Shanba, 01-noyabr, 2014 Toshkent vaqti: 06:04

Yaqin Sharq

Tahlilchilar Turkiyada NATO mudofaa tizimini o'rnatish masalasida hamfikr emas

AQShning Polshada o'rnatilgan raketa hujumiga qarshi "Patriot" mudofaa tizimi.
AQShning Polshada o'rnatilgan raketa hujumiga qarshi "Patriot" mudofaa tizimi.

Multimedia

Audio
Amerika Ovozi
Turkiya NATOdan Suriya bilan chegarada havo mudofaasi tizimini o’rnatishni so’ragan. NATO bugun-erta shu masala bo’yicha qaror chiqarishi kutilmoqda. Anqara uchun bu ham harbiy, ham diplomatik ahamiyatga ega mavzu. Rossiya va Eron tizimga qarshi.

Turkiya Suriyani uning hududi tomon o’q otganlikda ayblab, NATO a’zosi sifatida alyansdan raketaga qarshi “Patriot” mudofaa tizimini chegaraga qo’yishni so’ragan. Turkiyalik jurnalist Semix Idizning aytishicha, Anqara suriyalik isyonchilarni qo’llab-quvvatlar ekan, Assad hukumati unga hujum qilishidan xavotirda.

"Turkiya Suriyada ahvol izdan chiqib, Assad unga qarshi kimyoviy yoki ballistik raketa ishlatishidan tashvishda. NATOdan mudofaa tizimini so’rash harbiy qaror bo’lgan, siyosiy emas", - deydi Idiz.

Biroq Anqara NATOdan yordam so’rab, Eron va Rossiyani xavotirga soldi. Ular Turkiyani provokatsiyada ayblab, qarorini tanqid qildi. Ammo NATO Bosh kotibi Anders Fog Rasmussenning aytishicha, Rossiyaning masalaga aralashishga haqqi yo'q.

"Buni NATO hal qiladi", - dedi u.

Rasmussen masala ijobiy hal etilishiga va Turkiyaning iltimosi qondirilishiga ishonch bildirmoqda.

"Tizim NATO boshqaruvi ostida o'rnatiladi va ishlatiladi", - dedi alyans rahbari.

Tahlilchilar nazarida sistemaning o’rnatilishi Suriya harbiy samolyotlari parvozini taqiqlash yo’lidagi birinchi qadam bo’lishi mumkin. Biroq Turkiya Bosh vaziri Rajab Toyip Erdog’anning aytishicha, tizim mudofaa uchun, xolos.

"Turkiya ehtiyot choralarini qo’llar ekan, buning ortida boshqa hech bir maqsad ko’rishga harakat qilmang. Bu choralar yolg’iz mudofaani nazarda tutadi", - deydi Erdog’an.

NATO Anqara iltimosini qondirsa, nechta “Patriot” raketasi bilan ta’minlashi ma’lum emas.

Mudofaa masalalari bo’yicha ekspert, anqaralik jurnalist Mixan Demirning aytishicha, NATO raketalaridan 900-kilometrlik Turkiya-Suriya chegarasini himoya qilishda uncha foyda yo’q. Shunga qaramay bu qadamning o’ziga yarasha ahamiyati bor, deydi muxbir.

"Raketalar, shunchaki, ramziy ma’noga ega. Suriyaga “Turkiya yolg’izmas, NATO va unga a’zo davlatlar u bilan” degan ma’noda ishora qilish uchun", - deydi Demir.

Istanbuldagi Okan universitetida Xalqaro aloqalar fakulteti rahbari Mustafo Kibrao’g’lining aytishicha, NATO raketalarining turk chegarasida o’rnatilishi kutilmagan oqibatlarga olib kelishi mumkin. Bu NATO strategik siyosatida katta o’zgarish degani, deydi ekspert.

"Yevropa davlatlari Yaqin Sharq masalasida Turkiya bilan birdam ekanini namoyish etishdan hamisha qochib kelgan. Biroq hozir ilk bor buning teskarisiga guvoh bo’lyapmiz. Aksincha, ayrim hollarda shijoat bilan Anqarani qo’llab-quvvatlamoqda. Buning sababi faqat Suriyadagi mojaro emas, balki Isroil va Eron, deb o’ylayman. Eron yadro dasturi va Isroilning Eron atom inshootlariga hujum qilish haqidagi do’q-po’pisalari", - deydi Kibrao’g’li.

Mutaxassis taxminiga ko’ra, NATO Turkiyada mudofaa tizimini o’rnatishga qaror qilsa, bitim bir necha yilgacha amal qilishi mumkin. NATO so’nggi bor Turkiyaga
“Patriot” raketalarini 1990-yillar boshida Fors ko’rfazidagi birinchi urush paytida yetkazib, Iroq chegarasi bo’ylab o’rnatgan edi.

Bugun NATO rasmiylari tizim o’rnatilishi rejalanayotgan joylarni ko’zdan kechirish uchun Turkiya janubi-sharqiga borgan. Rasmussen sistema yaqin kunlarda o'rnatilishi mumkinligiga ishora qildi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI