Shanba, 30-avgust, 2014 Toshkent vaqti: 21:12

Yaqin Sharq

Suriyalik qochqinlar taqdiri, Livandan reportaj

Multimedia

Audio
Jeyms Bruk
Qariyb ikki yillik urush oqibatida yarim milliondan ziyod surialik qo’shni davlatlarga qochdi – Turkiya, Livan, Iroq va Iordaniyaga.


Birlashgan Millatlar Tashkiloti hisobicha, qochqinlarning eng katta lageri Livanda bo’lib, u yerda 150 ming kishi yashaydi. “Amerika Ovozi” muxbiri yaqinda bu lagerda borib, ahvol bilan tanishdi.

Livanning qochqinlar bilan gavjum Anjar shaharchasiga qish yaqinlashmoqda. Yuk mashinalari saqlanadigan parkovka va kichik ustaxonalar boshpanaga aylantirilgan.

Um Xolidning qo’lida 10 kunlik chaqaloq. Uxlab yotganida yuziga chakki tomadi, deydi u. Bu oilaning kerosin sotib olishga puli yo’q. Tunda sovuq tushganda 15 kishi bir xonada jam bo’lib, yonma-yon uxlaydi.

“Ovqatimiz bor edi, yeb tugatdik. Pulimiz bor edi, sarflab bo’ldik. Sal isinish uchun kerosinni qayerdan olamiz deb boshimiz qotgan”, - deydi ayol.

Oila boshlig’i Abu Xolid Damashqdagi uyini raketa vayron qilganini aytadi. Bolalarini olib qochayotganda askarlar oyog’iga otishgan.

Suriyalik qochqinlarning katta qismi tog’li yo’llar orqali Livanga kirib kelmoqda. Chegarada pasportga shtamp qo’yilishi uchun soatlab kutishadi.

Lagerga yetib kelgach, islomiy xayriya tashkilotlari ularga matras, adyol va sovun tarqatadi. Xorijdan kelgan gumanitar yordam. 

Mahmud ismli mana bu suriyalik xotini va ikki qizi bilan qochib kelgan. “Bizning qishloqda hukumat qo’shinlari odamlarni qatl etdi”, - deydi u.

“BMT Qochqinlar agentligi odam boshiga 31 dollarga teng vaucherlar tarqatyapti. Bu pul ovqatga yetadi xolos. Gaz balonlari kerak, isinish uchun”, - deydi u.

Qochqinlarning yarmini bolalar tashkil etadi. Omadi kelganlar bolasini mahalliy maktabga bergan. Sinfxonalar gavjum, joy yo’q. 

Maktab direktori Dib Abdul Xoliq hali Damashq uchun kurash boshlangani yo’q, deydi.

“Ana o’shanda haqiqiy gumanitar fojia bilan yuzlashamiz deb qo’rqaman. Oldinda qahraton qish”, - deydi Xoliq.

Poytaxt Damashqqa yurish boshlansa qo’shni davlatlarga, jumladan, Livanga qochqinlar oqimi yanada kuchayishi turgan gap.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Yadroviy qurollar xavfsizligi - Nuclear Missile Safetyi
X
29.08.2014 22:39
1945-yil 6-avgustida Qo’shma Shtatlar Yaponiyaning Xirosima shahriga atom bombasi tashlagan. Cheksiz talofat keltirgan. Shu bilan dunyoda yadro qurollari poygasi boshlangan. Yadro arsenalining eng katta qismi ikki davlat hissasiga to’g’ri keladi - AQSh va Rossiya.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Novoazovsk
  • Donetsk
  • Donetsk
  • Snijne
  • Novoazovskdagi bo'lginchi.
  • Ukraina sharqida bo'lginchilar qo'lidan tortib olingan texnika.
  • Ukrainaning NATOdagi elchisi Ixor Dolxov Bryusseldagi majlisda. 29-avgust.
  • Rossiya qimmatbaho qog'ozlari, rubl qiymati keskin tushdi. 28-avgust, 2014-yil.
Fotogalereya

Fotogalereya Kaliforniya shimolida zilzila, 6 balda

24-avgust kuni Kaliforniya shtati shimolida yer qimirladi. Uning kuchi 6 balni tashkil etgan. Hududda azaldan zilzila ehtimoli yuqori. Binolar vayron bo'lgan, yong'inlar va elektr tarmoqlarida uzilish kuzatilgan. Hech kim o'lmagan. Lekin tunda yuz bergan tabiiy ofat aholi orasida katta vahima uyg'otgan. Zilzila ayniqsa Napa shahrida qattiq sezilgan.
Fotogalereya

Fotogalereya O'zbek shoirasi Zulfiya Boboyeva xonadonida - Tojikistonning Mujun qishlog'idan fotolavha

Tojikiston aholisining 24 foizi, ikki millondan ortig’ini o’zbeklar tashkil etadi. Ular orasida yuzdan ortiq shoir va ijodkorlar bor. Respublika shimolining O’zbekiston va Qirg’iziston bilan chegaradosh G’onchi nohiyasining so’lim Mujun qishlog’ida o’zbek adabiyotining yorqin yulduzlaridan biri, shoira Zulfiya Boboyeva yashaydi. So’g’d viloyat o’zbeklar ma’naviyat va ma’rifat markazi tashabbusi va G’onchi nohiyasi raisi Zafar Ismoilzodaning joriy yil 30-iyulidagi qarori bilan Tojikiston yozuvchilar uyushmasi a’zosi, Maftun Jo’ra nomidagi adabiy mukofot laureati Zulfiya Boboyevaning 60 yoshlik yubiley tantanalari bo'lib o'tdi. Tadbir uning xonadonida kechdi. Shoira yura olmaydi. Boshlang’ich maktabda o'qib yurganidan beri aravachaga mixlanib qolgan. Ijod uning hayoti mazmuniga aylangan. Yosh qizaloq she'rga havas qo’yib, mustaqil o’qib o’rganadi, ma’lumotli bo’ladi. O’zining she’riy satrlarida bitganidek: Bo’ldilar she’rim bayotim-sabrim saodati, Yo’g’rildi shu sabab ishqqa ko’nglimning toati!
Fotogalereya

Fotogalereya Tripolidagi xalqaro aeroport jangarilar qo'liga o'tdi

Muxolifatdagi islomiy guruhning qurollangan vakillari Liviya poytaxti Tripolidagi xalqaro aeroportni egallab oldi. Ular amaldagi parlament faoliyatini noqonuniy deb hisoblab, avvalgi Milliy Kongressning qayta tiklanishini talab qilmoqda.
Fotogalereya

Fotogalereya Donetskda o'ziga xos parad

Ukraina mustaqillik bayramini nishonlar ekan, sharqda bo'lginchilar asirdagi askarlarni ko'chalardan namoyishkorona olib o'tishdi
Fotogalereya

Fotogalereya Isroil va XAMAS o'rtasida yana otishma boshlandi

Qohiradagi muzokaralar muvaffaqiyatsiz yakunlangach, vaqtinchalik sulh tugashi bilan Isroil va XAMAS o'rtasida yana otishma boshlanib ketdi.

Interaktiv

SAYTGA KIRISHNING XAVFSIZ YO’LI