Seshanba, 23-dekabr, 2014 Toshkent vaqti: 00:28

Yaqin Sharq

Falastinda tantanalar, Isroil nazarida BMT qarori "siyosiy tomosha"

Multimedia

Audio
Amerika Ovozi
BMT Bosh Assambleyasi Falastinni davlat sifatida tan oldi. Isroil buni “siyosiy tomosha” deya tanqid qilmoqda.


BMT Bosh Assambleyasi Falastinni davlat sifatida tan oldi. Isroil buni “siyosiy tomosha” deya tanqid qilmoqda. Falastin prezidenti Mahmud Abbos BMT minbaridan turib, “bizga tug’ilish haqidagi guvohnomani bering" deya xalqaro hamjamiyatga murojaat qilgan.

Mahmud Abbosning nutqidan so’ng masala ovozga qo’yildi va 193 davlatdan 138 tasi uni qo’llab-quvvatladi. Falastin endi BMTga a’zo bo’lmagan kuzatuvchi davlat degan maqomga ega.
 
Rezolyutsiyani Yevropaning 14 davlati qo’llab-quvvatladi. Britaniya, Germaniya va qit’aning yana 10 mamlakati betaraf. Chexiya Respublikasi qarshi ovoz berdi. Yo'q deb chiqqanlar orasida Qo’shma Shtatlar, Kanada, Isroil va Panama ham bor.
 
“Bizni qo’llab-quvvatlagan har bir ovoz qadri biz uchun bebaho, bu jasorat belgisidir”, - dedi Falastin rahbari Mahmud Abbos.
 
Uning ta’kidlashicha, Falastin talabini qondirish uchun ovoz bergan har bir davlat dunyo xalqlarining erkinlik va tinchlik uchun huquqlari hamda xalqaro huquq tamoyillarini qo’llab-quvvatlagan.

Falastinning yangi maqomi unga BMTdagi debatlarda qatnashish, Xalqaro Jinoiy Sud singari organlarga a’zo bo’lish imkonini beradi.
 
Bosh Assambleya qarori ketidan Iordan daryosining g’arbiy sohilida, Ramalloh shahrida tantanalar…

Turkiya Tashqi ishlar vaziri Ahmet Davuto'g'li BMT Bosh Assambleyasida nutq so’zlab, jumladan shunday dedi: 

“Bir narsani aniq aytishim kerak. Birlashgan Millatlar Tashkilotiga a’zo davlatlar bilan bir qatorda Falastin bayrog’i ham hilpirab turmas ekan, biz adolat, xalqaro tartib va inson huquqlari borasidagi maqsadlarimizga erisha olmaymiz. Bu kun ham keladi hali".

AQShning BMTdagi elchisi Syuzan Rays rezolyutsiyani tinchlik yo’lidagi yana bir to’siq deya qoraladi.

“Bugungi gulduros qarsaklar tovushi o’chadi. Falastin ahli hayot zarracha ham o’zgarmagani va tinchlik istiqboli yanada uzoqlashganini anglab yetadi”, - dedi diplomat.

Vashington pozitsiyasi shuki, Falastin xalqaro muassasalar orqali emas, balki Isroil bilan yuzma-yuz muzoraka qilib, chegara va hududiy tortishuvlar borasida kelishib olishi lozim.

Isrolning BMTdagi elchisi Ron Prosor fikricha Falastinning yangi maqomi tinchlik jarayonini tezlashtirmaydi, vaziyatni o’zgartirmaydi.

“Siz bugun dunyodan Falastinni e’tirof etishni so’radingiz, lekin Isroilni tan olganingizcha yo’q”, - dedi u.

Falastin Tashqi ishlar vaziri Riyod Malikiyga ko’ra, Bosh Assambleyadagi g’alaba falastinliklar kuchiga kuch qo’shdi va Isroil bilan tinchlik muzokaralariga qaytish maqsad qilingan.

Ko’pchilikni o’ylantirayotgan savol – bu yog’I nima bo’ladi? BMT qarorining iqtisodiy va siyosiy oqibatlari jiddiy bo’lishi mumkin. AQSh Kongressi Falastinga hamda u qo’shilishi mumkin bo'lgan xalqaro agentliklarga mablag’ni to’xtatishi ehtimoli katta. Yahudiy davlati arab mahallalarda qurilishni yanada kengaytiradi degan xavotir bor.

Boshqa tarafdan, deydi ekspertlar, tinchlik muzokaralarini qayta boshlash va murosaga erishish ehtimoli ham oshdi.

G'azo, G'arbiy sohil va Yaqin Sharqning boshqa qismlarida tantana:

Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Amerika Manzaralari/Exploring America, December 22, 2014i
X
22.12.2014 10:30
Har dushanba Toshkent vaqti bilan 15:30 da sun'iy yo'ldosh orqali uzatiladigan 30 daqiqali ko'rsatuv Amerikadagi siyosiy, iqtisodiy va ijtimoiy manzara bilan tanishtiradi. Qolaversa, Qo'shma Shtatlar - Markaziy Osiyo davlatlari orasidagi aloqalarni tahlil qiladi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Nyu-Yorkning Bruklin mahallasida otib ketilgan politsiyachilarni hamkasblar xotirlayapti. Ismayyil Brinsli ismli shaxs ofitserlar Rafael Ramos va Venjian Lyuni otib, so'ng o'zini o'ldirgan.
  • Indoneziya harbiy dengiz kuchlari Papua Yangi Gvineyada ro'yxatga olingan baliqchi kemalarini portlatayapti. Baliqchilik qilishga ruxsati bo'lmagani aytiladi bu kemalarning.
  • Malayziyaning Kuala Lumpur shahri Mustaqillik maydonida 1600 dona o'yinchoq panda tomoshaga qo'yildi.
  • Boliviyada kuchuklar orasida Rojdestvo liboslari tanlovi.
  • Tokioda taniqli pop musiqa guruhining konsertiga kelgan muxlislar.
  • Idlib viloyatilik shaxs Suriya rahbari Bashar al-Assad qo'shinlaridan qolgan qurol-aslahani terib olayapti.
  • Rim papasi Fransisk Vatikanda bolalar bilan qo'l berib ko'rishayapti.
  • Ukraina shahrida Ikkinchi jahon urushida halok bo'lgan askarlarga qo'yilgan haykal yer bilan yakson qilingan.
  • Pekinda chang'ichilar musobaqasida qatnashayotgan amerikalik Mak Bohonnon.

Interaktiv

SAYTGA KIRISHNING XAVFSIZ YO’LI