Juma, 19-dekabr, 2014 Toshkent vaqti: 02:39

AQSh-Markaziy Osiyo

Tojikiston ahli Obama qayta saylanganidan mamnun

Аmerika tarixidagi ilk qora tanli prezidentning ikkinchi muddatga saylanishi Tojikistonda ijobiy kutib olindi.

Xo'jand yoshlari
Xo'jand yoshlari

Multimedia

Audio
Amerika Ovozi
Аmerika tarixidagi ilk qora tanli prezidentning ikkinchi muddatga saylanishi Tojikistonda mintaqaning boshqa respublikalari kabi ijobiy kutib olindi. Jumladan AQSh tashqi siyosatiga odatda salbiy qarovchi taqvodorlar tomonidan ham.


Оbamaning qayta saylangani munosabati bilan Tojikiston prezidenti Emomali Rahmon hamkasbiga yo’llagan tabrigida bugungi aloqalarga yuqori baho berib, hamkorlikni mustahkamlashga tayyor ekanini ta’kidlagan.

Mahalliy ekspertlardan birining fikricha, garchi Tojikiston hukumati AQSh bilan rishtalarni rivojlantirishga istasa-da, hukumat va aholi orasida rusparastlik kuchli.

Aholining ba’zi qismi arab davlatlaridagi notinchliklarga Amerika sababchi deb biladi, bu taqvodorlarga xos fikrlash, deydi tojik eksperti.

АQSh va Fransiya oliy o’quv yurtlarida ta’lim olgan Mirbarot Hoshimov Emomali Rahmonning Obamaga tabrigini muhim qadam deb hisoblaydi.

"Emomali Rahmon uchun AQSh hukumati, kongressmenlar bilan aloqani mustahlamlash juda zarur”,- deydi u.

Mirbarotning fikricha Afg’onistondan koalitsion kuchlar olib chiqilganidan keyin ham mintaqa Amerika diqqat markazida qoladi.

“Lekin Obamaga endi oson bo’lmaydi, negaki, Suriya masalasi turibdi, ularning ittifoqchisi bo’lgan Turkiya Assadga qarshi harakat qilmoqda. Banditlarga qurol bermoqda, odamlarni bekorga otib tashlamoqda, bu Obamaga minus”,- deydi yosh mutaxassis.

U yana shuni ham qayd etadiki, Amerikaning Tojikistonda Amudaryo irmog’i Panj daryosiga qurilgan ko’priklarni moliyalashtirgani katta yordam bo’ldi, ular haligacha soqliqni saqlash sohasida ko’mak ko’rsatib kelmoqda.

Ziyoli tadbirkor Barchinoy uchun Obamaning qayta saylanishi xushxabar bo'ldi.

Obama o’zi rejalagan ishlarni nihoyasiga yetkazishi zarur, deydi u. Afg’onistondan qo’shinlarni olib chiqish, Suriyadagi fuqarolar urushini bir yoqlik qilsih, mintaqadagi loyihalarni yakunlash shular jumlasidandir.

“Uning davrida nafaqat Tojikiston, balki butun Markaziy Osiyo davlatlari bilan Amerika aloqalari yanayam rivojlandi",- deydi u.

Barchinoy Tojikistonning chekka va tog’li qishloqlarida qizlar nafaqat o’qishdan qolib ketayotgani balki juda barvaqt turmushga chiqarilayotganini aytib, Obamaning Qohirada qilgan chiqishini yodga olarkan, uning faoliyatiga yuqori baho beradi.

“Qohirada ayollar huquqi haqida nutq qilgan kuni Obama yosh qizlarni albatta o’qitish kerak degandi. Tojikistonda chekka qishloqlarda qizlarga o’rta asrlardagidek muomala qilishadi. Obama nafaqat o’qitish balki, ish va dunyo ko’rish, hayotni anglash borasida yoshlarga keng yo’l ochish tarafdori, buni qadrlash kerak. Ishonasizmi yo’qmi, bu yerda Obamaga taqvadorlarning ham hurmati oshgan.”

Mirbarot singari yoshlar esa Obama siyosatida yangi avlodga nisbatan e’tibor kuchli ekanidan mamnun, ammo musulmon dunyosidagi tarang vaziyatda Amerika aybdor deb hisoblaydi.

“Otasi musulmon bo’lgan qora tanli Barak Obamaning qayta prezident bo’lishi Amerikaning g’alabasi desa ham bo’ladi. Lekin Iroqdagi urush, Liviyadagi ahvol, umuman arablarda bo’lgan qonli majorolarda amerikaliklarning aybi katta… Obamani yoshlarga keng yo’l berish siyosati, ish topish… ana shunday gaplari yoshlarga yoqadi, biz bunaqa prezidentlarga tarafdormiz. Obamaga chin dildan muvaffaqiyatlar tilayman.”
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Osiyolik muhojirlar - Amerika hayotii
X
18.12.2014 21:25
Immigratsiya va deportatsiya haqida gap ketganda, AQShda asosan latinolar tilga olinadi. Holbuki, 1,3 milliondan oshiq osiyolik noqonuniy muhojir bor.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Nangarhor viloyati, Afg'oniston
  • O'lgan rafiqasini topshirgisi kelmayotgan er, Xitoyning Liaoning viloyati
  • Massachussetts shtatida harbiy mashq
  • Keniyada hukumatga qarshi namoyishlar kuch bilan bostirildi
  • Ingliz shahzodasi Garri Lesoto davlatida bolalar bilan muloqotda
     
  • Italiya yangi yilga tayyor
  • Angliya ko'chalarida
  • Vladimir Putin xalq bilan muloqotda
  • Moskva
  • Sankt-Petersburg

Interaktiv

SAYTGA KIRISHNING XAVFSIZ YO’LI