Payshanba, 24-aprel, 2014 Toshkent vaqti: 05:13

Amerika

"Sendi" to'foni jabrdiydalari uchun xayriya tadbiri

Madaniy diplomatiya/Sandy Fundraising in Washingtoni
X
07.12.2012 21:52
AQShning sharqiy sohilini qaqshatgan "Sendi" to'foni mamlakat iqtisodiyotiga 71 milliard dollardan ziyod zarar keltirdi. Nyu-York gubernatori Endryu Kuomoning aytishicha, birgina uning shtatida ko'rilgan moddiy zarar 42 milliard dollardan oshadi. Vashingtonda dunyoning har bir davlati o'z elchixona va vakolatxonalariga ega. Tabiiy ofat jabrdiydalariga yordam berish uchun bu maskanlar ham o'z hissasini qo'shmoqda.

Madaniy diplomatiya/Sandy Fundraising in Washington

Matn hajmi - +
Amerika Ovozi
AQShning sharqiy sohillarini qaqshatgan “Sendi” to’foni mamlakat iqtisodiyotiga 71 milliard dollarlik ziyon keltirdi. Tabiiy ofatdan Nyu-York shtati eng ko’p zarar ko’rdi – 42 milliard dollar.

Mamlakatda tabiiy ofat qurbonlariga yordam berish uchun turli xayriya tadbirlari o’tkazilmoqda. Vashingtonda joylashgan diplomatik vakolatxonalar vakillari ham ana shunday ishga qo’l urdi. Asosan, musulmon o’lkalardan bo’lgan ayollar yaqinda shu maqsadda to’planib, bir aksiya o’tkazdi.


Indoneziyaning Vashingtondagi elchisi uyida milliy raqs va antiqa taomlarga boy mehmondorchilik o’tmoqda. Bu shunchaki oddiy ziyofat emas. AQShning shimoli-sharqiy hududlari, ayniqsa, Nyu-York va Nyu-Jersi shtatlarida “Sendi” to’foni vayron qilgan hududlar aholisi uchun yordam puli yig’ilmoqda.
 
Dahshatli ofat Indoneziya elchisining rafiqasi Roza Ray Jalolni xayrli tadbir boshlashga undadi.
 
“To’fonni televizorda kuzatib turdim. Juda ham qayg’uli. Bilasiz, Indoneziya ham 2004-yilda dahshatli zilzilani boshdan kechirgan. O’shanda xalqaro hamjamiyat bizga yordam qo’lini cho’zgan edi. Men ham darhol do’stlarimga qo’ng’iroq qilib, kelinglar, biz ham yordam beraylik, dedim”, - deydi elchining rafiqasi.
 
Jalol xonim - Vashingtondagi Musulmon ayollar uyushmasi prezidenti. Tadbirga tanish elchilarning oilalarini da’vat etdi.
 
Xayriya to’plashda ular rang-barang madaniyatlaridan foydalanishga qaror qilishdi.
 
Ziyofatda qatnashish uchun har bir mehmon 50 dollardan pul to’ladi. Yig’ilgan mablag’ Amerika Qizil Xoch jamiyatiga o’tkazildi.

Tashkilot vakili Rakel Mataning aytishicha, ofat odam tanlamaydi. Hammamiz bir jonmiz. Har bir odamga ta’sir qilayotgan xayrli ish atrofida birlashganmiz”, - deydi u.

Ayni shu birdamlik ruhi Liviya elchisining qizi Fotima Aujalini ham tadbirga jalb etdi.

“Musulmonlar do’stlarini, amerikalik birodarlarini yoddan chiqarmaydi. Ularga yordam berish uchun nimadir qilishga urinyapmiz”, - deydi Fotima.
 
Mehmonlar yordam berish asnosida, Afg’oniston, Ozarbayjon, Misr, Iroq, Indoneziya, Liviya, Tunis, Turkiya, Iordaniya hamda Falastin madaniyatlari bilan tanishdi.

“Musulmon davlatlarni buncha yaqindan hech ko’magan edim. Ular bilan tanishish, suhbatlashish uchun yaxshi imkoniyat bu”, - deydi tadbir mehmoni Se Yon Tomas.

Mehmonlar rang-barang Osiyo va Yaqin Sharq taomlaridan tatib ko’rishdi.
 
AQShning Diplomatik xizmatlar idorasi direktori o’rinbosari Natali Jons ham kechada ishtirok etdi.
 
“Ko’plab mamlakatlardan ko’plab ayollar oz fursat ichida “Sendi” to’foni qurbonlariga yordam berish uchun yig’ildi. Buni milliy taomlari va madaniyatlarini ko’rsatish orqali amalga oshirishdi”, - deydi AQSh rasmiysi.

Jons xayriya tadbirini “pazandalik diplomatiyasi” deya olqishladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Xotin-qizlarni xo'rlash jamiyatni xo'rlashdir, deydi Jimmi Karter/Carter-Womeni
X
23.04.2014 22:27
Jahon sog‘liqni saqlash tashkilotiga ko’ra, dunyo bo’ylab har uch ayoldan biri hayoti davomida kamida bir marta jinsiy yoki jismoniy tajovuzga uchraydi. AQShning sobiq prezidenti Jimmi Karter buni inson huquqlarini poymol etishning eng qo’rqinchli ko’rinishi deb ataydi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Amerika va Kanadani ulovchi yirik neft quvuriga qarshi chiqayotgan hindular, dehqon, kovboylar Vashingtonda namoyishga chiqdi. 22-aprel, 2014-yil.
  • Amerika va Kanadani ulovchi yirik neft quvuriga qarshi chiqayotgan hindular, dehqon, kovboylar Vashingtonda namoyishga chiqdi. 22-aprel, 2014-yil.
  • Amerika va Kanadani ulovchi yirik quvurga qarshi chiqayotgan hindular, dehqon, kovboylar Vashingtonda namoyishga chiqdi. 22-aprel, 2014-yil.
  • Amerika va Kanadani ulovchi yirik quvurga qarshi chiqayotgan hindular, dehqon, kovboylar Vashingtonda namoyishga chiqdi. 22-aprel, 2014-yil.
  • Amerika va Kanadani ulovchi yirik neft quvuriga qarshi chiqayotgan hindular, dehqon, kovboylar Vashingtonda namoyishga chiqdi. 22-aprel, 2014-yil.
Fotogalereya

Fotogalereya Xristian olami pasxani nishonladi

Nasroniy dunyosi Isoning tirilishiga bag'ishlangan diniy ayyomni nishonladi.
Fotogalereya

Fotogalereya Ukrainadan suratlar

Sharqdagi to'qnashuvlarda o'lganlar, jarohat olganlar bor.
Fotogalereya

Fotogalereya Boston fojiasini eslab

O'tgan yilning 15-aprelida 25 mingga yaqin kishini bir joyga to'plagan marafon paytida yuz bergan portlash uch kishini hayotdan olib ketgan va 260 dan ortiq odam jarohatlangan edi.

Interaktiv

SAYTGA KIRISHNING XAVFSIZ YO’LI