Juma, 28-noyabr, 2014 Toshkent vaqti: 17:01

Siyosat

AQSh va Pokiston Afg'oniston bobida hamkorlikni kuchaytirmoqda

Pokistonning Bannu shahrida xuruj, Tolibon uni o'z bo'yniga olgan. 10-dekabr, 2012-yil
Pokistonning Bannu shahrida xuruj, Tolibon uni o'z bo'yniga olgan. 10-dekabr, 2012-yil
Amerika Ovozi
AQSh Mudofaa vaziri Leon Panetta bugun Kobulda bo’lib, 2014-yildan so’ng Afg’onistonda qancha qo’shin qolishini muhokama qilgan. Yaqinda AQSh, Afg’oniston va Pokiston rasmiylari mudofaa va mintaqaviy xavfsizlikni oshirish xususida muzokara qilgan.

Ayrim tahlilchilar nazarida bu davlatlar vaziyat izdan chiqishidan tashvishlanib, hamkorlikni kuchaytirishga kirishgan.

Xavotir shuki, AQSh harbiylari va xalqaro qo’shinlar Afg’onistonni 2014-yilda tark etganidan so’ng Tolibon zo’r berib, zo’ravonliklarning kuchayish ehtimoli bor. Shu sabab Vashington va Islomobod o’rtasida yuqori darajali muzokaralar boshlangan.

Pokistonlik senator Mushohid Husaynning aytishicha, muloqot ikki tomonlama munosabatlar yaxshilanayotganidan dalolat.

"Afg’oniston bobida Pokiston bilan ma’lumot almashilyapti. Qo’shma Shtatlar Islomobodni Afg’onistondagi tinchlik jarayonining ajralmas qismi deb ko’rishni boshladi", - deydi qonunchi.

Afg’onistondagi vaziyatga o’z ta’sirini o’tkazish uchun o’tmishda jangari guruhlar bilan hamkorlik qilgan Pokiston armiyasi qo’shni davlatga nisbatan pozitsiyasini kuchaytirishda endi AQSh bilan aloqalarga tayanmoqda.

Vashingtondagi Vudro Vilson nomidagi tahliliy markaz xodimi Simbal Xonning aytishicha, Islomoboddagi siyosatchilar Afg’onistonda vaziyat yomonlashsa, Pokistonga ham jiddiy ta’sir qilishini tushunib yetgan.

"Pokiston AQSh bilan muloqotdan qochmay, o’z ishini bitiravergani ma’qul. Albatta, munosabatlarda farqli qarashlar bo’ladi, ba’zida keskin farqli. Masalan, Afg’oniston bo’yicha. Ammo murosa topib, hamkorlik qilsa bo’ladi", - deydi Simbal Xon.

AQShning Afg’oniston bo’yicha 2014-yildan keyingi rejasiga ko’ra, xalqaro kuchlar chiqqanidan so’ng mamlakatda AQShning bir necha ming qo’shini qolib, afg’on xavfsizlik kuchlari tayyorgarligi bilan shug’ullanadi. Ayrim tahlilchilar taxminicha, ular orasida maxsus bo’linmalar va Markaziy razvedka boshqarmasi agentlari ham bo’lib, ular terrorga qarshi amaliyotlarga javob beradi.

AQSh nishonga olayotgan yetakchi toliblarning aksariyati Afg’oniston-Pokiston chegarasida jon saqlamoqda. Tahlilchi Simbal Xonning aytishicha, Pokiston xalqaro qo’shinlar chiqquniga qadar Tolibon bilan tinchlik bitimi tuzilmasa, jangari xurujlari ko’payishidan xavotirda. Natijada Amerika ularni Pokiston hududida nishonga olishi mumkin.

"Shunday bo’lgan taqdirda AQSh-Pokiston aloqalari sovib, yana eski holga qaytadi. Pokiston hamkor emas, nishonga aylanadi. Hamma muammo ham shunda", - deydi mutaxassis.

