Dushanba, 24-noyabr, 2014 Toshkent vaqti: 04:52

Madaniyat

Bollivud Amerika ahlini ham o'ziga rom etgan

Bollivudga Amerikada ham qiziqish katta/Bollywood USi
X
09.03.2013 03:59
Amerikada ham Bollivud filmlarini maza qilib tomosha qilishadi. Hindistonning eng yirik kinokompaniyasi Qo'shma Shtatlarda 18 ta teatr ochgan va Bollivudga chet eldan daromadning 70 foizi aynan Shimoliy Amerikadan keladi. AQSh kollej va universitetlari esa Bollivud kuy va raqsini shu qadar yaxshi ko'rib qolganki, maxsus tanlovlar o'tkazib turadi.
Bollivudga Amerikada ham qiziqish katta/Bollywood US
Amerika Ovozi
Amerikada ham Bollivud filmlarini maza qilib tomosha qilishadi. Hindistonning eng yirik kinokompaniyasi Qo’shma Shtatlarda 18 ta kinoteatr ochgan va chetdan daromadning 70 foizi aynan Shimoliy Amerikadan keladi.
Bollivud Amerika yoshlarini ham rom etgan/Nasiba Tohir
Bollivud Amerika yoshlarini ham rom etgan/Nasiba Tohiri
|| 0:00:00
...    
🔇
X

AQSh kollej va universitetlari esa Bollivud kuy va raqsini shu qadar yaxshi ko’rib qolganki, maxsus musobaqalar o’tkazadi.

Kaliforniya Universitetining Berkli shahridagi kampusida har yili Bollivud tanlovi bo'lib o'tadi.

Bu galgi musobaqada Bollivud ruhida raqsga tushadigan sakkiz jamoa qatnashdi. G’oliblar naqd pul holida mukofot olib, aprel oyida Nyu-Yorkda rejalangan nufuzli tanlovda qatnashish huquqini qo’lga kiritadi.

Ishtirokchilar orasida Michigan Universitetining “Manzil” raqs dastasi ham bor – 20 kishi. Ular Kaliforniya tanlovidagi eng yosh komanda, boshqalar bilan qiyoslaganda tajribasi kamroq. Bellashamiz, deb 3700 kilometr yo’l bosib kelishdi.

Jamoa sardori Nil Bxatning ota-onasi dindor muhojir, hind udumlariga qattiq rioya qiladi. O’qishga kirganidan beri oilasini sog’inadi, hindcha hayot tarzini qo’msaydi.

“Ulg’ayganingda ham ota-onang bilan aloqani uzmay, urf-odatlaringni saqlab qolishga harakat qilasan. Biz, hindlar uchun Bollivud musiqa va raqsi katta ahamiyatga ega,” - deydi Bxat.

Jamoalarning hammasi kuchli, iste’dodli. Michigan Universiteti talabalari g’alaba qozonish uchun ancha ter to’kishi kerak. Qatnashchi komandalarning hammasi yutaman, deb kelgan. Ular malaka, tajriba jihatidan ustun ekanini unutmaslik kerak.

Berkli jamoasi 2011-yilgi poygada eng zo’ri deb topilgan edi.

Ularning sahnadagi chiqishi hammaga yoqdi. Endi Michigan raqqoslarining gali.

“Mamlakatdagi eng zo’r jamoalar bilan bellashyapmiz. Demak, odatda yaxshi bo’lsak, bu yerda eng sarasi bo’lishimiz kerak,” - deydi Bxat.

Endi esa navbat hakamlar hay’atiga:

“Bu damni hammamiz intiqib kutgan edik. G’olib – Kaliforniya Universiteti dastasi”.

Lekin Bxat ko'nglini cho'ktirmaydi:

“Muhimi tanlovda qatnashdik, ko’zga tushdik. Bellashish ham bir san’at, haqiqatan, maza qildik”.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Yangi musulmonlar - Amerika hayotidan/New Muslims in Americai
X
21.11.2014 22:57
Amerikada islom diniga kirayotganlarning aksariyati hozir ispanzabonlar. Lotin Amerikasidan kelgani uchun ularni latinolar deb atashadi. Hozir AQShda besh millionga yaqin musulmon bo'lsa, ularning olti foizi latinolar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Sterilizatsiya hind ayollarini o'ldirdi

Hindistonda tug'ishning oldini olish uchun o'tkazilgan jarrohlik amaliyotidan so'ng 13 ayol jon bergan. Aholi sonini nazorat qilishga urinayotgan hukumat sterilizatsiyaga zo'r bermoqda. Hibsga olingan jarrohning aytishicha, ayollarning o'limiga amaliyotdan keyin berilgan dorilar sabab bo'lgan.
Fotogalereya

Fotogalereya Vashingtonda global festival

Poytaxtdagi Vashington markazida (The Washington Center) Global fuqaro kuni bayram qilinib, o'nlab davlatdan talabalar madaniyati, taomlari, kuy-qo'shiqlarini namoyish qildi.

Interaktiv

SAYTGA KIRISHNING XAVFSIZ YO’LI