Shanba, 01-noyabr, 2014 Toshkent vaqti: 16:45

Amerika

Amerika Afg’onistonda qancha askar qoldiradi?

Chapdan o'ngga - xalqaro koalitsiya qo'mondoni Jon Allen, AQShning Afg'onistondagi elchisi Jeyms Kanningxem va Mudofaa vaziri Leon Panetta, Kobul, 12-dekabr, 2012
Chapdan o'ngga - xalqaro koalitsiya qo'mondoni Jon Allen, AQShning Afg'onistondagi elchisi Jeyms Kanningxem va Mudofaa vaziri Leon Panetta, Kobul, 12-dekabr, 2012
Amerika Ovozi
AQSh Mudofaa vaziri Leon Panetta kutilmaganda Kobulga safar qildi. Prezident Hamid Karzay va qo’mondonlar bilan uchrashib, 2014-yildan so’ng mamlakatda qancha qo’shinni qoldirish xususida maslahatlashadi.


Hozir AQShning Afg’oinistonda 68 ming askari bo’lib, ular soni kelasi ikki yil ichida kamaya boshlaydi. Yaqinda qayta saylangan prezident Barak Obama 11 yillik urushga nuqta qo’yamiz, deb va’da bergan.

Mudofaa vaziri Leon Panetta deydiki, 2014-yildan keyingi rejalar muhokamada.  Mamlakatda qancha qo’shin qolishini prezident Obama hal etadi, deydi u. 

Harbiy qo’mondonlar mahalliy armiya malakasini oshirish hamda aksil-terror operatsiyalari uchun 15 minggacha askar so’ragan. Asl raqam 6-9 ming atrofida bo’lishi va ular asosan poytaxt Kobul atrofidagi garnizonlarda joylashtirilishi kutilyapti, deydi ayrim rasmiylar.

Leon Panettaga ko’ra, asosiy maqsad al-Qoida terror guruhi Afg’onistonda endi hech qachon in qo’ymasligini ta’minlashdir. Buning uchun qancha qo’shin kerakligini mudofaa vaziri tilga olganicha yo’q. Ayni damda Vashington va Kobul o’rtasida xavfsizlik bo’yicha bitim imzolash ustida muzokara ketayapti.     

Afg’onistonda Tolibon hamon faol. AQSh Mudofaa vazirligining so’nggi hisobotida aytilishicha, Afg’oniston barqarorligiga raxna solayotgan omillar – jangarilarning Pokistondagi manzillari, korrupsiya hamda zaif hukumat, deyiladi hujjatda.

Afg’on armiyasi va politsiyasi ishni eplay olishiga ishonchim komil, deydi Panetta.

Vazir Afg’onistonda “ichki hujumlar”, ya’ni mahalliy askarlarning xalqaro qo’shinga hujumlari kamayganini alohida qayd etadi. Joriy yilda 50 dan ziyod xorijiy askar shu tariqa halok bo’lgan.

Bu orada, Birlashgan Millatlar Tashkiloti Hamid Karzay ma’muriyatini xotin-qizlarni himoya qilishga qaratilgan qonunlar ijrosini ta’minlashga undamoqda.

BMT o’tgan bir yil ichida to’plangan ma’lumotlardan shuni xulosa qiladiki, ayollarga nisbatan zo’ravonlikni bartaraf etish to’g’risida qonunlar bor-u, lekin amalda juda kam qo’llaniladi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Otalar uyda, bola boqadi; onalar ishda - Today's dadsi
X
31.10.2014 22:03
Bugun ko'plab erkaklar uyda bola tarbiyasi bilan band, onalar esa ishlab pul topadi. Buning nimasi yomon, deya so'raydi "Amerika Ovozi" bilan gaplashgan amerikaliklar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Burkina Fasoda xalq isyon ko'tardi, prezident ishdan ketdi

G'arbiy Afrikadagi davlat, Burkina Fasoda prezident Bleyz Kompraore 27 yillik boshqaruvdan keyin ishdan ketdi. Mamlakatda o'n minglab odamlar namoyishga chiqib, rahbarning iste'fosini talab qilayotgan edi. Chiqishlar qonli tus olgach, kecha armiya parlamentni tarqatib yuborib, muvaffaq hukumat tuzilishini ma'lum qilgan. 1987-yildan beri Burkina Fasoni boshqarayotgan Kompraore sal oldin parlamentda yangi qonunni olg'a surib, hokimiyatda uzoqroq qolishni ko'zlayotgan edi. Omma bundan norozi bo'lib isyon ko'targan. Sobiq rahbar hozir qayerda ekani, o'rniga kim tayinlanishi hali ma'lum emas. Ayrim manbalarda general Luame Loug vaqtli hukumatga bosh bo'lishi mumkin deyilmoqda. Kecha, payshanba kuni poytaxt Uagaduguda odamlar parlamentga o't qo'yib, boshqa davlat idoralariga bostirib kirgan. Politsiyaning aytishicha, o'lganlar va yaradorlar bor. Xalqni tinchlantirish uchun rasmiylar parlamentda olg'a surilgan konstitutsion o'zgarishlarni va bir necha soat oldin e'lon qilingan favqulodda holatni bekor qildi. Birlashgan Millatlar Tashkiloti Bosh kotibi Pan Gi Mun G'arbiy Afrikadagi bu davlatda vaziyatni xavotir bilan kuzatayapmiz, deydi. Bosh kotib tomonlarni tinchlanishga va zo'ravonlikdan tiyilishga chaqirmoqda.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI