Chorshanba, 01-oktyabr, 2014 Toshkent vaqti: 17:13

Yaqin Sharq

Suriyada Assad ketsa ham mojaro davom etishi mumkin

Amerika Ovozi
Suriyada fuqarolik urushining keti ko’rinmas ekan, diplomatik harakatlar ham foyda bermayapti. BMT hisobiga ko’ra, salkam ikki yilda 60 mingdan ziyod odam o’lgan. Tahlilchilarning aytishicha, mojaro hali-beri hal bo’lmaydi va, hatto, isyonchilar prezident Bashar al-Assadni hokimiyatdan ag’dargan taqdirda ham zo’ravonliklar davom etadi.

Suriyada tomonlar hokimiyat uchun kurashar ekan, g’alaba kim tomonida bo’lishi hozircha aniq emas. Ekspertlar “bunisi hali holva” demoqda.

Suriyada bundan battar bo’lish ehtimoli bor, deydi Yaqin Sharq bo’yicha ekspert Aliya Braximiy.

"Agar Assad tuzumi qulasa, qasos olishlar, ichki zo’ravonliklar kuchayadi, ko’p qon to’kiladi. G’olib oppozitsiyaning ichida hokimiyat uchun qattiq kurash boshlanadi. Ustiga-ustak, mintaqadagi davlatlar o’ziga qarashli guruhlarni qo’llab-quvvatlashga kirishadi".

Manzara umid bag’ishlamaydi, ammo hech kim uchun yangilik emas. Axir Suriyada o’zaro adovat qiluvchi sunniylar va shialar, turli klanlar, guruhlar va mazhablar, islomiy jangarilar va liberal kuchlarning borligi sir emas.

"Suriya shunday bir inqirozga kirdiki, undan hali bir necha yil chiqolmaydi. Chunki mojaro mazhablararo va mintaqaviy kurash ishtirokchilariga qo’l kelmoqda", - deydi Aliya Braximiy.

Tahlilchi Suriyada hukmron alaviylar oqimining shia yetakchilarini qo’llab-quvvatlayotgan Eron va Damashqda hokimiyat tepasiga sunniylarning kelishini xohlayotgan Saudiya Arabistonini nazarda tutmoqda. Tehronning bu ko’magi uchun alaviylar unga Livanga o’z ta’sirini o’tkazishda yordam bermoqda. Qirollik esa o’z navbatida Eronni zaiflashtirishga intilyapti.

Bundan tashqari Suriyaning liberal bo’lishini istayotgan G’arb davlatlari hamda bu mamlakatda o’z manfaatlarini saqlab qolishga urinayotgan Rossiyani ham unutmaslik kerak.

Agar, deydi Arab-Britan kengashi tahlilchisi Kris Doyl, ichki va tashqi kuchlar manfaatlarining saqlanib qolishi kafolatlansa, fuqarolik urushi Suriyada u qadar cho’zilmasligi ham mumkin.

"Agar Assad rejimi shu bugunoq qulasa, mamlakatda hokimiyat uchun qattiq kurash boshlanadi. Biroq masalaga siyosiy yechim topilsa, aniq o’tish jarayoni belgilansa, u holda Suriyaning boshiga biz xavotir olayotgan qora kunlar tushmasligi mumkin", - deydi Doyl.

Biroq tomonlar eng munozarali masala bo’yicha murosa qilishi lozim. Assad hokimiyatdan darhol ketadimi yoki o’tish davrida mamlakatni boshqarib turadimi? Hech bir tomonning past kelgisi yo’q.

"Bu ishni amallasa bo’ladi. Shunchaki, hozircha bunga xohish yo’q", - deydi londonlik tahlilchi Aliya Braximiy.

Vaziyat o’zgarmas ekan, mojaro yana bir necha oy, balki yil davom etishi muqarrar, xoh Assad hokimiyatda qolsin, xoh ketsin, deydi mutaxassislar.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Zilzila va energetika sanoati - Oklahoma Earthquakesi
X
01.10.2014 09:37
Oklaxoma AQShda eng ko’p zilzila ro’y beradigan shtatga aylangan. Yaqingacha bunday emas edi. Masalan, 2009-yildan oldin Oklaxomada yiliga ko’pi bilan ikki marta silkinish kuzatilar edi, hozir esa 200 marta. Izlanishlar shuni ko’rsatmoqdaki, bunga energetika sanoati sababchi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ashraf G'ani( markazda) prezidentlikni qabul qilib olish marosimiga kelmoqda, 29-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Abdulla Abdulla bosh vazirlik lavozimini qabul qilib olish uchun tantanali marosimga tashrif buyurmoqda, 29-sentabr, 2014-yil.

  • Sobiq prezident Hamid Karzay o'z lavozimini Ashraf G'aniga topshirish uchun tantanali marosimga tashrif buyurmoqda, 29-sentabr, 2014-yil.

