Shanba, 30-avgust, 2014 Toshkent vaqti: 05:10

Huquq va qonun

Qozog'iston BMT Inson Huquqlari Kengashiga a'zo bo'ldi

Kengash Jenevada asoslangan
Kengash Jenevada asoslangan
Amerika Ovozi
Inson huquqlari tashkilotlari BMT Bosh Assambleyasining so’nggi qaroridan norozi. Organ 18 davlatni BMT Inson Huquqlari Kengashi a’zoligiga qabul qilgan. Ularning aksariyati aslida huquq va erkinliklarni muntazam ravishda buzib kelayotgan tuzumlar sifatida qayd etiladi.


47 a’zoli Inson Huquqlari Kengashi - erkinlikni himoya qilishni o’z bo’yniga olgan eng oliy organdir. Lekin kengashdan qay davlatlar o’rin olgani doimiy tanqid ostida. A’zolar mintaqaviy quruhlarga qarab qabul qilinadi. G’arbiy guruh ostida Irlandiya, Germaniya va AQSh kirdi. Gretsiya va Shvetsiya yetarlicha ovoz olmagan. 
 
Amerika uzoq yillar davomida a’zolikka qiziqmagan edi, ammo 2009-yildan beri ancha faol. Bu davlatning BMTdagi elchisi Syuzan Rays deydiki, Vashington inson huquqlari bobida dadil harakat qilmoqda va kengashda muhim rol o’ynashda davom etadi.

AQSh inson huquqlari poymol etilishini qoralaydi va bu hollar keng tarqalgan jamiyatlarda jabrdiydalar manfaatini ko’zlab siyosat yuritadi, deydi diplomat.
 
Biroq huquq tashkilotlari nazarida Obama ma’muriyati ko’plab repressiv tuzumlar bilan apoq-chapoq ekan, ular bilan harbiy va iqtisodiy hamkorlikni kuchaytirib borar ekan, yuqoridagi bayonotlar faqat safsata.  
 
Afrikadan Fil Suyagi Qirg’og’i, Efiopiya, Gabon, Keniya va Syerra Leone; Osiyo-Tinch okeani mintaqasidan esa Yaponiya, Qozog’iston, Janubiy Koreya, Pokiston va Birlashgan Arab Amirliklari; Sharqiy Yevropadan Estoniya va Montenegro (Chernogoriya); Lotin Amerikasi va Karib dengizidan Argentina, Braziliya va Venesuela ham kengashga qo’shildi.  

 “Human Rights Watch” huquq tashkiloti rahbarlaridan biri Filip Bolopion nazarida yangi a’zolar - erkinlik dushmani bo’lgan tuzumlar.  
 
Efiopiya, Venesuela, Pokiston va Qozog’istondek davlatlarda erkin so’z va fikr, qonun ustuvorligi va mas’uliyatli hukumat haqida gapirish qiyin, deydi huquq himoyachisi.
 
Inson Huquqlari Kengashiga a’zolik uch yilni o’z ichiga oladi. Kuzatuvchilar deydiki, organga kirish lobbichilik va siyosiy hamkorlik mahsuli.
 
Kengash 2006-yilgacha Inson Huquqlari Komissiyasi nomi ostida tanilgan edi. Yilda uch marta Jenevada yig’iladi, mart, iyun va sentabr oylarida.
 
Rossiya va Qirg’iziston ham a’zo edi, bu yili chiqdi. O'zbekiston, Tojikiston va Turkmaniston hech qachon kirmagan.
 
Xitoy, Saudiya Arabistoni va Kuba singari “huquq buzg’unchilari” deya ta’riflanadigan davlatlar ham kengashda o’tirgan.
 
Organga 2011-yildan beri Laura Dupuy Lassere prezidentlik qiladi. U asli Urugvaydan. U faqat sessiyalarga raislik qiladi.
 
BMTning Inson huquqlari bo’yicha komissari kengashning asosiy boshqaruvchisi sanaladi. Ayni damda bu lavozimda janubiy afrikalik advokat Navi Pillay o’tiribdi. Komissar to’rt yillik muddatga ega va  shu yilning sentabr oyida Pillayning mandati yana ikki yilga uzaytirildi.
 
