishlog'i tomon boramiz. So'ngra Arslonbob to'glariga chiqamiz va sharsharalar tagida dam olamiz. Qishloqlarni kezamiz. Jamoatchilik bilan muloqotda bo'lamiz. Bozorlar, ko'chalar va hayot. Qirg'iziston janubida shu yilning avgustida olingan suratlarni tomosha qiling. Tafsilotlar mana bu blogda: http://blogs.voanews.com/uzbek/yoshlariston/2014/09/20/jalol-obod-arslonbob-va-ozgandagi-bebaho-lahzalar/
Fotogalereya

Fotogalereya "Islomiy davlat"ga qarshi kurash

Iroq va Suriyadagi "Islomiy davlat" jangarilariga qarshi xalqaro koalitsiya tuzish jarayoni davom etmoqda. Ko'plab davlatlar o'q-dori va qurollar yetkazish, shuningdek, Iroq va kurd askarlarini harbiy tayyorgarlikdan o'tkazish ishlarida yordam berishga va'da berdi.

Interaktiv

SAYTGA KIRISHNING XAVFSIZ YO’LI