  • Ashraf G'ani (chapda) prezident sifatida qasamyod keltirmoqda, 29-sentabr, 2014-yil.

  • Prezident sifatida qasamyod keltirgan Ashraf G'ani Afg'oniston Oliy sudi raisi Abdul Salom Azimiy bilan qo'l berib ko'rishmoqda, 29-sentabr, 2014-yil.

Fotogalereya

Fotogalereya Ashraf G'ani - Afg'onistonning yangi prezidenti

Uzoq davom etgan saylov mashmashasidan so'ng Ashraf G'ani Afg'onistonning yangi prezidenti deb e'lon qilindi. Saylovda unga qarshi kurash olib borgan Abdulla Abdulla, o'zaro siyosiy kelishuvdan so'ng, yangi hukumatning bosh vaziri etib tayinlandi. Yangi hukumat ishga tushishi bilan Hamid Karzay davrida AQSh bilan tuzilgan xavfsizlik bitimini imzoladi.
Fotogalereya

Fotogalereya Gonkongda norozilik namoyishlari

Gonkong politsiyasi ko'zdan yosh oqizuvchi gaz qo'llab, namoyishchilarni tarqatishga urinishiga qaramay, aholi ko'chalarni tark etmayapti. Ular Pekinning siyosiy islohotni cheklashga qaratilgan choralaridan norozi.
Fotogalereya

Fotogalereya Ebola epidemiyasi suratlarda

Ebola epidemiyasi kengayishda davom etmoqda. BMT Bosh Assambleyasi yig'inida ham shu mavzuga alohida e'tibor qaratildi.
Fotogalereya

Fotogalereya Varshava, Polsha: O'zbekistonda inson huquqlari va siyosiy mahbuslar

Nyu-Yorkda asoslangan xalqaro tashkilot, inson huquqlari bo'yicha "Human Rights Watch" (HRW) o'zining 121 betlik yangi hisobotida tahlil qilishicha, O’zbekiston inson huquqlari keng ko’lamda poymol etiladigan davlat; so'z va fikr erkinligi faqat qog'ozda; bu huquqlarni amalda qo'llash - qamoq va qiynoq tomon yo'l. Tahlilnoma Varshavada e'lon qilindi. Yevropada Xavfsizlik va Hamkorlik Tashkiloti u yerda inson huquqlari bo'yicha yillik majlisini o'tkazmoqda. Unda O'zbekistonning taniqli huquq himoyachilari Vasila Inoyatova va Mo'tabar Tojiboyeva singari faollar so'zga chiqqan va qamoqxonalardagi vaziyat haqida tanqidiy hisobotlar bergan. Konferensiya doirasida siyosiy mahbuslarning ozod etilishiga chaqiruvchi namoyishlar ham o'tmoqda.
Fotogalereya

Fotogalereya Minglab odamlar iqlim himoyasiga otlandi

Yakshanba kuni minglab odamlar namoyishga chiqib, siyosat ahlini iqlimdagi salbiy o'zgarishlarga qarshi dadilroq harakat qilishga chaqirdi.
Fotogalereya

Fotogalereya O'n minglab suriyaliklar Turkiyaga qochayapti

Suriyada "Islomiy davlat" jangari guruhining hamlasi ketidan o'n minglab kurdlar Turkiyaga qochayapti. Anqara qochqinlarni kiritish uchun 19-sentabrda Suriya bilan chegarani ochgan. Hozirning o'zida Turkiyada Suriyadagi urushdan bosh olib ketgan yuz minglab suriyalik jon saqlamoqda.
Fotogalereya

Fotogalereya Jalol-Obod, Arslonbob va O'zgan

Jalol-Obod viloyati bo'ylab sayohat... Shahardan Suzoq qishlog'i tomon boramiz. So'ngra Arslonbob to'glariga chiqamiz va sharsharalar tagida dam olamiz. Qishloqlarni kezamiz. Jamoatchilik bilan muloqotda bo'lamiz. Bozorlar, ko'chalar va hayot. Qirg'iziston janubida shu yilning avgustida olingan suratlarni tomosha qiling. Tafsilotlar mana bu blogda: http://blogs.voanews.com/uzbek/yoshlariston/2014/09/20/jalol-obod-arslonbob-va-ozgandagi-bebaho-lahzalar/
Fotogalereya

Fotogalereya "Islomiy davlat"ga qarshi kurash

Iroq va Suriyadagi "Islomiy davlat" jangarilariga qarshi xalqaro koalitsiya tuzish jarayoni davom etmoqda. Ko'plab davlatlar o'q-dori va qurollar yetkazish, shuningdek, Iroq va kurd askarlarini harbiy tayyorgarlikdan o'tkazish ishlarida yordam berishga va'da berdi.

Interaktiv

SAYTGA KIRISHNING XAVFSIZ YO’LI