Suriyalik muxolifatchilarning aytishicha, hukumat kuchlari isyonchilar faol Hims shahriga qarshi hujumlarini kuchaytirgan. Kamida 11 kishi o’lgan, deydi ular. Kechagi hujumlar va janglarda 50 odam nobud bo’lgan.
Muxolifat prezident Bashar al-Assad hukumatini zo’ravonliklarda ayblasa, rasmiy Damashq terrorchilar bilan olishyapmiz, deydi.
Vaziyat keskinlashar ekan, BMTning 300 kuzatuvchisi kecha ishini to’xtatgan.
"Biroq mamlakatni tark etish rejamiz yo’q", - deydi missiya rahbari, general Robert Mud.
Kuzatuvchilar BMT vakili Kofi Annan taklif etgan tinchlik rejasi ijrosini nazorat etmoqda. Biroq tomonlar rejaga amal qilmayapti, xususan qurolli to’qnashuv davom etmoqda.
Suriya muxolifati nazarida BMT kuzatuvchilari vazifaning uddasidan chiqa olmadi.