Juma, 28-noyabr, 2014 Toshkent vaqti: 03:56

Xalqaro

Turkiya va Rossiya tashqi siyosatda kelisha olmasada, savdo zo’r

Multimedia

Audio
Amerika Ovozi
Rossiya prezidenti Vladimir Putin 3-dekabr kuni Turkiyaga safar qiladi. Ikki mamlakat Suriya mojarosini hal etish borasida har xil fikrda.


Prezident Bashar al-Assad Rossiyaning yaqin ittifoqchisi, Turkiya esa Assadga qarshi kurashayotgan isyonchilarni qo’llab-quvvatlaydi. Shunga qaramasdan, ikki tomonlama savdo hajmi oshib bormoqda.

Turkiyaga bir kunlik safari chog’ida Vladimir Putin Bosh vazir Rajab Toyib Erdog’an bilan muloqot qilishi kutilmoqda.

“Hurriyat” gazetasi muxbiri Semih Idiz so’zlariga ko’ra, ikkala rahbar bir-birini juda yaxshi taniydi. Lekin so’nggi payt Erdog’an Moskvani Suriya yuzasidan keskin tanqidga olayapti.

“Erdog’anning partiyasi Eron va Rossiyani sitamgarning sheriklari deya, zolimlar bir kun kelib qilmishi uchun javob beradi deb ogohlantirgan. Turkiya va Rossiya bu masalada qarama-qarshi pozitsiyada ekani ayon va kelajakda bu ko’p tortishuvlarga olib keladi”, - deydi jurnalist. 

Shu yilning oktabrida Turkiya havo kuchlari Moskvadan Damashqqa uchayotgan yo’lovchi samolyotni Anqarada qo’nishga majburlagan edi. Samolyotda qurol-yarog’ bo’lgani da’vo qilingan, lekin buni isbotlovchi dalillar ommaga ko’rsatilmadi.

Yaqinda esa Turkiya NATOdan “Patriot” rusumidagi raketalarni so’ragani uchun Kremldan dakki eshitdi. Mamlakatni Suriya hujumlaridan himoya qilish uchun kerak bu raketalar, deydi rasmiylar.

Rossiya rahbarining safari oldidan Bosh vazir Rajab Toyib Erdog’an biroz yumshab, Suriya mojarosiga yechim topishda Moskva yetakchi rol o’ynashi mumkin, deya bayon qildi.

Istanbuldagi Edam tadqiqot instituti rahbari Sinan Ulgen fikricha, Turkiya tushunib turibdiki, agar Rossiya o’z pozitsiyasini o’zgartirmasa Suriyada ahvol o’zgarmaydi. Prezident Bashar al-Assad hokimiyatda hali uzoq vaqt qoladi. 

Rossiya birdaniga ittifoqchisidan voz kechishi amri mahol, lekin deydi kuzatuvchilar, Assaddan sekin-asta yuz o’girayotgani seziladi.  

Turkiyaning istagi – Moskva rahbariyati Suriyaga gumanitar ko’mak yetkazish operatsiyalariga yo’q demasin, BMT Xavfsizlik Kengashida sanksiyalar muhokamasiga qo’shilsin. Kengashning doimiy a’zosi sifatida Rossiya Suriyaga sanksiya qo’yish borasidagi rezolyutsiyalarga uch marotaba veto qo’ygan.

Yuqorida tilga olingan kelishmovchiliklar ikki davlat o’rtasidagi savdoga ta’sir etmayapti. Siyosatshunos Soli Ozelning aytishicha, Erdog’an va Putin uchrashuvida tijorat asosiy masalalardan biri.

“Rossiya Turkiyaga ilk yadro reaktorini qurishda yordamlashyapti, so’ngra ikkinchisini yaratish rejalangan. Enertegika eng muhim mavzulardan”, - deydi Ozel.

Vladimir Putinning safari davomida savdo bilan bog’liq qator bitimlar imzolanishi kutilyapti. Jurnalist Semih Idiz nazarida, bu aloqalar kuchli ekanidan nishona.

“Munosabatlarning pastu-balandi bor, tomonlar buni tushunadi. Savdo-sotiqni yanada oshirish ko’zlangan. Suriya tufayli davlatlar bir-biridan yuz o’girmaydi, lekin aloqalar izdan chiqmasligi uchun har ikki taraf harakat qilishi kerak”.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Ateistlar va cherkov - Atheist Church?i
X
27.11.2014 09:09
Odatda, xudoga ishonmaydigan odamlar dahriy deyiladi. Demak, ularning ibodatxonalarga borishini tasavvur qilish qiyin. Ammo ikki yil muqaddam britaniyalik ikki qiziqchi ateist uchun cherkov ochishga qaror qildi. Londonda boshlangan bu harakat hozir boshqa mamlakatlarga yoyilgan, xususan Amerikaga.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Shukronalik kuni 17-asr boshidan beri bayram qilinadi
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Kurka - Shukronalik kuni pishiriladigan asosiy taom
  • Bayram dasturxoni
  • Bayram oldidan va uning ketidan savdo qiziydi. Los-Anjeles.
  • Hamma oilasi bilan bo'lishga shoshadi. Vashington.
  • Hamma oilasi bilan bo'lishga shoshadi. Vashington.
  • Nyu-York vokzali
  • Nyu-York
  • Nyu-York
  • Bayramdan keyin savdo qiziydi. Los-Anjeles.
  • Bayram munosabati bilan uyga qaytayotgan harbiy. Mayami.
Fotogalereya

Fotogalereya Shukronalik kuni, Amerika - Thanksgiving Day in America

Noyabrning oxirgi payshanbasi Shukronalik kuni. Yangi vatandagi noz-ne'matlardan shukur qilgan, hosilidan rozi bo'lgan odamlar shunday bayramga asos solgan. Keyinchalik tub aholiga qarshi qonli urushlar olib borgan yevropalik kelgindilar boshida ular bilan bir dasturxondan non yegan. Hindu qabilalar o'z ovqatlarini tanishtirgan bo'lsa, kelgindilar ham o'z taomlarini tortgan. Kurka Shukronalik kuni asosiy taom hisoblanadi. Chunki bu parranda Amerikada serob bo'lgan.
Fotogalereya

Fotogalereya Amerikada Shukronalik kuni

Har yili noyabr oyining so'nggi payshanbasida o'tadigan bu bayram ko'pchilik amerikaliklar uchun oilaviy yig'ilish va kurkali taom demakdir.
Fotogalereya

Fotogalereya Bugungi dunyo, suratlarda

Jahonning turli burchaklaridan olingan antiqa fotolar - 26-noyabr, 2014

Interaktiv

SAYTGA KIRISHNING XAVFSIZ YO’LI