Chorshanba, 20-avgust, 2014 Toshkent vaqti: 15:41

Amerika

AQSh qo’shinlari daxlsizligi yil oxirida hal bo’ladi

Amerika Ovozi
Afg’oniston prezidenti Hamid Karzay oqsoqol va yetakchilarni to’plab, 2014-yildan keyin Amerika qo’shinlari qolsa, qaysi davlat qonunlariga bo’ysunishi borasida gaplashgan. Uning aytishicha, bu masalani hukumat emas, xalq hal qilishi lozim.

Amerika o’z askarlari daxlsizligini kafolatlamoqchi. Biror zobiti jinoyat sodir etsa, masalani Afg’oniston adliyasi emas, AQSh sudlari ko’rishi shart, aks holda hamma zobitlarni olib chiqamiz, deydi Obama ma’muriyati. Karzayning aytishicha, masala shu yil oxirigacha hal bo’lishi mumkin.

Shu bilan birga, deydi ikki rahbar, AQSh qo’shinlari Tolibonga qarshi kurashda bosh rolni yaqin oylarda Afg’oniston armiyasi zimmasiga topshiradi. Prezidentlar juma kuni Oq uydagi muloqotdan keyin shunday bayonot bergan.

Prezident Obamaning aytishicha, AQSh qo’shinlari ko’makchi vazifasiga rejadagidan ertaroq o’tadi.

“Askarlarimizning missiyasi o’zgaradi va vazifamiz mashq o’tkazish, maslahat berishdan iborat bo’ladi. Bu – tarixiy voqea”, - deydi Obama.
 
Prezident Karzay ungacha afg’on kuchlari xavfsizlik uchun mas’uliyatni bo’yniga olishga tayyor bo’ladi, deydi.

“Xalqaro qo’shinlar, Amerika harbiylari afg’on yurtini tark etadi. Mamlakat xavfsizligi va xalq tinchiga ko’z-quloq bo’lish bilan esa mahalliy armiya shug’ullanadi”, deydi u.

Taxminlarga qaraganda, Amerika 2014-yil oxirigacha barcha zobitlarini Afg’onistondan olib chiqishi mumkin. Ayrim ekspertlar nazarida bu qaror 10 yildan oshiq tinmayotgan urushda erishilgan yutuqlarni yo’qqa chiqarishi mumkin.

Afg’onistonning AQShdagi sobiq elchisi Said Javod so'zlariga ko’ra, hamma askarlar ketsa, Afg’onistonda erishilgan marralar boy beriladi.

Tahlilchilar fikricha, ikki yildan keyin ham Afg’oniston xavfsizlik kuchlari Amerika vertolyotlari, tibbiy inshootlari, razvedka va boshqa madadisiz ishni yolg’iz eplay olmaydi.
Askarlarimizning missiyasi o’zgaradi va vazifamiz mashq o’tkazish, maslahat berishdan iborat bo’ladi. Bu – tarixiy voqea.


Afg'onshunos olim Marvin Veynbaumning aytishicha, harbiy havo kuchlari qo’llashini bilish dalda beradi.

Ayniqsa, piyoda qo’shinlar buni yaxshi tushunadi. Og’ir pallada darhol havo kuchlarini yordamga chaqira olish muhim, deydi tahlilchi.

Prezident Karzay AQSh Mudofaa vazirligida alohida uchrashuvlar o’tkazdi. U Amerika va NATOga jamiki ko’mak uchun rahmat aytdi.

Qo’shma Shtatlar Tolibon afg’on hukumati bilan murosaga erishadi degan umidda. Lekin muzokaralar natija berganicha yo’q.

AQSh qo’shinlari 2014-yildan keyin ham qoladigan bo’lsa, ular qaysi davlat qonunlariga bo’ysunishi hamon ochiq masala.
Ikki yildan keyin ham Afg’oniston xavfsizlik kuchlari Amerika vertolyotlari, tibbiy inshootlari, razvedka va boshqa madadisiz ishni yolg’iz eplay olmaydi.


Amerika harbiy ekspertlari ko’proq askar qoldirish tarafdori.

Afg’oniston xavfsizlik kuchlari o’z holiga tashlab qo’yilsa, tez orada qulashi aniq, deydi ular.

Jangarilar katta hududlarni qo’lga kiritmasa-da, hujumlar ozayganicha yo’q, deydi sobiq elchi Said Javod.

“Afsuski, Afg’onistonning ayrim viloyatlarida Tolibon hamon faol, sharqiy shaharlarda esa al-Qoida ham jim turgani yo’q”, - deydi elchi.

Prezident Karzay safarini yakunlar ekan, AQShning Afg’onistondagi uzoq va qimmat harbiy kampaniyasi ham poyoniga yetayotgan ko’rinadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Eronning Iroqqa ta'siri davom etadii
X
20.08.2014 03:03
Iroqdagi jangarilar faoliyatiga chek qo’yish masalasida Vashington va Tehron hamfikr. Ammo Iroqdagi yangi hukumatga AQSh emas, balki Eron ko’proq ta’sir ko’rsatish imkoniyatiga ega, deydi kuzatuvchilar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ukraina-Rossiya chegarasida
  • Donetsk
  • Kiyev
  • Rossiya-Ukraina chegarasida
  • Rossiya-Ukraina chegarasida
  • Rostov mintaqasida
  • Rostov mintaqasida
  • Rostov mintaqasida
Fotogalereya

Fotogalereya Missurida politsiya namoyishchilarni tarqatishga harakat qilmoqda

Politsiya bilan to'qnashuvda bir kishiga o'q tegib qattiq yaralangan, yetti kishi hibsga olingan. 18 yashar qora tanli yigitning politsiya tomonidan otib o'ldirilishi ketidan boshlangan namoyishlar tinmayapti. Ferguson shahrida favqulodda holat joriy etilgan.
Fotogalereya

Fotogalereya Missuri shtatida politsiyaga qarshi namoyishlar davom etmoqda

Qo’shma Shtatlar bo’ylab minglab odamlar namoyishga chiqib, Missuri shtatida politsiya o’qidan o’lgan qora tanli o’smirni xotirlayapti. Yuzdan oshiq shaharlarda yig’ilgan fuqarolar 18 yoshli Maykl Braunni va politsiya qo’lidan o’lgan boshqa vatandoshlarni bir daqiqalik sukunat bilan esladi. Missurida namoyishlar qonli tus olgach, prezident Barak Obama kecha jamoatchilikni tinchlanishga undadi.
Fotogalereya

Fotogalereya Vladimir Putin Qrimda

Rossiya rahbari yaqinda mamlakatning bir qismi sifatida qabul qilingan yarimorolga borib, vaziyat bilan tanishdi.
Fotogalereya

Fotogalereya Gollivud yulduzi Robin Vilyamsni xotirlab

Amerikalik taniqli aktyor, hazil-askiya ustasi Robin Vilyams olamdan o'tdi. Uning jasadi 11-avgust kuni Kaliforniyadagi uyidan topilgan. Aktyor o'z joniga qasd qilgani taxmin qilinayapti. Vilyams 63 yoshda edi.

Interaktiv

SAYTGA KIRISHNING XAVFSIZ YO’LI