Payshanba, 28-may, 2015 Toshkent vaqti: 00:47

Yaqin Sharq

Suriya muxolifati safida radikal kuchlar ham bor

Multimedia

Audio
Amerika Ovozi
Yaqinda Marokashda majlis qilgan 100 dan oshiq davlat, jumladan AQSh, Fransiya, Britaniya va Fors ko’rfazi mamlakatlari, Suriya muxolifatini tan oldi.


Ammo Bashar al-Assad hukumatiga qarshi kurashayotgan guruhlar safida ekstremistlarning borligi chuqur xavotir uyg’otmoqda.

Suriya shimolidagi Halab shahri yaqinida muxolifat a’zolari saf tortayapti…

Yana bir shahar yoki harbiy baza qo’lga kiritilgani haqida internetda har kuni yangi bir video chiqadi. Ammo bunisida al-Nusra Fronti nomli islomiy jangchilar ko’rsatilgan. Muxolifat faollari xavotirini yashirmaydi.

Suriya huquq markazi, Londonda joylashgan idora, xodimi Mattaz Suhaylning aytishicha, hukumatga qarshi qurol ko’targanlar orasida islomiy kayfiyat kuchayayotgani seziladi.  

Shu hafta Halabda yirik harbiy inshootga hujum qilib, uni qo’lga kiritgan ham al-Nusra brigadasidir.

“Halabda ular islomiy sud va odob-ahloq politsiyasini tuzib, odamlarni shariatga muvofiq sudlashyapti”, - deydi Mattaz Suhayl. 

Ushbu hol Suriya oppozitsiyasini tan olgan G’arbni ham tashvishga solmoqda. Qo’shma Shtatlar al-Nusra guruhini qora ro’yxatga qo’shib, ikki yetakchisini al-Qoida bilan aloqada aybladi va ularga qarshi sanksiya qo’ydi. 

Davlat departamenti rasmiysi Viktoriya Nulandning aytishicha, Assad rejimi o’z xalqini qirish orqali mamlakatda shunday bir muhit yaratganki, ekstremistlar bundan foydalanmoqda.

Mahalliy ekspertlar oppozitsion kuchlar orasida al-Nusrani eng xavflisi deb biladi. Faoliyatini yaxshi tashkillashtirgan va a’lo darajada qurollangan bu guruhga yoshlar katta sonda ergashyapti.

Ammo Yaqin Sharq bo’yicha tadqiqotchi Laylo Hilol Bashar al-Assaddan keyingi Suriya islomiy kuchlar qo’liga o’tishiga ishonmaydi.

“Hozir odamlar o’z manfaatlaridan, mavjud resurslardan kelib chiqqan holda u yoki bu guruhga ergashib yurishibdi”, - deydi olima.  

Qatarda joylashgan Brukings tahlil markazidan Salmon Shayx buni muammolarning boshlanishi deb biladi.

“Suriya hech bir vaqt al-Qoida uchun qulay makon hisoblanmagan. Lekin xalqaro hamjamiyat isyon boshlanganidan beri mamlakatni o’z holiga tashlab qo’ydi, nazorat boy berildi. Natijada al-Nusra singari ekstremist guruhlar qanot yoza boshlagan”, - deydi tahlilchi.

Salmon Shayx fikricha, al-Nusra va al-Qoidaning dumini tugishga haliyam kech emas. Buning uchun muxolif koalitsiya effektiv choralar ko’rishi, Amerika esa harbiy treyning va ko’makni oshirishi kerak.  

30 mingdan ziyod odamning boshini yegan urush yakun topayapti deyish qiyin. Birlashgan Millatlar Tashkilotida muhokamalar boshi berk ko’chaga kirib qolgan, chunki Xavfsizlik Kengashi a’zolari bu masalada bir-biri bilan kelishmaydi.

Suriya bugun o’ta murakkab bir ahvolda, deydi inson huquqlari markazi xodimi Mattaz Suhayl.

“Urush mamlakatni ko’kka sovurdi. Eng katta shahar Halabda jang maydoniga aylangan. Suriya iqtisodiyoti, infrastrukturasini yer bilan yakson bo’ldi”, - deydi u.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Markaziy Osiyoda diniy erkinlik: amerikalik ekspert bilan suhbati
X
26.05.2015 23:46
Xalqaro diniy erkinlik bo’yicha AQSh komissiyasi taqdim etgan yangi tahlilnomada Markaziy Osiyoning uch mamlakati "alohida xavotirga molik davlat" deya ta’riflanadi. "Amerika Ovozi" komissiyaning mintaqa bo’yicha eksperti Ketrin Kozmanni suhbatga tortdi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Filippinda topilgan koral o'simlik - Balanophora coralliformis.
  • Shimoliy va Janubiy Dakotata yaqinda topilgan yangi dinozavrning (Anzu wyliei) qoldiqlari. Qushga o'xshagan dinozavrning bo'yi bir yarim metr, eni uch yarim metr, vazni 300 kilogram bo'lgan. (Karnegi tabiat tarixi muzeyidan)
  • Chayir o'rgimchak - Cebrennus rechenbergi. Sakrab, dumalab yuradigan o'rgimchak olimlar shu xilda harakatlanuvchi robotni yaratishiga turtki bergan.
  • Avstraliya janubi-sharqida, dengiz tubida aniqlangan jonzot, plankton - Dendrogramma enigmatica. 
  • Xitoy arisi - Deuteragenia ossarium. 
  • Indoneziya orollarida topilgan qurbaqa - Limnonectes lavaepartus. 
  • Phryganistria tamdaoensis - uzunligi 23 samtimetr keladigan xodasimon qumursqa. 
  • Yaponiya orollarida yashovchi Phyllodesmium acanthorhinum - dengiz shilliq qurti.
  • Tillandsia religiosa - dekabrdan martga qadar gullaydigan o'simlik, bromeliya.
  • Torquigener albomaculosus - dengiz tubida yashovchi semiz baliq.
  • T. albomaculosus - semiz baliq suv tubidagi qumda mana shunaqangi shakllar chizadi. Maqsad - urchish.

Interaktiv

SAYTGA KIRISHNING XAVFSIZ YO’LI