Juma, 28-noyabr, 2014 Toshkent vaqti: 00:25

Amerika

O'zbekistonda yagona banjochi sozanda bilan suhbat

"Della Mae" guruhi bilan "Turkiston" saroyidagi uchrashuv chog'ida, Janna Kim (o'rtada)
"Della Mae" guruhi bilan "Turkiston" saroyidagi uchrashuv chog'ida, Janna Kim (o'rtada)

Multimedia

Audio
O’zbekistonda amerikacha blugrass va kantri musiqani sevib tinglovchilar ko’p, ammo uni ijro etadiganlar sanoqli. Bu janr uchun zarur torli soz banjoni chala oladigan esa bitta - xonanda va sozanda Janna Kim.



AQShda blugrass janrida qo’shiq kuylab tanilgan Della Mae ansambli o’tgan yil kuzida O’zbekiston va qo’shni yurtlarda bo’ldi.

Davlat departamenti Amerika madaniyatini xorijda tanitish uchun tashkil etgan sayohat edi bu.

Toshkentda Turkiston saroyidagi chiqish paytida qo’shiqchi qizlar butun mamlakatda yagona banjo ijrochisi Janna Kim bilan tanishib qoldi.

Professional musiqiy ta’lim olgan Janna kantri va blugrass usulida ashula aytadi, bastalaydi va konsertlar beradi.

“Men Estrada-sirk kollejini vokal yo’nalishida bitirganman. Muzika ham xobbiim, ham kasbim. Nima sababdan aynan Amerikaning kantri musiqasini sevishimni aniq aytolmayman. Bu tuyg’u bilan tug’ilgandekman", - deydi Janna Kim.

Kunlardan bir kun Toshkentdagi do’konlarning biridan eski banjoni xarid qildi. Uni chalishni ham, nechta tori bo’lishi kerakligini ham bilmasdi. Sekin-sekin bu soz haqida internetda ma’lumot izlab, chalishni o’rgana boshladi.

"Banjoda oltita emas, beshta tor bo’lishi kerakligini aniqlab, uni o’zgartirdim”, - deydi Janna Kim.

U Toshkentdagi maktablar, konservatoriyani aylanib, kantridan xabari bor padegoglarni qidirdi, lekin topa olmadi. Endigi niyati - Qo’shma Shtatlarga borib o’qish. Internet orqali butun dunyodan banjo sozandalari va kantri ijrochilari bilan tanishdi.

“Global tarmoqdagi forumlarda ular bilan ingliz tilida gaplashamiz. Aynan shu insonlarning qo’llab-quvvatlovi bois hozir rostmana banjom bor. Bu do’stlar pul to’plab turib, Amerikadan menga shunday noyob sovg’a yo’llashdi”, - deydi Janna.

Uning rok ansambli bor – Alyans guruhi to’rt kishidan iborat va ular uchun bu haqiqiy kasb, shu bilan kun ko’rishadi.

“To’ylarda, marosim, banketlarda qo’shiq ijro etamiz. Repertuarimiz, asosan, oddiy tinglovchiga ma’qul pop-musiqadan iborat. Kantri janrida chiqish qilishga harakat qilib ko’rdik bir necha bor, lekin hozircha bizning auditoriya ushbu yo’nalishga tayyor emas shekilli”, - deydi yosh xonanda.

Janna Kim hozir yangi musiqiy to’plam ustida ishlayapti va unda kantri hamda blugrass elementlari bor.

“Meni suyab yuborgan barcha do’stlar, ayniqsa, www.banjohangout.org saytidagi sozandalarga rahmat aytmoqchiman. O’zbekistonda yolg’iz o’zimga banjo chalish oson emas. Haqiqiy kantrichilarni o’z ko’zim bilan ko’rib tanishishni orzu qilib yurar edim. Nihoyat, o’tgan yili Della Mae ansambli bilan yuzlashib, boshim osmonga yetdi”, - deydi Janna Kim.



Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Ateistlar va cherkov - Atheist Church?i
X
27.11.2014 09:09
Odatda, xudoga ishonmaydigan odamlar dahriy deyiladi. Demak, ularning ibodatxonalarga borishini tasavvur qilish qiyin. Ammo ikki yil muqaddam britaniyalik ikki qiziqchi ateist uchun cherkov ochishga qaror qildi. Londonda boshlangan bu harakat hozir boshqa mamlakatlarga yoyilgan, xususan Amerikaga.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Shukronalik kuni 17-asr boshidan beri bayram qilinadi
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Kurka - Shukronalik kuni pishiriladigan asosiy taom
  • Bayram dasturxoni
  • Bayram oldidan va uning ketidan savdo qiziydi. Los-Anjeles.
  • Hamma oilasi bilan bo'lishga shoshadi. Vashington.
  • Hamma oilasi bilan bo'lishga shoshadi. Vashington.
  • Nyu-York vokzali
  • Nyu-York
  • Nyu-York
  • Bayramdan keyin savdo qiziydi. Los-Anjeles.
  • Bayram munosabati bilan uyga qaytayotgan harbiy. Mayami.
Fotogalereya

Fotogalereya Shukronalik kuni, Amerika - Thanksgiving Day in America

Noyabrning oxirgi payshanbasi Shukronalik kuni. Yangi vatandagi noz-ne'matlardan shukur qilgan, hosilidan rozi bo'lgan odamlar shunday bayramga asos solgan. Keyinchalik tub aholiga qarshi qonli urushlar olib borgan yevropalik kelgindilar boshida ular bilan bir dasturxondan non yegan. Hindu qabilalar o'z ovqatlarini tanishtirgan bo'lsa, kelgindilar ham o'z taomlarini tortgan. Kurka Shukronalik kuni asosiy taom hisoblanadi. Chunki bu parranda Amerikada serob bo'lgan.
Fotogalereya

Fotogalereya Amerikada Shukronalik kuni

Har yili noyabr oyining so'nggi payshanbasida o'tadigan bu bayram ko'pchilik amerikaliklar uchun oilaviy yig'ilish va kurkali taom demakdir.
Fotogalereya

Fotogalereya Bugungi dunyo, suratlarda

Jahonning turli burchaklaridan olingan antiqa fotolar - 26-noyabr, 2014

Interaktiv

SAYTGA KIRISHNING XAVFSIZ YO’LI