Juma, 29-avgust, 2014 Toshkent vaqti: 19:01

Xalqaro

Turkiya hali beri Yevropa Ittifoqiga kirmaydi

Amerika Ovozi
Anqara Yevropa Ittifoqiga nisbatan tanqidni oshirib, Turkiyaning blokka kirishini ataylab paysalga solayotganlikda ayblamoqda. Ittifoqning 2012-yil oktabr oyida chiqargan xulosalariga javoban Anqara o’z tahlilnomasini e’lon qildi. Masala murakkab, ammo Turkiyaning a’zolikka umidi so’nmagan.

Yangi yil kirishi bilanoq Anqara Bryusselga o’z hisobotini yubordi. Yevropa Ittifoqi da’vo qilganidek, mamlakatda inson huquqlari bilan bog’liq ahvol orqaga ketayotgani yo’q, deyiladi unda.
 
Turkiya Tashqi ishlar vazirligi so’zlovchisi Seljuq Unal Yevropa Ittifoqining qaysarligi jonga tegdi, deydi.

Hali u bahona, hali bu bahona, siyosiy nayranglar bilan band, deydi diplomat. “A’zolik uchun muzokara juda sust. 18 band bo’yicha umuman gaplashmayapmiz, chunki Bryussel ularni cheklab qo’ygan. Fransiya olti band, Kipr ham olti band yuzasidan muzokara qilmoqchi emas”,- deya noliydi Seljuq Unal. 
Yevropa Ittifoqiga kirish uchun harakatlar rasman 2005-yilda boshlangan, lekin Turkiya diplomati aytganidek, jarayon juda sekin. Faqat bir band borasida kelishuvga erishilgan xolos.
 
Fransiya, Germaniya, Avstriya va boshqa yirik a’zo mamlakatlarda siyosiy liderlar Turkiyaning blokka kirishiga qarshi.
 
Lekin Istanbuldan siyosatshunos olim Soli Ozel deydiki, ittifoq boshqaruvi Irlandiya qo’liga o’tar ekan, aloqalar ancha iliqlashishi mumkin. 
 
“Irlandiya raislik qilayotgani ayni muddao. U Turkiya bilan yaxshi aloqada. Turklar va irlandlar bir-birini yoqtiradi, shu bois a’zolik uchun muzokaralar olg’a siljisa ajabmas.”
 
Anqaraning yana bir umidi shuki, Fransiyaning yangi rahbari Fransua Olland Turkiyaga nisbatan avvalgi prezident Nikolya Sarkozi singari keskin pozitsiyada emas.
 
“Biz Yevropa Ittifoqidagi hamkorlarimiz bilan so’zlashishda davom etamiz, harakatni susaytirmaymiz. Konkret natijalar haqida hozir biror narsa deyish qiyin”,- deydi turk diplomati Seljuq Unal.

Istanbuldagi Edam tahlil instituti olimi Sinan Ulgen fikricha Anqara ham bugun Yevropa Ittifoqiga nisbatan yangicha siyosat yuritmoqda.

“Arab bahori vaziyatni murakkablashtirib, mintaqa davlatlari uning ta’sirini seza boshlagan. Turkiya buni tan olib, G’arb bilan hamkorlikni mustahkamlash payida, ham xavfsizlik jihatidan, ham iqtisod bobida. Siyosiy ittifoqchilikni ham kuchaytirmoqchi. Vashington va Bryussel bilan muloqot kengayganining asosiy sababi shu”.
 
Turkiya iqtisodi barqaror ekan, moliyaviy qiyinchiliklar domida yashayotgan Yevropa Ittifoqi u bilan sheriklikdan faqat naf ko’radi, deydi ekspertlar.
 
Blok nazarida Turkiyaning a’zolikka kirish yo’lidagi asosiy to’siq bu inson huquqlari bilan bog’liq vaziyat talabga javob bermasligidir. Qamoqxonalardagi holat, so’z va matbuot erkinligi, xotin-qizlarga munosabat, ozchilikdagi elatlarning huquqlari… Ittifoq o’zining so’nggi hisobotida bu boradagi muammolarga urg’u beradi.

Turkiya hali beri Yevropa Ittifoqiga kirmaydi/Navbahor Imamova
Turkiya hali beri Yevropa Ittifoqiga kirmaydi/Navbahor Imamovai
|| 0:00:00
...
 
