Chorshanba, 26-noyabr, 2014 Toshkent vaqti: 09:58

Yaqin Sharq

Kreml Assadni yoqlab, xato qilayapti, deydi ayrim tahlilchilar

Suriyadagi urushda uch o'g'li va ikki nevarasidan ayrilgan, 70 yoshli Abdlhamid Haj Omar. Shimoliy Halab, 25-dekabr.
Suriyadagi urushda uch o'g'li va ikki nevarasidan ayrilgan, 70 yoshli Abdlhamid Haj Omar. Shimoliy Halab, 25-dekabr.

Multimedia

Audio
Amerika Ovozi
Quvayt hukumati Suriyadagi gumanitar tanazzulga yechim topish uchun kelasi oy xalqaro anjumanga mezbonlik qiladi. Shayx Sabah al-Ahmad al-Sabah bu haqda kecha Fors ko’rfazi hamkorlik kengashi majlisida e’lon qilgan. BMT Bosh kotibi Pan Gi Munning taklifi edi bu, deydi Quvayt rahbari.


Kecha BMT va Arab Ligasining Suriya bo’yicha maxsus vakili Laxdar Braximiy Damashqda prezident Bashar al-Assad bilan ko’rishgan. Diplomat fuqaro urushiga barham berish masalasini muhokama qilgan, biroq taraflar tafsilotlar haqida lom-mim demayapti.

Bu orada Britaniyadagi huquq tashkiloti Suriya hukumatini Himsda yakshanba kuni isyonchilarga qarshi zaharli gaz qo’llaganlikda ayblamoqda. Assad ma’muriyati o’z xalqiga nisbatan kimyoviy qurol ishlatmasligini ta’kidlab keladi.

Rossiya Tashqi ishlar vaziri Sergey Lavrov so’zlariga ko’ra, ommaviy qirg’in qurolidan foydalanish rasmiy Damashq uchun “siyosiy suiqasd” bilan barobar. Prezident Vladimir Putin Kreml va Assad hukumatini aralashtirmang, deydi.

Putinning aytishicha, Kreml Suriyani qariyb 40 yildan beri boshqarayotgan Assad rejimi taqdiri haqida qayg’urayotgani yo’q. “O’zgarishlar vaqti keldi. Rossiya uchun bu davlat kelajagi ustuvor masala”, - deydi Putin.

Suriyada sunniy isyonchilar rusiyzabon odamlarni qirishini aytib, po’pisa qilmoqda. O’tgan oy o’g’irlangan ukrainalik jurnalist Anxar Kochnevadan boshlaymiz bu ishni, deydi ular. Kreml hududga kema jo’natib, Rossiya fuqarolarini tez evakuatsiya qilish niyatida.

Suriyaga qo’shni, minglab qochqinlar panoh topgan Livanda Rossiyaga qarshi kayfiyat kuchli. Moskva arab dunyosi qo’llab-quvvatlovini qo’ldan boy berayapti, deb hisoblaydi livanlik shayx Valid Tabush.

Uning aytishicha, Rossiya suriyaliklar va, umuman, arablar ahvoliga befarq.

Biroq Assad ma’muriyatiga xayrixoh, alaviylardan bo’lmish livanlik jangari guruh sardori Abu Ali Zumar Rossiyaga tahsin aytadi.

“Rossiyaning pozitsiyasi maqtovga loyiq. Prezident Putin og’ir va yaxshi damlarda sodiq do’st bo’lib qoldi”, - deydi Zumar.

Bayrutdagi Karnegi markazi olimi Pol Salim fikricha, Putin Suriya prezidentini tanlab xato qildi.

“Mavjud tasavvur shuki, Assad tuzumi mag’lub bo’lishini bila turib, Putin bilganida turib oldi”, - deydi tahlilchi. Bu esa Rossiyaning arab dunyosidagi nufuziga pand beradi.

“Yaqin Sharq, arab dunyosi, umuman, musulmon olamida Rossiyaning nomi, obro’siga putur yetmoqda. Kreml bundan yutqazyapti, lekin zarracha foyda ko’rayotgani yo’q”, - deydi Salim.

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
US/Syria/Islamic Statei
X
25.11.2014 15:09
Prezident Barak Obamaning ta’kidlashicha, Qo’shma Shtatlar “Islomiy davlat” ekstremistlariga qarshi kurashda Suriya hukumati bilan hamkorlik qilmaydi. Shunga qaramasdan, xalqaro koalitsiya Suriyada amalga oshirayotgan havo hujumlaridan prezident Bashar al-Assad ham naf ko’rayotgani ayon.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Namoyishlarni yoritayotgan jurnalist
  • Sent-Luis shahri, Missuri shtati

Interaktiv

SAYTGA KIRISHNING XAVFSIZ YO’LI