Turli davlatlardan BMTning Jenevadagi idoralari uchun mas’ul diplomatlar qatorida O’zbekistondan Gulnora Karimova, prezident Islom Karimovning qizi ham bor.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Yadroviy qurollar xavfsizligi - Nuclear Missile Safetyi
X
29.08.2014 22:39
1945-yil 6-avgustida Qo’shma Shtatlar Yaponiyaning Xirosima shahriga atom bombasi tashlagan. Cheksiz talofat keltirgan. Shu bilan dunyoda yadro qurollari poygasi boshlangan. Yadro arsenalining eng katta qismi ikki davlat hissasiga to’g’ri keladi - AQSh va Rossiya.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Novoazovsk
  • Donetsk
  • Donetsk
  • Snijne
  • Novoazovskdagi bo'lginchi.
  • Ukraina sharqida bo'lginchilar qo'lidan tortib olingan texnika.
  • Ukrainaning NATOdagi elchisi Ixor Dolxov Bryusseldagi majlisda. 29-avgust.
  • Rossiya qimmatbaho qog'ozlari, rubl qiymati keskin tushdi. 28-avgust, 2014-yil.
Fotogalereya

Fotogalereya Kaliforniya shimolida zilzila, 6 balda

24-avgust kuni Kaliforniya shtati shimolida yer qimirladi. Uning kuchi 6 balni tashkil etgan. Hududda azaldan zilzila ehtimoli yuqori. Binolar vayron bo'lgan, yong'inlar va elektr tarmoqlarida uzilish kuzatilgan. Hech kim o'lmagan. Lekin tunda yuz bergan tabiiy ofat aholi orasida katta vahima uyg'otgan. Zilzila ayniqsa Napa shahrida qattiq sezilgan.
Fotogalereya

Fotogalereya O'zbek shoirasi Zulfiya Boboyeva xonadonida - Tojikistonning Mujun qishlog'idan fotolavha

Tojikiston aholisining 24 foizi, ikki millondan ortig’ini o’zbeklar tashkil etadi. Ular orasida yuzdan ortiq shoir va ijodkorlar bor. Respublika shimolining O’zbekiston va Qirg’iziston bilan chegaradosh G’onchi nohiyasining so’lim Mujun qishlog’ida o’zbek adabiyotining yorqin yulduzlaridan biri, shoira Zulfiya Boboyeva yashaydi. So’g’d viloyat o’zbeklar ma’naviyat va ma’rifat markazi tashabbusi va G’onchi nohiyasi raisi Zafar Ismoilzodaning joriy yil 30-iyulidagi qarori bilan Tojikiston yozuvchilar uyushmasi a’zosi, Maftun Jo’ra nomidagi adabiy mukofot laureati Zulfiya Boboyevaning 60 yoshlik yubiley tantanalari bo'lib o'tdi. Tadbir uning xonadonida kechdi. Shoira yura olmaydi. Boshlang’ich maktabda o'qib yurganidan beri aravachaga mixlanib qolgan. Ijod uning hayoti mazmuniga aylangan. Yosh qizaloq she'rga havas qo’yib, mustaqil o’qib o’rganadi, ma’lumotli bo’ladi. O’zining she’riy satrlarida bitganidek: Bo’ldilar she’rim bayotim-sabrim saodati, Yo’g’rildi shu sabab ishqqa ko’nglimning toati!
Fotogalereya

Fotogalereya Tripolidagi xalqaro aeroport jangarilar qo'liga o'tdi

Muxolifatdagi islomiy guruhning qurollangan vakillari Liviya poytaxti Tripolidagi xalqaro aeroportni egallab oldi. Ular amaldagi parlament faoliyatini noqonuniy deb hisoblab, avvalgi Milliy Kongressning qayta tiklanishini talab qilmoqda.
Fotogalereya

Fotogalereya Donetskda o'ziga xos parad

Ukraina mustaqillik bayramini nishonlar ekan, sharqda bo'lginchilar asirdagi askarlarni ko'chalardan namoyishkorona olib o'tishdi
Fotogalereya

Fotogalereya Isroil va XAMAS o'rtasida yana otishma boshlandi

Qohiradagi muzokaralar muvaffaqiyatsiz yakunlangach, vaqtinchalik sulh tugashi bilan Isroil va XAMAS o'rtasida yana otishma boshlanib ketdi.

Interaktiv

SAYTGA KIRISHNING XAVFSIZ YO’LI