🔇
X
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Amerika tarixidan hikoyalar - US Civil War, Colored Troopsi
X
29.08.2014 11:39
1861-1865-yillarda AQSh fuqarolar urushida Shimoliy shtatlar quldorlik tizimini saqlab qolmoqchi bo’lgan Janub bilan olishgan. Ba’zilar urushda qora tanlilar ham qatnashganini bilmaydi. 1862-yilda ozod etilgan qullarga armiya safiga qo’shilishga ruxsat berilgan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Madagaskar
  • Argentina
  • Ekvador
  • Nevada shtati, AQSh
  • Angliya
  • Kashmir va Jammu shtati, Hindiston
  • Kuala Lumpur, Malayziya
  • Pokiston
  • Pokiston
  • Venetsiya, Italiya
  • Jarrohlik orqali yuzini qayta tiklanayotgan xitoylik
  • Guangdong viloyati, Xitoy
Fotogalereya

Fotogalereya Kaliforniya shimolida zilzila, 6 balda

24-avgust kuni Kaliforniya shtati shimolida yer qimirladi. Uning kuchi 6 balni tashkil etgan. Hududda azaldan zilzila ehtimoli yuqori. Binolar vayron bo'lgan, yong'inlar va elektr tarmoqlarida uzilish kuzatilgan. Hech kim o'lmagan. Lekin tunda yuz bergan tabiiy ofat aholi orasida katta vahima uyg'otgan. Zilzila ayniqsa Napa shahrida qattiq sezilgan.
Fotogalereya

Fotogalereya O'zbek shoirasi Zulfiya Boboyeva xonadonida - Tojikistonning Mujun qishlog'idan fotolavha

Tojikiston aholisining 24 foizi, ikki millondan ortig’ini o’zbeklar tashkil etadi. Ular orasida yuzdan ortiq shoir va ijodkorlar bor. Respublika shimolining O’zbekiston va Qirg’iziston bilan chegaradosh G’onchi nohiyasining so’lim Mujun qishlog’ida o’zbek adabiyotining yorqin yulduzlaridan biri, shoira Zulfiya Boboyeva yashaydi. So’g’d viloyat o’zbeklar ma’naviyat va ma’rifat markazi tashabbusi va G’onchi nohiyasi raisi Zafar Ismoilzodaning joriy yil 30-iyulidagi qarori bilan Tojikiston yozuvchilar uyushmasi a’zosi, Maftun Jo’ra nomidagi adabiy mukofot laureati Zulfiya Boboyevaning 60 yoshlik yubiley tantanalari bo'lib o'tdi. Tadbir uning xonadonida kechdi. Shoira yura olmaydi. Boshlang’ich maktabda o'qib yurganidan beri aravachaga mixlanib qolgan. Ijod uning hayoti mazmuniga aylangan. Yosh qizaloq she'rga havas qo’yib, mustaqil o’qib o’rganadi, ma’lumotli bo’ladi. O’zining she’riy satrlarida bitganidek: Bo’ldilar she’rim bayotim-sabrim saodati, Yo’g’rildi shu sabab ishqqa ko’nglimning toati!
Fotogalereya

Fotogalereya Tripolidagi xalqaro aeroport jangarilar qo'liga o'tdi

Muxolifatdagi islomiy guruhning qurollangan vakillari Liviya poytaxti Tripolidagi xalqaro aeroportni egallab oldi. Ular amaldagi parlament faoliyatini noqonuniy deb hisoblab, avvalgi Milliy Kongressning qayta tiklanishini talab qilmoqda.
Fotogalereya

Fotogalereya Donetskda o'ziga xos parad

Ukraina mustaqillik bayramini nishonlar ekan, sharqda bo'lginchilar asirdagi askarlarni ko'chalardan namoyishkorona olib o'tishdi
Fotogalereya

Fotogalereya Isroil va XAMAS o'rtasida yana otishma boshlandi

Qohiradagi muzokaralar muvaffaqiyatsiz yakunlangach, vaqtinchalik sulh tugashi bilan Isroil va XAMAS o'rtasida yana otishma boshlanib ketdi.

Interaktiv

SAYTGA KIRISHNING XAVFSIZ YO’LI