Seshanba, 26-may, 2015 Toshkent vaqti: 12:24

Amerika

Birmadagi o'zgarishlar AQSh kompaniyalari qiziqishini uyg'otmoqda

Multimedia

Audio
Amerika Ovozi
O’tgan oy AQSh rahbari Barak Obamaning Birmaga tashrifi va iqtisodiy sanksiyalar bekor qilinishi ketidan, ikki mamlakat savdo-sotiqni oshirish payida. Amerika kompaniyalari Birmadagi jadal o’zgarishlarni yaqindan kuzatib, sarmoya kiritish masalasida ehtiyotkorona harakat qilmoqda. 


Prezident Obamaning Birmaga tashrifi arafasida AQSh importga qo’yilgan cheklovlarni bekor qildi.

“Endi Amerika kompaniyalari Birmada bemalol ishlashi mumkin. Sizning hukumatingiz esa xorijiy sarmoyadorlarga eshiklarni ochdi, jiddiy iqtisodiy islohotlarni boshlab yubordi, - dedi Barak Obama birmaliklarga murojaatida.

Chegaradan ko’proq moliya va mahsulot o’tar ekan, aholi turmushi yaxshilanishiga umid qilamiz, deydi AQSh rahbari.

Birmada yuqori sifatli qimmatbaho toshlar, xususan yashma va yoqutlar qazib olinadi. Ularni Qo’shma Shtatlarga eksport qilish hamon taqiqlangan.
Birmaning sobiq harbiy hukumati a’zolari qimmatbaho toshlar savdosidan foyda ko’radi. Bu sanoatda bolalarni majburan ishlatish keng tarqalgan. 

Ammo kon egasi An Kay Zinning aytishicha, majburiy mehnat o’tmishda qolib ketdi va AQSh joriy etgan sanksiyalardan unga o’xshagan xususiy tadbirkorlar ziyon ko’rayapti.
 
“Yashmani asosan Xitoyga sotamiz, Amerika bozori biz uchun yopiq. Hozirgi sanksiyalardan hecham foyda yo’q. Qimmatbaho toshlar savdosining 95 foizi, ya’ni 2-3 milliard dollari yashmaga to’g’ri keladi. Yoqut va ko’k yoqut kabi toshlar ulushi esa 5 foizdan ham kam. Shu bois sanksiyalardan faqat rangli toshlar bilan shug’ullanuvchi tadbirkorlar ziyon ko’rsayapti”, - deydi An Kay Zin.

Sohada majburiy mehnat qo’llanilishi haqidagi ma’lumotlarga qaramay, Birmada biznes yuritishga shay Amerika kompaniyalari kam emas.

Biznesmen To Tin Birmada “Apple” mahsulotini sotish uchun ikki do’kon ochish niyatida. Amerika mahsuloti birmaliklarga yaxshi tanish.

“Asosiy masala - qancha mahsulot import qila olishimizda. Do’kon rastalariga qo’yishimiz bilan mahsulot sotiladi”, - deydi u.

Yirik kompaniyalar ham Birmaga qiziqish bildirgan, lekin katta miqdorda sarmoya olib kirishga shoshilmayapti.

“Sanksiyalarni bekor qilish bilan ish bitmaydi. Pul o’tkazish, erkin konvertatsiya, ya’ni dollarni mahalliy valyutaga almashtirish imkoni bo’lmasa, Birmaga xorijiy sarmoyalar tez kirib kelmaydi,”- deydi moliyaviy ekspert Tura Ko Ko.   
 
Barak Obamaning Birmaga tashrifi AQSh kompaniyalari e’tiborini bu davlatga qaratdi. Yillar davomida asosan Xitoy va Tailand bilan savdo qilib kelgan Birma ham AQSh bilan hamkorlik qilishga shay.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Andijon fojiasi, inson huquqlari, O'zbekiston - AQSh Kongressida brifingi
X
25.05.2015 23:46
Andijon fojeasiga 10 yil bo’ldi. AQSh Kongressidagi Tom Lantos Inson huquqlari komissiyasi O’zbekistondagi vaziyatga e’tibor qaratib, ko’pchilik og’zidagi savollarni bermoqda. Aslida o’sha kuni nima bo’lgan edi? Voqealarda kimlar aybdor? Hukumat bu fojia ketidan qanday ish tutdi?

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Londonda gullar yarmarkasi.
  • "Yevrovision" musiqa tanlovida g'alaba qozongan shvetsiyalik xonanda Mans Zelmerlou.
  • "Yevrovision" musiqa tanlovida g'alaba qozongan shvetsiyalik xonanda Mans Zelmerlou.
  • Yaponiyada sumo bo'yicha musobaqa.
  • Nepal
  • London
  • Monako
  • Isroil
  • Chexiya

Interaktiv

SAYTGA KIRISHNING XAVFSIZ YO’LI