Breaking News

Texasda yana bir odamda Ebola virusi aniqlandi


O'tayotgan haftada AQShning Texas shtati kasalxonasida bir bemor Ebola virusidan vafot etgan edi. Unga qaragan hamshira ham virusni yuqtirgani aniqlandi.

Sog'liqni saqlash mutasaddilariga ko'ra, kasalxona xodimi hozir alohida xonada saqlanib, tekshiruvlar o'tkazilmoqda. Uning ism-sharifi oshkor etilmayapti. Shunisi ma'lumki, Ebola bilan kasallangan bemorni davolayotganda u virusdan himoyalovchi maxsus kiyimda bo'lgan.

Infeksiya tarqalishining oldini olish uchun hamshira bilan ishlagan yoki muloqotda bo'lgan boshqa odamlarning sog'ligi ham kuzatuv ostida. Virus tarqalishiga hozirlik ko'rganmiz, deydi Texas rasmiylari.

Shu kunlarda Amerika aeroportlarida Afrikadan uchib kelgan yo'lovchilarni tekshirish yo'lga qo'yilmoqda. Liberiya, Sierra Leone va Gvineya - mana shu uch davlatda Eboladan minglab odam halok bo'lgan.

Nyuark, Vashington, Chikago va Atlanta aeroportlarida yo'lovchilar samolyotdan tushgan zahoti ularning harorati o'lchanadi. Britaniya ham o'xshash choralar ko'rishni boshlagan.

  • 16x9 Image

    Amerika Ovozi

    "Amerika Ovozi" - Vashingtonda asoslangan xalqaro teleradio, 45 tilda efirga chiqadi. O'zbek tilidagi ko'rsatuv va eshittirishlarda nafaqat xalqaro hayot balki siz yashayotgan jamiyatdagi muhim o'zgarishlar va masalalar yoritiladi. O'zbek xizmati AQSh poytaxtida olti kishilik tahririyatga va Markaziy Osiyo bo'ylab jamoatchi muxbirlarga ega.

XS
SM
MD
LG