Shanba, 01-noyabr, 2014 Toshkent vaqti: 09:32

Siyosat

Tunisda ko’zga ko’ringan muxolifatchi o’ldirib ketilgan

Shokri Belaid, dunyoviy tuzum taradori, hukmron islomiy "Innah"da partiyasining tanqidchilaridan edi
Shokri Belaid, dunyoviy tuzum taradori, hukmron islomiy "Innah"da partiyasining tanqidchilaridan edi

Multimedia

Audio
Amerika Ovozi
Tunisda ko’zga ko’ringan muxolifatchi Shokri Belaid otib o’ldirilgani haqidagi xabar ketidan minglab odamlar isyon ko’targan. Radikal kuchlar demokratik jarayonlarni izdan chiqarmoqchi, degan qo’rquv bor.

Tunisda muxolifatchi o’ldirib ketilgan
Tunisda ko’zga ko’ringan muxolifatchi o’ldirib ketilgani
|| 0:00:00
...
 
🔇
X

Tunis poytaxti Tunis markazida tumonat odam. So’lchi siyosatchi Shokri Belaid o’limi jamoatchilik orasida g’azab hissini uyg’otgan. Namoyishchilar ikki yil oldin prezident Zaynobiddin bin Alini taxtdan ag’dargan qo’zg’olondan keyin saylangan rahbarlar ketsin, demoqda. Inqilob va siyosiy o’zgarishni nisbatan tinch o’tkazgan davlat diniy adovat girdobiga tortilishi mumkin, degan vahima bor.
 
Muxolifat yetakchisi, dunyoviy tuzum tarafdori Shokri Belaid poytaxt Tunisda uyi yonida otib ketilgan. Prezident Monsef Marzuki bu voqea bois Misrga safarini qoldirgan.
 
Fransiyada Yevropa parlamenti oldida so’zlagan Marzuki nazarida Tunisdagi xalq inqilobi va uning muvaffaqiyatini ko’rolmaydigan kuchlar bor. Prezident Belaidni “qadrdon do’stim” deya ta’riflab, unga uyushtirilgan suiqasdni tandiq qildi.
 
Inqilobning dushmanlari sodir etgan bu qabih ish mamlakatni cho’chita olmaydi, deydi Tunis rahbari. Marzukiy o’tgan oy islomiy kuchlar va dunyoviy tuzumga xayrixohlar ixtilofi mamlakatni fuqarolik urushiga yetaklashi hech gapmas, deya ogohlantirgan edi.
 
Siyosiy partiyalar, jumladan, hukmron islomiy “Innahda” partiyasi muxolifatchiga hujumni qoralab chiqqan. Hokimiyatdagi partiya raisi Rashid G’annuchi fikricha, qotillar Tunisni “qonga botirmoqchi”.
 
Tanqidchilar va, hatto, marhumning oilasi voqeada ochiqchasiga “Innahda” partiyasini ayblayapti. Belaid hayot paytida hukmron partiyani o’zining ektremist a’zolarini tiya olmaganlikda va oppozitsiyani bosimga olishda ayblagan.
 
Mavjud fikr shuki, radikal kuchlar Tunisni beqarorlik domiga itarmoqchi; rahbariyat esa beparvo, sust, deb hisoblaydi Belaidning yaqin safdoshi Muxtor Jaloliy. Oppozitsiya qasos olishini aytib, po’pisa qilgan.
 
“Arab bahori”ning beshigi sanalgan Tunis qo’shni Liviya va Suriyadan farqli ravishda qon to’kishlarni chetlab o’tishga muvaffaq bo’lgan edi.
 
Lekin Shimoliy Afrikadagi bu davlat bugun siyosiy tortishuvlar, zo’ravonlik va ishsizlik kabi muammolar bilan yuzlashmoqda.

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI