Yakshanba, 26-oktyabr, 2014 Toshkent vaqti: 10:08

Yaqin Sharq

BMT Suriyadagi urush talofatlarini sarhisob qildi

Multimedia

Audio
Amerika Ovozi
Birlashgan Millatlar Tashkiloti Suriyada qariyb ikki yillik mojaroda ko’rilgan talofatlarni sarhisob qilmoqda. Mazhablararo adovat tusini olayotgan urushda minglab odamlar halok bo’lgan.

Sentabrdan beri gumanitar ahvol o’ta og’irlashgan, inson huquqlari keng miqyosda oyoqosti qilinmoqda. Ayniqsa, Damashq va Halab kabi yirik shaharlarda zo’ravonlik ko’lami oshib, me’moriy yodgorliklarga hujumlar ortgan.

Mamlakatda, asosan, sunniylardan iborat isyonchilar va prezident Bashar al-Assad ma’muriyatini yoqlovchi alaviylar o’rtasida ixtilof borgan sari keskinlashmoqda, deyiladi BMT hisobotida. Aynan mazhablar ziddiyati ajnabiy kuchlarni bu urushga qo’shilishga undayotgan omil deya ko’riladi. Yaqin Sharq va Afrika shimolidagi sunniylar isyonchilarga, shialar, xususan, Livandagi Hizbulloh guruhi a’zolari esa Assad armiyasiga ko’maklashmoqda.

BMT rasmiysi Paulo Pineyroning aytishicha, Suriyadagi boshqa elat va din ahli, jumladan, nasroniy, kurd va turkmanlar ham o’zini mudofaa qilib yoki biror tomonni  yoqlab, qurol ko’tarishga majbur bo’layapti. Hisobotga muvofiq, muxolifat Suriyaning shimoli va markazida mahkam o’rnashib olgan, janubda esa armiyaning qo’li baland kelmoqda.

Hukumat Iordaniya va Livan bilan chegara mudofaasini mustahkamlab, qurol-aslaha hamda odamlar oqimini to’xtatishga urinayapti. O’z navbatida, isyonchilar ko’proq o’q-dori, raketalarni qo’lga kirita boshlagan. Aksariyat aslahalar to’qnashuvlar o’ljasi, ba’zilari xorijdan kirayapti, deydi BMT ekspertlari.

Pineyroning aytishicha, bu urushda harbiy yo’l bilan g’alabaga erishish mumkin emas. “U yoki bu tomonga qurol uzatib, muvaffaqiyat qozonamiz, deyish xatodir. Muzokara - yagona yechim”, - deydi mutaxassis.

Rossiya rahbari Vladimir Putin bugungi chiqishida Moskva uchun ustuvor masala Assad ma’muriyati taqdiri emas, balki Suriyani barbod bo’lishdan saqlab qolishdir, degan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Sonora sahrosi - AQSh-Meksika chegarasida - Water for Migrantsi
X
24.10.2014 23:59
Sonora dashti Shimoliy Amerikadagi eng issiq joylardan. Shunga qaramay Meksikadan chegarani kesib o’tmoqchi bo’lganlar ko’p hollarda aynan shu yerni tanlaydi. Safarga chiqqanlar orasida chanqoqlikdan nobud bo’lganlar kam emas. Bir mahalliy tashkilot suv ulasha boshlagan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Kobani

  • Kobani

  • Turkiya-Suriya chegarasida

  • Bag'dod

  • Kanadalik askarlar Iroqqa yo'l olayapti.

Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.

Interaktiv

SAYTGA KIRISHNING XAVFSIZ YO’LI