Chorshanba, 01-oktyabr, 2014 Toshkent vaqti: 15:12

Amerika

AQSh qo’shinlari daxlsizligi yil oxirida hal bo’ladi

Amerika Ovozi
Afg’oniston prezidenti Hamid Karzay oqsoqol va yetakchilarni to’plab, 2014-yildan keyin Amerika qo’shinlari qolsa, qaysi davlat qonunlariga bo’ysunishi borasida gaplashgan. Uning aytishicha, bu masalani hukumat emas, xalq hal qilishi lozim.

Amerika o’z askarlari daxlsizligini kafolatlamoqchi. Biror zobiti jinoyat sodir etsa, masalani Afg’oniston adliyasi emas, AQSh sudlari ko’rishi shart, aks holda hamma zobitlarni olib chiqamiz, deydi Obama ma’muriyati. Karzayning aytishicha, masala shu yil oxirigacha hal bo’lishi mumkin.

Shu bilan birga, deydi ikki rahbar, AQSh qo’shinlari Tolibonga qarshi kurashda bosh rolni yaqin oylarda Afg’oniston armiyasi zimmasiga topshiradi. Prezidentlar juma kuni Oq uydagi muloqotdan keyin shunday bayonot bergan.

Prezident Obamaning aytishicha, AQSh qo’shinlari ko’makchi vazifasiga rejadagidan ertaroq o’tadi.

“Askarlarimizning missiyasi o’zgaradi va vazifamiz mashq o’tkazish, maslahat berishdan iborat bo’ladi. Bu – tarixiy voqea”, - deydi Obama.
 
Prezident Karzay ungacha afg’on kuchlari xavfsizlik uchun mas’uliyatni bo’yniga olishga tayyor bo’ladi, deydi.

“Xalqaro qo’shinlar, Amerika harbiylari afg’on yurtini tark etadi. Mamlakat xavfsizligi va xalq tinchiga ko’z-quloq bo’lish bilan esa mahalliy armiya shug’ullanadi”, deydi u.

Taxminlarga qaraganda, Amerika 2014-yil oxirigacha barcha zobitlarini Afg’onistondan olib chiqishi mumkin. Ayrim ekspertlar nazarida bu qaror 10 yildan oshiq tinmayotgan urushda erishilgan yutuqlarni yo’qqa chiqarishi mumkin.

Afg’onistonning AQShdagi sobiq elchisi Said Javod so'zlariga ko’ra, hamma askarlar ketsa, Afg’onistonda erishilgan marralar boy beriladi.

Tahlilchilar fikricha, ikki yildan keyin ham Afg’oniston xavfsizlik kuchlari Amerika vertolyotlari, tibbiy inshootlari, razvedka va boshqa madadisiz ishni yolg’iz eplay olmaydi.
Askarlarimizning missiyasi o’zgaradi va vazifamiz mashq o’tkazish, maslahat berishdan iborat bo’ladi. Bu – tarixiy voqea.


Afg'onshunos olim Marvin Veynbaumning aytishicha, harbiy havo kuchlari qo’llashini bilish dalda beradi.

Ayniqsa, piyoda qo’shinlar buni yaxshi tushunadi. Og’ir pallada darhol havo kuchlarini yordamga chaqira olish muhim, deydi tahlilchi.

Prezident Karzay AQSh Mudofaa vazirligida alohida uchrashuvlar o’tkazdi. U Amerika va NATOga jamiki ko’mak uchun rahmat aytdi.

Qo’shma Shtatlar Tolibon afg’on hukumati bilan murosaga erishadi degan umidda. Lekin muzokaralar natija berganicha yo’q.

AQSh qo’shinlari 2014-yildan keyin ham qoladigan bo’lsa, ular qaysi davlat qonunlariga bo’ysunishi hamon ochiq masala.
Ikki yildan keyin ham Afg’oniston xavfsizlik kuchlari Amerika vertolyotlari, tibbiy inshootlari, razvedka va boshqa madadisiz ishni yolg’iz eplay olmaydi.


Amerika harbiy ekspertlari ko’proq askar qoldirish tarafdori.

Afg’oniston xavfsizlik kuchlari o’z holiga tashlab qo’yilsa, tez orada qulashi aniq, deydi ular.

Jangarilar katta hududlarni qo’lga kiritmasa-da, hujumlar ozayganicha yo’q, deydi sobiq elchi Said Javod.

“Afsuski, Afg’onistonning ayrim viloyatlarida Tolibon hamon faol, sharqiy shaharlarda esa al-Qoida ham jim turgani yo’q”, - deydi elchi.

Prezident Karzay safarini yakunlar ekan, AQShning Afg’onistondagi uzoq va qimmat harbiy kampaniyasi ham poyoniga yetayotgan ko’rinadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Zilzila va energetika sanoati - Oklahoma Earthquakesi
X
01.10.2014 09:37
Oklaxoma AQShda eng ko’p zilzila ro’y beradigan shtatga aylangan. Yaqingacha bunday emas edi. Masalan, 2009-yildan oldin Oklaxomada yiliga ko’pi bilan ikki marta silkinish kuzatilar edi, hozir esa 200 marta. Izlanishlar shuni ko’rsatmoqdaki, bunga energetika sanoati sababchi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Ashraf G'ani( markazda) prezidentlikni qabul qilib olish marosimiga kelmoqda, 29-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Prezident Ashraf G'ani Kobuldagi Amani maktabiga tashrif buyurdi, 30-sentabr, 2014-yil.

