Juma, 31-oktyabr, 2014 Toshkent vaqti: 17:02

Markaziy Osiyo

Botken: Qirg'iz-tojik chegarasidagi bugungi ahvol

Multimedia

Audio
Qirg’izistonning Botken viloyatida bo’lib o’tgan davra suhbatida qirg’iz-tojik chegarasi bo’yida joylashgan hududlardagi vaziyat muhokama qilingan.


Rasmiylarga ko’ra, yil boshidan buyon ikki mamlakat chegarasi yaqinida 19 mojaro qayd etilgan. Tadbirda chegarani kesib o’tish paytidagi kelishmovchiliklar, noqonuniy mol olib o’tish hollari, tabiiy resurslardan foydalanishdagi tushunmovchiliklar haqida gap ketgan.

Kuzatuvchilarning aytishicha, chegaraning aniq belgilanmagani turli bahsli vaziyatlarga sabab bo’lmoqda.

Botken viloyat ma’muriyati hamda Yevropada Xavfsizlik va Hamkorlik Tashkilotining Qirg’izistondagi vakolatxonasi tomonidan tashkil etilgan davra suhbati Oqsoy qishlog’ida o’tkazildi. Ushbu qishloq okrugi Tojikiston bilan chegaradosh bo’lib, bu joylarda chegara chizig’ida bir necha bahsli maydonlar mavjud.

Bu o’z navbatida turli tortishuvlar va boshqa noxush vaziyatlarga sabab bo’lib keladi.

Tadbir tashkilotchilaridan biri, qirg’iz hukumatining Botken viloyatidagi vakili o’rinbosari Saitjan Eratovning aytishicha, davra suhbatida ikki masala muhokama qilindi.

“Birinchisi, chegarada o’rin olayotgan mojarolarning oldini olish. Bu o’rinda mahalliy aholi orasida tushuntirish ishlari olib borish kerak. Ikkinchisi, umuman chegara masalalari. Turli tortishuvlar yil sayin bo’lib turadi – suv talashish, yer talashish hollari, yo’llardan tranzit o’tish paytidagi tushunmovchiliklar va hokazo. Aytish joizki, keyingi paytlarda bunday mojarolar bir qadar kamaydi. Bizning maqsad bunday hollarga tamoman chek qo’yish”, - deydi mulozim.

Rasmiy ma’lumotlarga ko’ra, Qirg’iziston-Tojikiston chegarasi 971 chaqirimdan iborat bo’lib, hozirgacha uning yarmidan ko’prog’i rasmiy xatlovdan o’tgan. Mahalliy nohukumat tashkilotlar axboroticha, hozirgacha chegarada 70 ga yaqin bahsli hudud mavjud.

Aytish joizki, keyingi yillarda Qirg’iziston hududi orqali o’tuvchi yo’llar Tojikiston ta’minotida muhim rol o’ynayotir. Chegara orqali har ikki tomonga noqonuniy mol olib o’tish hollari keng o’rin olgan.

Botkendagi nodavlat tashkilotlardan biri rahbari Robert Abazbekov ko’p yillardan buyon chegara masalalari bilan shug’ullanib keladi.      

“O’zbekiston-Tojikiston chegarasidagi yo’nalishlar yopilgani sabab, hozir yuklar Tojikistonga ko’proq Qirg’iziston orqali kirmoqda. Masalan, GESlar uchun uskunalar, ko’mir, sement va yonilg’i. Bu mollar ham rasmiy, ham aylanma yo’llar bilan o’tmoqda”, - deydi u.

Mutaxassislar chegara hamjamiyatlarida turli mojarolarni oldini olish uchun mahalliy aholi xabardorligini oshirish, qo’shni tomon bilan o’zaro muloqotni kengaytirish zarurligini ta’kidlaydi.

“Buning uchun har bir bahsli masala borasida ochiq muloqot olib borish kerak, aybdorlarni javobgarlikka tortish lozim. Muloqot borasiga kelsak, har ikki tomon oqsoqollari birga choy ichishsin, suhbatlashishsin, ayollar qo’mitalari ishlashsin, yoshlarimiz sport musobaqalari o’tkazishsin. Bir-birlarini tushunishni o’rganishsin”, - deydi qirg’iz hukumatining Botken viloyatidagi vakili o’rinbosari Saitjan Eratov.

Botken ma’muriyati qo’shni Tojikistonning So’g’d viloyati hukumati bilan joriy yil uchun hamkorlik bitimi tuzgan. Hozirda, rasmiylarga ko’ra, besh yilga mo’ljallangan hamkorlik dasturi ustida ish olib borilmoqda.

Nodavlat sektori vakili Robert Avazbekovning aytishicha, ikki davlat chegarasini aniqlash masalalariga ko’proq e’tibor berish darkor. Ushbu masalaning yechilishi boshqa ko’p muammolarni keskin ozaytirgan bo’lardi.

Suhbatdoshga ko’ra, aynan aniq va puxta o’ylangan hamkorlik qadamlari chegaradagi vaziyatni yumshatishga, bot-bot paydo bo’layotgan ehtiroslarga chek qo’yishga xizmat qiladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Qizil ko'knor ko'rgazmasi, London

  • Amerika saylovlar arafasida

  • Afina, Gretsiya... Harbiy mashqlar

  • Turkiya-Suriya chegarasi

  • Filippin

  • Jamna daryosi bo'yida, Hindiston

  • Fransiya

  • Kanzas shahri, Missuri

  • Los Angeles, Kaliforniya

Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.

Interaktiv

SAYTGA KIRISHNING XAVFSIZ YO’LI