Payshanba, 18-dekabr, 2014 Toshkent vaqti: 04:10

Yaqin Sharq

Suriya isyonchilarga qarshi ballistik raketa qo’llayapti

Multimedia

Audio
Amerika Ovozi
Bugun Suriya poytaxti Damashq yaqinida ro’y bergan portlashda 16 kishi halok bo’ldi. Hukumat isyonchilarni “Skad” rusumidagi raketalar bilan nishonga ola boshlagan.


Sal avval Turkiya o’zini qo’shni davlat hujumlaridan mudofaa etish uchun NATOdan yordam so’ragan edi. So’nggi ma’lumotlar harbiy blokni shoshilinch chora ko’rishga undashi mumkin.

Suriya armiyasi muxolifatga qarshi ballistik raketalar qo’llay boshlagani qariyb ikki yildan beri davom etayotgan mojaroda burilish nuqtasi deb ko’rilmoqda. 

Anqaraning xavotiri shu ediki, Bashar al-Assad ma’muriyati Rossiya ta’minlagan raketalarni Turkiyaga yog’dirishi mumkin. Bu davlat yuzlab ming qochqinlarga boshpana bergan, shuningdek, isyonchilarga madad ko’rsatib keladi. 

Harbiy tahlilchi Ben Gudladning aytishicha, Suriya 800 kilometr masofaga ucha oladigan 550 “Skad” raketasiga ega. 

O’tgan hafta NATO davlatlari Turkiya janubi-sharqida “Patriot” rusumidagi mudofaa sistemalarini o’rnatish haqida kelishib oldi. Ular Germaniya va Niderlandiyadan olib kelinadi.

AQSh bu operatsiyada qay darajada ishtirok etayotgani hozircha noma’lum. Obama ma’muriyati yaqin kunlarda buni e’lon qiladi.

NATO rasmiylariga ko’ra, raketalarni Turkiyaga yetkazish xarajatlarini ularni yuborayotgan tomonlar qoplaydi. Sistemani boshqarish uchun safarbar etiladigan yuzlab xorijiy askarlarni uy-joy bilan ta’minlash esa Anqara bo’ynida.  

NATO mutaxassislari yaqinda Turkiya janubi-sharqida bo’lib, raketalar joylashtiriladigan hududlarni belgilab olgan.

Tahlilchi Ben Gudlad fikricha, ularning bir qismi Suriya chegarasidan 100 kilometr naridagi yirik shahar Diyorbakirda o’rnatilishi turgan gap. 

“Patriot” mudofaa sistemasi 20 kilometr uzoqlikdagi raketalarni, shuningdek, dushman samolyotlarini urib tushirishga mo’ljallangan. NATO harakatlari Rossiya tomonidan agressiv deb ko’rilmasligi uchun, deydi suhbatdosh, vositalar chegarada emas balki Turkiya hududida, ichkariroqda joylashtiriladi.

Bu orada, Rossiya Bashar al-Assad ma’muriyati tobora kattaroq hududlar ustidan nazoratni boy berayotganini ilk bor tan oldi.

“Urush muxolifat g’alabasi bilan tugashi ehtimoldan xoli emas”, - deydi Rossiya Tashqi ishlar vaziri o’rinbosari Mixail Bogdanov.

Rossiya Suriyaning eng yaqin ittifoqchisi bo’lib, chet davlatlar mojaroga aralashmasin deb keladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQSh armiyasidagi jinsiy tajovuz hollari - US military sexual assaultsi
X
17.12.2014 21:48
Prezident Barak Obama talabiga ko'ra tayyorlangan hisobotga ko’ra, so’nggi ikki yilda AQSh qurolli kuchlarida jinsiy tajovuz hollari kamaygan. Ammo Pentagon hamon keskin bosim ostida, chunki muammo chuqur, uni hal etish tub o'zgarishlar taqozo etadi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ispaniyada terrorizmga qarshi kurash: Suriya va Iroqdagi jangarilarga xizmat qilish uchun ayol yollayotgan shaxs hibsga olingan
  • Tolibon 140 dan oshiq odamni o'ldirdi - Peshavor, Pokiston
  • Sidney kafesidagi fojia ketidan Avstraliya motamda
  • Tbilisi, Gruziya
  • Kambodjada diniy bayram
  • Fransiya
  • Hindiston jinsiy tajovuzga uchrab halok bo'lgan ayollarga motam tutmoqda
  • Nyu-York

Interaktiv

SAYTGA KIRISHNING XAVFSIZ YO’LI