Shanba, 01-noyabr, 2014 Toshkent vaqti: 11:48

Amerika

Amerikada ba'zilar Qo'shma Shtatlardan ajralishni istaydi

Amerika Ovozi
Yaqinda bir necha shtat aholisi Oq uyning internetdagi sahifasida AQSh tarkibidan chiqish uchun ariza to’ldirgan. Eng ko’p imzolar Texas shtatidan olinib, prezident Barak Obamaning qayta saylanganidan uch kun o’tib, saytda e’lon qilindi.

Texas milliy harakati deb nomlanuvchi tashkilot bu tashabbus bilan chiqmagan bo’lsa-da, aholini ariza to’ldirishga chorlamoqda. Guruh rahbari Kary Yayzning aytishicha, xalq davlat qarzi oshib borayotganidan xavotirda.

"Federal hukumat qarzni ortiq uza olmas ekan, buning og’iri nafaqat Texas balki boshqa shtatlarga ham tusha boshlaydi", - deydi u.

Ayrimlar federal xarajatlar oshayotganidan, hukumat xususiy biznes ishiga ko’p aralashayotganidan norozi. Biroq aksariyat texasliklar mustaqillik g’oyasidan yiroq.

“Men imzo chekmayman. Bu axir ahmoqlik! Mustaqil hayot kechirish uchun shtatda yetarlicha resurslar yo’q”, - deydi ular.

Oq uyning onlayn sahifasida boshqa shtatlardan ham fuqarolar mustaqillik talab qilgan. Aksariyati prezident saylovlarida respublikachilardan nomzod Mitt Romniga ovoz bergan shtatlar. Tarixda ular Texas kabi ittifoqdan ilk bor chiqqanida Amerikada fuqarolik urushi boshlangan edi.

Onlayn arizalarda Obamaning qayta saylangani sabab qilib ko’rsatilmagan. Biroq texaslik arizachilar federal hukumatni vakolatlarini suiiste’mol qilganlikda ayblamoqda. Shu paytga qadar petitsiyani 115 mingdan ziyod odam imzolagan.

Xyustondagi Rays universitetida siyosiy fanlar professori Mark Jounsning aytishicha, Texas hech qachon AQSh tarkibidan chiqmaydi.

"Bu ko’proq shoudir, siyosiy shou, haqiqiy bo’lginchilik harakatidan yiroq. Tashabbus ortida jiddiy liderni ham ko’rmaysiz", - deydi Jouns.

Olim imzo chekkanlar soni shtatda yashovchi 25 milliondan ziyod aholining o’ta kichik bir qismi ekaniga diqqatni qaratadi.

"Dallas tomonda bir talabaning hazil sifatida qilingan ishi edi. O’z imzosini qo’yganlarning ko’pi, hatto Texasdan emas", - deydi Mark Jouns.

Oq uy saytiga kirgan har bir odam ro’yxatdan o’tib, petitsiyaga qo’shilishi mumkin.

Texas milliy harakati Xyustondagi restoranda o’tirish uyushtirib, mustaqillik tarafdorlarini to'plagan. 20 tacha odam kelgan, xolos.

Ulardan biri Jina ismli ayolning aytishicha, Qo’shma Shtatlardan ajralish mumkin emas.

"Bunday bo’ladi deb tasavvur ham qilolmayman. Ammo shunday bo’lgan taqdirda aynan Texasdan buni kutsa bo’ladi", - deydi u.

Bu fikrga hamma qo’shilmasa-da, texaslik professorning aytishicha, onlayn petitsiya Vashingtondagi hukumatga nisbatan norozilikni ifoda etishning oson yo’li.

AQShdan ajralishni xohlayotganlar/Texas Secession Movementi
X
05.12.2012 05:13
Siyosatdan norozimisiz, AQShda prezidentning veb sahifasiga kirib, buni ochiq aytishingiz, kerak bo'lsa, yurtdoshlaringizni davlatga qarshi chiqishga undashingiz mumkin. Yaqinda Oq Uy saytida turli shtatlardan bir necha amerikalik ittifoq tarkibidan chiqish uchun ariza berdi. Ariza jiddiy qabul qilinishi uchun ovoz-imzo yig'ish kerak. Eng ko'p imzo Texas shtatidan. Bu fuqarolar Barak Obamaning prezidentlikka qayta saylanganidan norozi. Biroq shtat aholisining aksariyati yuqoridagi taklifni jiddiy qabul qilmaydi.


Obama, prezidentlikning ikkinchi muddati/Obama 2nd termi
X
08.12.2012 03:11
Noyabr boshidagi saylovlarda g'alaba qilgan Barak Obama prezidentlikning ikkinchi muddatini boshlashga hozirlanmoqda. Yaqin o'tmishga nazar tashlaydigan bo'lsak, ikkinchi muddat biror rahbar uchun oson kechmagan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI