Payshanba, 23-oktyabr, 2014 Toshkent vaqti: 02:37

Xalqaro

Turkiya-Eron aloqalari yanada sovuqlashishi mumkin

Eron prezidenti Mahmud Ahmadinejod (o'ngda) Turkiya Bosh vaziri Rajab Toyib Erdog'an bilan Istanbulda uchrashmoqda, 9-may, 2011-yil.
Eron prezidenti Mahmud Ahmadinejod (o'ngda) Turkiya Bosh vaziri Rajab Toyib Erdog'an bilan Istanbulda uchrashmoqda, 9-may, 2011-yil.
Amerika Ovozi
NATOning Turkiya-Suriya chegarasida raketaga qarshi “Patriot” mudofaa tizimini o’rnatish rejasi Eron noroziligiga uchradi. Rasmiy Anqaraga Tehronning bu ishi yoqmadi. Bu usiz ham sovuq ikki tomonlama munosabatlarni yanada taranglashtirdi.

Turkiya Tashqi ishlar vaziri Ahmat Dovuto’g’li Eronga xavotir olmaslikni tavsiya qildi.

"“Patriot” tizimini tanqid qilishdan oldin Tehron Suriya hukumatiga o’z xalqiga qarshi zulmni to’xtatishni, Turkiya chegarasini buzishni bas qilishni tayinlasa yaxshi bo’lar edi", - dedi vazir.

Tehron nazarida sistema Uchinchi jahon urushiga turtki berishi mumkin. Eron prezidenti Mahmud Ahmadinejod shu hafta Turkiyada rejalangan diniy festivalga borish rejasidan qaytdi.

Suriya mojarosi ikki davlat aloqalarini sovuqlashtirdi. Ma’lumki, Tehron Suriya prezidenti Bashar al-Assadni, Turkiya esa unga qarshi kurashayotgan isyonchilarni qo’llab-quvvatlamoqda.

Istanbuldagi “Edam” tadqiqot instituti rahbari Sinan Ulgenning aytishicha, Anqara sobiq ittifoqchisi bilan masalani oydinlashtirmoqchi edi, ammo Ahmadinejod Turkiyaga safarini bekor qilib, bunday imkoniyatni boy berdi.

"Turkiya fursatdan foydalanib Eron bilan Suriya kelajagini muhokama qilmoqchi edi. Tehron Assadni qo’llab-quvvatlasa-da, undan keyingi tizim qanday bo’lishiga befarq emas. Har ikki tomon Suriyaning barqaror bo’lishidan manfaatdor", - deydi tahlilchi.

Ahmadinejod tashrifining so’nggi daqiqada qoldirilganiga Tehron hali rasmiy sabab ko’rsatmadi. Eronda ishlagan turkiyalik sobiq diplomat Murat Bilxanning aytishicha, Ahmadinejod Turkiya bilab hamkorlikka qarshi kuchlar bosimiga uchragan bo’lishi mumkin.

"Ichki qarama-qarshiliklar mavjud, deb o’ylayman. Eron rahbari Turkiyaga boraman deb turgan bir paytda islomiy respublika harbiylarining qo’shni davlatga do’q-po’pisa qilishi qiziq bir holat", - deydi Bilxan.

Kuzatuvchilar nazarida Ahmadinejod Anqara uchun qulay, gaplashsa bo’ladigan siyosatchi. Turkiya Bosh vaziri Rajab Toyip Erdog’an o’tmishda uni “do’st” deb atagan.
Tahlilchi Sinan Ulgen Eron ichki siyosatida o’zgarishlar kutilmoqda, deb Turkiya hukumatining Tehron bilan Suriyaga doir diplomatik harakatlari ayni damda samara bermasligi haqida ogohlantirmoqda.

"Keyingi prezident saylovlari Eronda 2013-yilga rejalangan. Yangi rahbar diniy yetakchiga yaqin, Ahmadinejoddan konservativroq bo’ladi, demak u bilan gaplashish, kelishish qiyinroq bo’ladi, deb o’ylayman", - deydi Ulgen.

Vashington Turkiyadan Eron yadro dasturi bois bu mamlakatga nisbatan sanksiyalarni qo’llashni talab qilar ekan, Anqara-Tehron aloqalari yanada sovuqlashishi kutilmoqda.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Karter prezidentligi haqida kitob va spektakl - Thirteen Days in Septemberi
|| 0:00:00
...
 
🔇
X
22.10.2014 11:59
1978-yilda prezident Jimmi Karter vositachiligida Isroil va Misr tinchlik bitimi imzolagan. Biroq bu muvaffaqiyatga Tehrondagi mashmasha soya solgan. Islomiy inqilobchilar Amerika diplomatlari garovga olib, ularni bir yildan uzoq paytda asir sifatida ushlab o'tirgan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Ottava

  • Ottava

Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.
Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.
Fotogalereya

Fotogalereya Shimoliy Koreya rahbari ommaga ko'rindi

Ikki oydan beri jamoatchilikka ko'rinmagan Kim Chen Unning yangi suratlari paydo bo'ldi. Ularni Shimoliy Koreya Markaziy Axborot Agentligi tarqatmoqda.

Interaktiv

SAYTGA KIRISHNING XAVFSIZ YO’LI