Payshanba, 30-iyul, 2015 Toshkent vaqti: 17:08

Amerika

AQSh yangi qo'mondoni: Afg'onistonda maqsadga erishamiz

Afg'onistonda AQShning yangi qo'mondoni/US-Afghanistani
X
18.02.2013 22:49
AQSh generali Jozef Danford Afg'onistondagi xalqaro koalitsiya kuchlarining yangi qo'mondoni etib tayinlandi. General Jon Allen o'rniga kelgan Danfordning asosiy vazifasi AQSh va boshqa xalqaro qo'shinlarni Afg'onistondan o'z vaqtida olib chiqish.
Afg'onistonda AQShning yangi qo'mondoni/US-Afghanistan
Amerika Ovozi
AQSh generali Jozef Danford Afg’onistondagi xalqaro koalitsiya kuchlarining yangi qo’mondoni etib tayinlandi. General Jon Allen o’rniga kelgan Danfordning asosiy vazifasi - AQSh va boshqa xalqaro qo’shinlarni Afg’onistondan o’z vaqtida olib chiqish.


General Allenni kuzatish marosimida shu kungacha erishilgan yutuqlar tilga olindi.

“Yangi kelgan paytimga qaraganda, hozir umidlarim ancha yuqori”,- dedi Afg’onistondagi xalqaro koalitsiya kuchlari sobiq qo’mondoni Jon Allen.

“Ochig’ini aytganda, 19 oy avval, 2011-yilning iyul oyida kelganimda bugungidek umidvor emas edim. Hozir esa biz aniq g’alaba qozonamiz degan bir his bor”, - deydi u.
 
Allen koalitsiya kuchlari ustidan boshqaruvni general Jozef Danfordga topshirdi. 

Yangi qo’mondonning asosiy vazifasi - 66 ming kishilik AQSh askarlarining aksariyatini keyingi yil oxirigacha vataniga qaytarish.

“Bugun buyuk qo’mondon bilan xayrlashyapmiz. Rahbariyat o’zgaryapti. Ammo maqsadlarimiz o’zgarmaydi, balki davom etadi”, - deydi general Danford.
 
Askarlarni olib chiqish davom etadi. Ammo Afg’onistonda tinchlik to’la qaror topgani yo’q. Qishloq joylardagi ayrim hududlar hanuz isyonchilar nazoratida.
 
AQSh rasmiylari jarayon muvaffaqiyatli kechayotganini aytadi. Maqsad xavfsizlikni to’la mahalliy askarlar qo’liga topshirish.
 
Danford Allen fikrlariga qo’shiladi:

“General Allen bizni tark etar ekan, koalitsiya va afg’on hamkorlarimiz g’alabaga yaqin turibdi. Men shu lahzani qo’ldan boy bermay, Afg’oniston xalqi yordamida yanada yaxshiroq kelajakni bunyod etishga qaratilgan harakatlarni davom ettiraman”. 

Kelajakning qanday bo’lishini bashorat qilishga hali erta. 2013-yilning jangovar harakatlar mavsumi yaqinlashmoqda. Bu xavfsizlikni o’z qo’liga olayotgan afg’on askarlari uchun birinchi sinov bo’ladi.
 
2014-yildan so’ng Afg’onistonda qoladigan AQSh askarlarining aniq soni hali ma’lum emas.

Kelasi yilgi saylovdan so’ng Afg’onistonning uzoq muddatli prezidenti Hamid Karzay o’rnini kim egallashi ham savol ostida.

Kelajakdan umidlar katta, ammo mavhum savollar ham ko’p.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQSh fermerlari Kuba bozoriga kirishga shayi
X
30.07.2015 04:26
AQSh va Kanada o’z elchixonalarini ochib, yarim asrdan beri to’xtab qolgan diplomatik aloqalarni qayta tikladi. Bundan oddiy xalq, jumladan, biznes ahli ham xursand. Ular tez orada iqtisodiy jazo choralari ham ko’tarilishidan umidvor.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Qol Sharif masjidi, Qozon, Tatariston
  • Yahudiylar yangi uylari buzilayotganidan norozi. Isroil sudi ularning arab yerlarida qurilgan posyolkalarini noqonuniy deb topdi.
  • Kalkutta, Hindiston
  • Yangi teleskop, Xitoy
  • Shengshan oroli, Xitoy
  • Janubiy Koreya
  • Fransiyada yozgi bayram
  • Parij muzeylarida
  • "Chevron" neft korporatsiyasiga qarashli zavod, Kaliforniya shtati
  • Florida shtati, Atlantika okeani bo'yida

Interaktiv

SAYTGA KIRISHNING XAVFSIZ YO’LI