Chorshanba, 22-oktyabr, 2014 Toshkent vaqti: 09:43

Markaziy Osiyo

Turkmaniston hamon mutlaq diktatura, deydi surgundagi muxolifat

Ashgabat
Ashgabat

Multimedia

Audio
Turkmanistonda yangi siyosiy partiyalar faoliyatiga ruxsat berilayotgani chetdan ijobiy baholansa-da, surgundagi muxolifat biror o’zgarish bo’lishiga ishonmaydi.

Turkmaniston Sanoatchilari va Tadbirkorlari Ittifoqi nomi ostida tashkil qilingan yangi partiya demokratiya uchun emas, mavjud diktatura manfaatlari uchun xizmat qiladi, deydi “Amerika Ovozi” bilan suhbatlashgan faollar.

Turkmaniston hukumati ham qo’shni O’zbekistondagi singari xalqaro jamaoatchilikni “ko’ppartiyaviylik o’yini” bilan chalg’itmoqda, deydi ular.

Mutlaq diktator deb atalgan Saparmurod Niyozov olti yil oldin vafot etgach hukumatga kelgan Qurbonguli Berdimuhammedov avvaligi erkinlik va oshkoralik va’da qildi, ammo tuzum avtoritar ko’rinishda qoldi.
 
Turkmaniston muxolifati Berdimuhammedovni Niyozov merosxo’ri sifatida ko’radi va prezidentning demokratik o`zgarishlar haqidagi bayonotlariga umuman ishonmaydi.
 
Yangi siyosiy partiya hech qanday yangilikdan dalolat bermaydi, deydi Nurmuhammad Xanamov, muxolifatdagi “Respublika”partiyasini yetakchisi, tazyiqlar tufayli mamlakatni tark etgan siyosatchi.
 
“Berdimuhammedovning o’zi aytayapti, “partiyani biz tuzamiz” deb. Mustaqil siyosiy partiya hukumat tomonidan emas, haqiqiy tashabbuschilar tomonidan tuzilishi kerak.  Bu partiya tepadan hukumat nima desa, shuni qiladi”, - deydi u.
 
Nurmuhammad Xanamov deydiki, Berdimuhammedov bu qadamlari bilan xalqaro jamoatchilikka qandaydir demokratik o`zgarishlar boshlanayapti degan ishorani bermoqchi, lekin haqiqatda bu na erkinlik va na inson huquqlari ahvoli yaxshilanishi uchun xizmat qiladi.  
 
“Turkmaniston boshqaruvda hozirgacha faqat bitta siyosiy partiyadan iborat bo`lib qolayotgan davlat. Berdimuhammedov bir partiyali davlat degan nomdan  qutulishni istayotgandir ehtimol…”, - deydi u.
 
Turkmanistonda mustaqil tashkilot degan narsa yo’q. Hukumatni tanqid ostiga olganlar qamoqda yoki quvg`inda.  
 
Muxolifatning so’nggi vakillari mamlakatni 2002-yilda Saparmurod Niyozovga uyushtirilgan suiqasd bahonasida kuchaygan tazyiqlardan so’ng tark etgan.
 
“Vaziyat xuddi O`zbekistondagi kabi qolmoqda, faqat nisbatan og'irroq”,- deya baholaydi Nurmuhammad Xanamov.  
 
Turkmanistonga chetdan biror jurnalist kirishi amri mahol. Erkin fikr degan tushunchaning o’zi yemirib tashlandi, deydi muxolifatchi. O’nlab faollar daraksiz ketgan, izsiz yo’qolgan, deydi u.
 