Pentagonning so’nggi hisobotiga ko’ra, jangarilar Pokistondagi bazalaridan turib, Afg’onistonda xurujlar qilishda davom etmoqda.

O’tmishda Islomobodni o’z hududida jangarilarga qarshi kurashda ojizlikda ayblagan AQSh Mudofaa vaziri Leon Panetta bu hafta o’zgacha fikr bildirgan. Uning aytishicha, Pokiston aksil-terror harakatlarini kuchaytirishga dadil kirishishga so’z bergan.

Tahlilchi Imtiyoz Gul fikriga ko’ra, xalqaro hamjamiyat va Islomobod afg’on masalasida o’zaro hamkorliksiz olg’a qadam tashlay olmasligini tushunib yetdi.

"Pokistonni chetlab bu ishni uddalab bo’lmaydi. Islomobod ham bu masalada uzoq muddatli hamkorlik orqali o’ziga foyda olishini anglamoqda", - deydi Gul.

Pokiston rasmiylari yaqinda Afg’oniston Tashqi ishlar vazirligida yuqori lavozimli mulozimlar bilan bir necha bor uchrashdi. Kobul iltimosiga ko’ra, bir necha tolibni qamoqdan ozod etdi, ikki davlat qonunchilari ham muzokara qilmoqda.

Biroq tahlilchilarning xavotir olishicha, AQSh, Pokiston va Afg’oniston orasidagi munosabatlar hali xom bo’lib, vaziyatga qarab, o’zgarishi mumkin.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Gaz eksporti - Amerikaning bir shahrida - Natural Gas Exporti
X
28.11.2014 05:09
Qo’shma Shtatlarda so’nggi yillarda tabiiy gaz ishlab chiqarish hajmi bir necha karra oshdi. Bunga asosan yangi texnologiyalar turtki bermoqda. Mahalliy kompaniyalar ortiqcha gazni xorijga eksport qilishni istaydi, lekin reja aholi orasida qarshilikka uchramoqda.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Shukronalik kuni 17-asr boshidan beri bayram qilinadi
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Oq uy... Prezident tarixiy odatga ko'ra, shu kuni bir kurkaning qonidan kechadi.
  • Kurka - Shukronalik kuni pishiriladigan asosiy taom
  • Bayram dasturxoni
  • Bayram oldidan va uning ketidan savdo qiziydi. Los-Anjeles.
  • Hamma oilasi bilan bo'lishga shoshadi. Vashington.
  • Hamma oilasi bilan bo'lishga shoshadi. Vashington.
  • Nyu-York vokzali
  • Nyu-York
  • Nyu-York
  • Bayramdan keyin savdo qiziydi. Los-Anjeles.
  • Bayram munosabati bilan uyga qaytayotgan harbiy. Mayami.
Fotogalereya

Fotogalereya Shukronalik kuni, Amerika - Thanksgiving Day in America

Noyabrning oxirgi payshanbasi Shukronalik kuni. Yangi vatandagi noz-ne'matlardan shukur qilgan, hosilidan rozi bo'lgan odamlar shunday bayramga asos solgan. Keyinchalik tub aholiga qarshi qonli urushlar olib borgan yevropalik kelgindilar boshida ular bilan bir dasturxondan non yegan. Hindu qabilalar o'z ovqatlarini tanishtirgan bo'lsa, kelgindilar ham o'z taomlarini tortgan. Kurka Shukronalik kuni asosiy taom hisoblanadi. Chunki bu parranda Amerikada serob bo'lgan.
Fotogalereya

Fotogalereya Amerikada Shukronalik kuni

Har yili noyabr oyining so'nggi payshanbasida o'tadigan bu bayram ko'pchilik amerikaliklar uchun oilaviy yig'ilish va kurkali taom demakdir.
Fotogalereya

Fotogalereya Bugungi dunyo, suratlarda

Jahonning turli burchaklaridan olingan antiqa fotolar - 26-noyabr, 2014

Interaktiv

SAYTGA KIRISHNING XAVFSIZ YO’LI