Juma, 25-iyul, 2014 Toshkent vaqti: 03:59

Yaqin Sharq

Jenevada Suriya bo’yicha muzokaralar natijasiz yakunladi

BMT va Arab Ligasining Suriya bo'yicha muzokarachisi Laxdar Braximiy
BMT va Arab Ligasining Suriya bo'yicha muzokarachisi Laxdar Braximiy
Amerika Ovozi
Rossiya Suriya mojarosini hal etishga chaqirayotgan bo’lsada, prezident Bashar al-Assadning hokimiyatdan ketishi lozim degan talablarga qo’shilmaydi.

Rossiya Tashqi ishlar vazirligi bayonotida aytilishicha, Suriya kelajagi bu xalqning o’z qo’lida va xorijiy davlatlar mojaroga aralashmasligi lozim.

Bayonotda, shuningdek, Suriyada qon to’kilishlariga darhol nuqta qo’yish, qochqinlarga gumanitar yordam uzatish zarurati tilga olingan.

Jenevada o’tgan muzokaralar samarasiz yakunlandi, deb xulosa qilish mumkin. BMT va Arab Ligasi vakili Laxdar Braximiy vositachiligida, yopiq eshiklar ortida o’tgan uchrashuvda Rossiya Tashqi ishlar vaziri muovini Mixail Bogdanov hamda AQSh Davlat kotibi o’rinbosari Vilyam Berns qatnashgan.

Majlis yakunida “mojarosiga siyosiy yechim topish kerak”, degan bayonotlar yangradi xolos.

Laxdar Braximiyning tan olishicha, Suriyada yaqin kelajakda xunrezlik to’xtamaydigan ko’rinadi.

“Xalqaro hamjamiyatning har bir a’zosi, ayniqsa, BMT Xavfsizlik Kengashiga a’zo davlatlar, bu masalaga jiddiy e’tibor qaratishi va tinchlik tomon harakatlarni to’xtatmasligi lozim”, - deydi diplomat.

Bir necha kunlik olishuvdan so’ng Suriya muxolifati kecha shimoldagi yirik Taftanaz harbiy bazasini qo’lga oldi.

Rossiya Suriyaning eng yaqin ittifoqchilaridan bo’lib, bu davlatga qurol-aslaha sotadi. Xitoy barobarida Rossiya BMT Xavfsizlik Kengashida Assad hukumatiga qarshi olg’a surilgan sanksiyalarning barchasiga veto qo’ygan.

Prezident Assadning hokimiyatda qolish-qolmasligi Jeneva majlisida kelishmovchilikka sabab bo’lgan asosiy masala bo’ldi, deydi Braximiy.

AQSh, Yevropa Ittifoqi va arab mamlakatlari nazarida hozirgacha 60 ming kishining yostig’ini quritgan fuqaro urushi Assadning ketishi bilan tugaydi. Krem da’vosicha esa bu tashqi kuchlar hal qiladigan masala emas.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Quyosh energiyasi - Solar poweri
X
24.07.2014 22:27
Vashingtondagi ikki universitet elektr energiyaning yarmini 400 kilometr narida joylashgan quyosh stansiyasidan olish niyatida. Bu degani kelasi 20 yil ichida millionlab dollar tejaladi. Bu o'quv dargohlarida tabiat muhofazasiga e'tibor bag'oyat kuchli.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Samolyotda halok bo'lgan yo'lovchilarning yaqinlari Tayvanning Pengu orolida tashkil etilgan motam marosimida, 24-iyul, 2014-yil.
  • Samolyotda halok bo'lgan yo'lovchilarning yaqinlari Tayvanning Pengu orolida tashkil etilgan motam marosimida yig'lamoqda, 24-iyul, 2014-yil.
     
  • Samolyotda halok bo'lgan yo'lovchilarning yaqinlari Tayvanning Pengu orolida motam marosimiga tayyorlanmoqda, 24-iyul, 2014-yil.
     
  • Qutqaruvchilar samolyot halokati o'rnini tekshirmoqda, Pengu oroli, Tayvan, 24-iyul, 2014-yil.
Fotogalereya

Fotogalereya Tayvanda samolyot qulashi oqibatida 48 kishi halok bo'ldi

"TransAsia" havo yo'llariga qarashli samolyot yomon ob-havo tufayli Tayvanda qulab tushgan. Samolyot bortidagi 48 kishi halok bo'lgan, 10 kishi yaralangan. Halokat yerida yana besh kishi jarohatlangani aytilmoqda.
Fotogalereya

Fotogalereya BMT Xavfsizlik kengashi G'azoda otishmani zudlik bilan to'xtatishga chaqirdi

BMT Xavfsizlik kengashi Isroil va XAMASni o'zaro otishmani zudlik bilan to'xtatishga chaqiruvchi qaror qabul qildi. G'azoda ikki haftadan beri davom etayotgan havo hujumlarida 500 dan ziyod falastinlik halok bo'lgan, Isroil tomonidan esa bir necha askar o'lgan.
Fotogalereya

Fotogalereya Kunning suratlari - 20-iyul, 2014-yil

Kunning muhim voqealari va dunyoning turli burchaklaridagi manzara suratlarda.
Fotogalereya

Fotogalereya O'zbekistonlik ustalar Santa Fe xalqaro festivalida

Amerikaning Nyu-Meksiko shtatidagi Santa-Fe shahrida har yili o’tadigan usta hunarmandlar festivali (Santa Fe International Folk Art Market) nufuzli davra hisoblanadi. Unga taklif qilingan chevar, kashtado’z yoki sozandaning ijodi so’zsiz tan olinadi. Qaysi davlatda bo’lmasin ularning mahsuloti darrov qo’lma qo’l bo’lib ketadi. Bu yilgi yarmarkada O’zbekistondan 25 kishi qatnashdi - eng katta jamoalardan biri. 11-13-iyul kunlari o’tgan tadbirda ustalar bir-biri bilan tanishdi, tajriba almashdi, mahsulotini sotdi, yangi xaridor va hamkorlar topdi va vatanga daromad bilan qaytdi. Bu esa, deydi hunarmandlar, yangi imkoniyatlarga yo’l ochadi. Yangi ish o’rinlari, ta’lim dasturlari, mustaqil faoliyat, erkin nafas va yurt taraqqiyoti uchun hissa degani bu.
Fotogalereya

Fotogalereya MH17 - Ukraina osmonida urib tushirilgan samolyot qoldiqlari va bugungi manzara

Ukraina hukumati Rossiyani ikki kun oldin Donetskda urib tushirilgan yo’lovchi samolyot qoldiqlari orasidan ashyoviy dalillarni yo’q qilishda separatistlarga yordam berayotganlikda ayblamoqda. Malayziya havo yo’llariga tegishli samolyot ichida 298 odam bo’lgan. Hammasi o’lgan. AQSh hukumatining tasdiqlashicha, samolyot yerdan nishonga olingan.
Fotogalereya

Fotogalereya Isroil piyoda kuchlari G'azoda hujumlarni davom ettirmoqda

8-iyulda boshlangan operatsiyada hozirgacha 300 dan oshiq falastinlik o’lgan. Uch kundirki, Isroil kuchlari G'azo sektorida yuzlab manzillarni o'qqa tutmoqda.
Fotogalereya

Fotogalereya Dunyo ahli Ukrainadagi fojeadan dahshatda, 295 odam halok bo'lgan

Yo'lovchilardan 173 nafari Niderlandiya, 44 kishi Avstraliya, 12 odam Indoneziya, shuningdek, Britaniya, Germaniya, Belgiya, Kanada, Yangi Zelandiya va Filippin fuqarolaridir. AQSh razvedka agentliklarining tasdiqlashicha, samolyot raketa bilan urib tushirilgan va aynan Ukraina sarhadidan turib nishonga olingan. Samolyot havoda portlagan. Ukraina qurolli kuchlari bunday vositaga ega emas, deydi Amerika rasmiylari. Gumon shuki, samolyotni o'qqa olganlar - rusparast bo'lginchilar.
Fotogalereya

Fotogalereya AQShga noqonuniy kirib kelayotgan muhojir bolalar

AQShning janubiy chegaralarida noqonuniy muhojirlar muammosi gumanitar inqiroz sifatida baholanmoqda. Chegarani kesib o'tganlar orasida 50 mingdan ortiq voyaga yetmagan bola bor. Ular mahalliy va federal hukumat uchun yangi muammolarni keltirib chiqarmoqda.
Fotogalereya

Fotogalereya Ukrainada Malayziya samolyoti quladi

Boeing-777 samolyoti 280 yo'lovchi va 15 ekipaj a'zolari bilan Amsterdamdan Kuala Lumpurga uchayotgan bo'lgan. Ukraina hukumati va isyonchilar bir-birini ayblamoqda.

Interaktiv

SAYTGA KIRISHNING XAVFSIZ YO’LI