  • Abdulla Abdulla bosh vazirlik lavozimini qabul qilib olish uchun tantanali marosimga tashrif buyurmoqda, 29-sentabr, 2014-yil.

  • Sobiq prezident Hamid Karzay o'z lavozimini Ashraf G'aniga topshirish uchun tantanali marosimga tashrif buyurmoqda, 29-sentabr, 2014-yil.

  • Ashraf G'ani (chapda) prezident sifatida qasamyod keltirmoqda, 29-sentabr, 2014-yil.

  • Prezident sifatida qasamyod keltirgan Ashraf G'ani Afg'oniston Oliy sudi raisi Abdul Salom Azimiy bilan qo'l berib ko'rishmoqda, 29-sentabr, 2014-yil.

Fotogalereya

Fotogalereya Ashraf G'ani - Afg'onistonning yangi prezidenti

Uzoq davom etgan saylov mashmashasidan so'ng Ashraf G'ani Afg'onistonning yangi prezidenti deb e'lon qilindi. Saylovda unga qarshi kurash olib borgan Abdulla Abdulla, o'zaro siyosiy kelishuvdan so'ng, yangi hukumatning bosh vaziri etib tayinlandi. Yangi hukumat ishga tushishi bilan Hamid Karzay davrida AQSh bilan tuzilgan xavfsizlik bitimini imzoladi.
Fotogalereya

Fotogalereya Gonkongda norozilik namoyishlari

Gonkong politsiyasi ko'zdan yosh oqizuvchi gaz qo'llab, namoyishchilarni tarqatishga urinishiga qaramay, aholi ko'chalarni tark etmayapti. Ular Pekinning siyosiy islohotni cheklashga qaratilgan choralaridan norozi.
Fotogalereya

Fotogalereya Ebola epidemiyasi suratlarda

Ebola epidemiyasi kengayishda davom etmoqda. BMT Bosh Assambleyasi yig'inida ham shu mavzuga alohida e'tibor qaratildi.
Fotogalereya

Fotogalereya Varshava, Polsha: O'zbekistonda inson huquqlari va siyosiy mahbuslar

Nyu-Yorkda asoslangan xalqaro tashkilot, inson huquqlari bo'yicha "Human Rights Watch" (HRW) o'zining 121 betlik yangi hisobotida tahlil qilishicha, O’zbekiston inson huquqlari keng ko’lamda poymol etiladigan davlat; so'z va fikr erkinligi faqat qog'ozda; bu huquqlarni amalda qo'llash - qamoq va qiynoq tomon yo'l. Tahlilnoma Varshavada e'lon qilindi. Yevropada Xavfsizlik va Hamkorlik Tashkiloti u yerda inson huquqlari bo'yicha yillik majlisini o'tkazmoqda. Unda O'zbekistonning taniqli huquq himoyachilari Vasila Inoyatova va Mo'tabar Tojiboyeva singari faollar so'zga chiqqan va qamoqxonalardagi vaziyat haqida tanqidiy hisobotlar bergan. Konferensiya doirasida siyosiy mahbuslarning ozod etilishiga chaqiruvchi namoyishlar ham o'tmoqda.
Fotogalereya

Fotogalereya Minglab odamlar iqlim himoyasiga otlandi

Yakshanba kuni minglab odamlar namoyishga chiqib, siyosat ahlini iqlimdagi salbiy o'zgarishlarga qarshi dadilroq harakat qilishga chaqirdi.
Fotogalereya

Fotogalereya O'n minglab suriyaliklar Turkiyaga qochayapti

Suriyada "Islomiy davlat" jangari guruhining hamlasi ketidan o'n minglab kurdlar Turkiyaga qochayapti. Anqara qochqinlarni kiritish uchun 19-sentabrda Suriya bilan chegarani ochgan. Hozirning o'zida Turkiyada Suriyadagi urushdan bosh olib ketgan yuz minglab suriyalik jon saqlamoqda.
Fotogalereya

Fotogalereya Jalol-Obod, Arslonbob va O'zgan

Jalol-Obod viloyati bo'ylab sayohat... Shahardan Suzoq qishlog'i tomon boramiz. So'ngra Arslonbob to'glariga chiqamiz va sharsharalar tagida dam olamiz. Qishloqlarni kezamiz. Jamoatchilik bilan muloqotda bo'lamiz. Bozorlar, ko'chalar va hayot. Qirg'iziston janubida shu yilning avgustida olingan suratlarni tomosha qiling. Tafsilotlar mana bu blogda: http://blogs.voanews.com/uzbek/yoshlariston/2014/09/20/jalol-obod-arslonbob-va-ozgandagi-bebaho-lahzalar/
Fotogalereya

Fotogalereya "Islomiy davlat"ga qarshi kurash

Iroq va Suriyadagi "Islomiy davlat" jangarilariga qarshi xalqaro koalitsiya tuzish jarayoni davom etmoqda. Ko'plab davlatlar o'q-dori va qurollar yetkazish, shuningdek, Iroq va kurd askarlarini harbiy tayyorgarlikdan o'tkazish ishlarida yordam berishga va'da berdi.

Interaktiv

SAYTGA KIRISHNING XAVFSIZ YO’LI