Juma, 31-oktyabr, 2014 Toshkent vaqti: 20:36

Amerika

AQSh yangi qo'mondoni: Afg'onistonda maqsadga erishamiz

Afg'onistonda AQShning yangi qo'mondoni/US-Afghanistani
X
18.02.2013 22:49
AQSh generali Jozef Danford Afg'onistondagi xalqaro koalitsiya kuchlarining yangi qo'mondoni etib tayinlandi. General Jon Allen o'rniga kelgan Danfordning asosiy vazifasi AQSh va boshqa xalqaro qo'shinlarni Afg'onistondan o'z vaqtida olib chiqish.

Afg'onistonda AQShning yangi qo'mondoni/US-Afghanistan

Amerika Ovozi
AQSh generali Jozef Danford Afg’onistondagi xalqaro koalitsiya kuchlarining yangi qo’mondoni etib tayinlandi. General Jon Allen o’rniga kelgan Danfordning asosiy vazifasi - AQSh va boshqa xalqaro qo’shinlarni Afg’onistondan o’z vaqtida olib chiqish.


General Allenni kuzatish marosimida shu kungacha erishilgan yutuqlar tilga olindi.

“Yangi kelgan paytimga qaraganda, hozir umidlarim ancha yuqori”,- dedi Afg’onistondagi xalqaro koalitsiya kuchlari sobiq qo’mondoni Jon Allen.

“Ochig’ini aytganda, 19 oy avval, 2011-yilning iyul oyida kelganimda bugungidek umidvor emas edim. Hozir esa biz aniq g’alaba qozonamiz degan bir his bor”, - deydi u.
 
Allen koalitsiya kuchlari ustidan boshqaruvni general Jozef Danfordga topshirdi. 

Yangi qo’mondonning asosiy vazifasi - 66 ming kishilik AQSh askarlarining aksariyatini keyingi yil oxirigacha vataniga qaytarish.

“Bugun buyuk qo’mondon bilan xayrlashyapmiz. Rahbariyat o’zgaryapti. Ammo maqsadlarimiz o’zgarmaydi, balki davom etadi”, - deydi general Danford.
 
Askarlarni olib chiqish davom etadi. Ammo Afg’onistonda tinchlik to’la qaror topgani yo’q. Qishloq joylardagi ayrim hududlar hanuz isyonchilar nazoratida.
 
AQSh rasmiylari jarayon muvaffaqiyatli kechayotganini aytadi. Maqsad xavfsizlikni to’la mahalliy askarlar qo’liga topshirish.
 
Danford Allen fikrlariga qo’shiladi:

“General Allen bizni tark etar ekan, koalitsiya va afg’on hamkorlarimiz g’alabaga yaqin turibdi. Men shu lahzani qo’ldan boy bermay, Afg’oniston xalqi yordamida yanada yaxshiroq kelajakni bunyod etishga qaratilgan harakatlarni davom ettiraman”. 

Kelajakning qanday bo’lishini bashorat qilishga hali erta. 2013-yilning jangovar harakatlar mavsumi yaqinlashmoqda. Bu xavfsizlikni o’z qo’liga olayotgan afg’on askarlari uchun birinchi sinov bo’ladi.
 
2014-yildan so’ng Afg’onistonda qoladigan AQSh askarlarining aniq soni hali ma’lum emas.

Kelasi yilgi saylovdan so’ng Afg’onistonning uzoq muddatli prezidenti Hamid Karzay o’rnini kim egallashi ham savol ostida.

Kelajakdan umidlar katta, ammo mavhum savollar ham ko’p.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI