Juma, 21-noyabr, 2014 Toshkent vaqti: 21:18

Markaziy Osiyo

Tojikistonda prezident saylovlari oldidan muxolifat jonlangan

Kuzatuvchilar fikricha, bu galgi saylovlar oldingilaridan tubdan farq qilishi mumkin. Muxolifat jonlangan, ham mamlakatda, ham chetda.
Kuzatuvchilar fikricha, bu galgi saylovlar oldingilaridan tubdan farq qilishi mumkin. Muxolifat jonlangan, ham mamlakatda, ham chetda.

Multimedia

Audio
Noyabr oyida prezident saylovlari rejalanar ekan, Davlat kotibining Janubiy va Markaziy Osiyo bo’yicha yordamchisi  Robert Bleyk yaqinda Tojikistonga safari chog’ida Emomali Rahmonni jarayonni oshkora va demokratik tarzda o’tkazishga chaqirgan. Kuzatuvchilar fikriga ko’ra, bu galgi bahs oldingilaridan tubdan farq qilishi mumkin. Ammo xalqaro ekspertlar nazarida o'zgarish bo'lishi gumon.


Yurtni 20 yildan buyon boshqarayotgan Rahmondan norozilar ko’p. Hukumatga sodiq doiralar esa rahbarlik uchun loyiqroq nomzod yo’q deb hisoblaydi.

Tojikiston Islom uyg’onish partiyasining Sug’d viloyat bo’limi raisi Hoji Naimjonning aytishicha, prezidentlik uchun respublikada va chetda munosib nomzodlar bor, ammo mavjud qonunlar ularning saylovda ishtirok etishiga yo’l qo’ymaydi.

“Bizning maqsadimiz ham, taklifimiz ham shuki, avval, qonun o’zgarishi kerak. Masalan, qonunning bir sharti shuki, prezidentllikka nomzod keyingi 10 yil ichida Tojikistonda yashagan bo’lishi shart. Ba’zi birodarlarimiz, singillarimiz borki, ular 10-15 yildan beri xorijda. Ular Tojikiston fuqarolari, nima uchun qatnasha olmaydi? Ular, ehtimol, xorijda yurib dunyoqarashi va tajribasi oshgan. Agar qonun o’zgarmagan taqdirda ham nomzodlar topiladi”, - deydi Naimjon.

Yosh huquqshunos Vali Shodmon Rahmonning G’arb bilan olib borayotgan muvaffaqiyatli siyosati uning yetuk siyosatdon ekanidan dalolat berishini aytadi. Prezidentlik kursisida uning o’zi qolgani ma’qul, deydi u.

Sobiq o’qituvchi, hozirda mehnat muhojiri O’ktambekning fikricha, yetuk siyosatdon bo’lsa-da, Rahmon 20 yil hukmronlik qilgani yetadi.

Tojikistondagi ijtimoiy-siyosiy vaziyat haqida maqolalar yozib kelayotgan mustaqil jurnalist Xayrullo Mirsaidov so'zlariga ko'ra, keyingi bir yilda mamlakat tashqarisida muxollif kuchlar faollashgan va bu, albatta, oldindagi saylov bilan bog’liq.

“Shubhasiz, bu saylov oldingilaridan tubdan farq qiladi. Sababi oddiy, juda ko’p faol muxolifatchilar Rahmonga qarshi chiqmoqda. Nafaqat mamlakatdagi kuchlar haqida, balki chet ellarda qolayotgan shaxslar ham borligini nazarda tutish lozim. Shuningdek, Rossiya bilan aloqalar sovuqlashganini ham nazardan qochirmaslik kerak. Bu shuni anglatadiki, Rossiya Rahmonga alternativ demokrat nomzodni qo’llashi mumkin”, - deydi u.

Xayrulloning aytishicha, hozir respublikaning o’zida yirik sarmoyadorlar ham yangi nomzod izlashayotgani haqida so’zlar bor. Shuningdek, qo’shni O’zbekiston Rossiya bilan birga Rahmonga muxolif nomzodni qo’llab-quvvatlashi mumkin degan qarashlar bor.

“Sobiq bosh vazir Abdumalik Abdullajonov va Umarali Quvvatovning hibsga olinishi, jurnalist Dadajon Atovulloyevga uyushtirilgan suiqasd, xalq siyosiy faolligiga turtki beruvchi nodavlat tashkilotlariga hukumatning qat’iy qarshi harakatlari saylov oldi intrigalari bo’lishi mumkin”, - deydi Xayrullo.

Ayrim kuzatuvchilar Tojikistonni keyingi bir yilda katta siyosiy o’zgarishlar kutayotgani va bu prezidentlik sayloviga bog’liq ekanini aytmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Mahallama-mahalla yuradigan tish doktorlari- Mobile Dentisti
X
21.11.2014 10:57
Amerikada tish doktoriga borish bir necha yuz dollardan minglab dollargacha tushishi mumkin. Oddiy plomba 300-400 dollar. Shu bois odamlar stomatologga vaqtida murojaat qila olmay, qiynaladi. Maxsus avtomobil ichidagi shifoxona mahallama-mahalla yurib, bepul xizmat ko’rsatadi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • AQSh Vitse-prezidenti Jo Bayden (o'ngda) Ukraina Prezidenti Petro Poroshenko bilan, Kiyev, 21-noyabr, 2014-yil.
  • AQSh Vitse-prezidenti Jo Bayden Kiyevda, 21-noyabr, 2014-yil.
  • Ukraina Prezidenti Petro Poroshenko halok bo'lgan askarlar xotirasi uchun o'tkazilgan tadbirda fuqarolar bilan gaplashmoqda, Kiyev, 21-noyabr, 2014-yil.
  • AQSh Vitse-prezidenti Jo Bayden (chapda) Ukraina Bosh vaziri Arseniy Yatsenyuk bilan ko'rishmoqda, Kiyev, 21-noyabr, 2014-yil.
  • AQSh Vitse-prezidenti Jo Bayden va uning rafiqasi Jil Kiyevdagi Borispil xalqaro aeroportida, 20-noyabr, 2014-yil.
Fotogalereya

Fotogalereya Sterilizatsiya hind ayollarini o'ldirdi

Hindistonda tug'ishning oldini olish uchun o'tkazilgan jarrohlik amaliyotidan so'ng 13 ayol jon bergan. Aholi sonini nazorat qilishga urinayotgan hukumat sterilizatsiyaga zo'r bermoqda. Hibsga olingan jarrohning aytishicha, ayollarning o'limiga amaliyotdan keyin berilgan dorilar sabab bo'lgan.
Fotogalereya

Fotogalereya Vashingtonda global festival

Poytaxtdagi Vashington markazida (The Washington Center) Global fuqaro kuni bayram qilinib, o'nlab davlatdan talabalar madaniyati, taomlari, kuy-qo'shiqlarini namoyish qildi.

Interaktiv

SAYTGA KIRISHNING XAVFSIZ YO’LI