Ta’kidlash joiz, Turkmaniston siyosiy jihatdan betaraf davlat. Lekin amaldagi rahbar xalqaro maydonda faol rol o’ynash, siyosiy muloqotni rivojlantirish tarafdori ekanini aytib keladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Karter qanday prezident bo'lgan? Carter Legacyi
X
21.10.2014 23:59
AQSh sobiq prezidentlari orasida eng uzoq umr ko’rgan arbob - Jimmi Karter. 1981-yilda Oq uydan ketganidan beri jamoat ishlarida faol. 2002-yilda Tinchlik uchun Nobel mukofotini olgan. O'z tahlil markazini boshqaradi, dunyo kezadi, mojarolarni hal etishga harakat qiladi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Turkiya... Suriyalik qochqinlar

  • Suriyaning Kobani uchun janglar davom etmoqda

  • Quvayt

  • Hindiston

  • Haydarobod, Hindiston

  • Nepal bozorlarida

  • Gonkongda namoyishlar tinmagan

  • Xitoy

  • Xitoy

  • Indoneziyada yangi prezident - Joko Vidodo

  • Filippin

  • Keniya

  • Shotlandiya

  • Angliya

  • Fransiya hayvonat bog'ida

  • Portugaliya

Fotogalereya

Fotogalereya Joko Vidodo, Indoneziya prezidenti qasamyod keltirdi

Indoneziyaning yangi rahbari, armiya yoki siyosiy elitaga aloqasi bo'lmagan, oddiy xalqdan chiqqan Joko Vidodo qasamyod keltirdi. 53 yoshli arbobni fuqaro Jokovi deb biladi, o'tmishda uy jihozlari sotib kun ko'rgan. Jakarta meri lavozimida islohotchi sifatida tanilgan.
Fotogalereya

Fotogalereya Kobanida janglar davom etmoqda - 20-oktabr, 2014-yil

Suriyaning Turkiya chegarasi yaqinidagi Kobani shahrida kurdlar va "Islomiy davlat" jangarilari o'rtasida kurash davom etmoqda. Turkiya Tashqi ishlar vaziri Mevlut Chavusho'g'lining aytishicha, Iroq kurdlarining "Islomiy davlat"ga qarshi kurashda Suriya kurdlariga ko'mak berish uchun Turkiya orqali chegarani kesib o'tishiga ruxsat berilmoqda.
Fotogalereya

Fotogalereya Gonkongda minglab namoyishchilar politsiya bilan yuzma-yuz, tarqalmoqchi emas

Bu yoshlar Gonkongda demokratik saylovlar talab qilmoqda. Pekin siyosatini qoralab, rahbarni mahalliy xalqning o'zi tanlashi shart, deydi ular. Talabalar chodirlar qurib olgan, shu yerda tunashayapti. Maqsad tinchlik, deydi ular, "hukumat bizning dardimizni eshitsin". Pekin nazarida ularning talabi asossiz.
Fotogalereya

Fotogalereya Kobani uchun janglar davom etmoqda

Suriyaning Kobani shahrida "Islomiy davlat" va kurd jangchilari o'rtasida qonli janglar davom etmoqda. Tinch aholining katta qismi qo'shni Turkiyaga qochib o'tgan.
Fotogalereya

Fotogalereya AQShda Ebola bilan xastalanganlar soni ikkitaga yetdi

O'tgan hafta AQShning Texas shtati kasalxonasida bir bemor Ebola virusidan vafot etgan edi. Unga qaragan ikki hamshira ham virusni yuqtirgani aniqlandi. Ayni paytda dunyo bo'ylab kasallikka qarshi kurash choralari kuchaytirilmoqda.
Fotogalereya

Fotogalereya Kobani shahri uchun janglar avjida, Suriya

Suriyaning Turkiya bilan chegaradosh Kobani shahri "Islomiy davlat" bilan olishmoqda. Amerika havo hujumlari orqali kurd jangchilariga ko'maklashmoqda. Turkiya bu urushga aralashmoqchi emas, lekin "Islomiy davlat" ga qarshi AQSh boshliq xalqaro koalitsiyaga kirgan.
Fotogalereya

Fotogalereya Shimoliy Koreya rahbari ommaga ko'rindi

Ikki oydan beri jamoatchilikka ko'rinmagan Kim Chen Unning yangi suratlari paydo bo'ldi. Ularni Shimoliy Koreya Markaziy Axborot Agentligi tarqatmoqda.

Interaktiv

SAYTGA KIRISHNING XAVFSIZ YO’LI