Yakshanba, 26-aprel, 2015 Toshkent vaqti: 00:44

Amerika

Kaliforniya - innovatsiya o'chog'i

Kaliforniya avtosanoati/California auto industryi
X
16.07.2013 21:53
Kaliforniya deganda Gollivud va kompyuter texnologiyalari makoni bo’lgan Silikon vodiysi ko’z oldimizga keladi. Bu shtat eng zamonaviy avtomobillari bilan ham mashhur. "Toyota" kompaniyasi elektr motorli avtomashinani aynan Kaliforniyada taqdim etdi. "Fiat" ham yangi mahsulotini shu yerda sota boshladi. Xo’sh, Kaliforniya sanoat yetakchilarini nimasi bilan jalb etmoqda?
Kaliforniya avtosanoati/California auto industry

Multimedia

Audio
Amerika Ovozi
Kaliforniya deganda Gollivud va kompyuter texnologiyalari makoni bo’lgan Silikon vodiysi ko’z oldimizga keladi. Bu shtat eng zamonaviy avtomobillari bilan ham mashhur. Yaqinda Toyota kompaniyasi elektr motorli avtomashinani aynan Kaliforniyada taqdim etdi. Fiat ham yangi mahsulotini shu yerda sota boshlaydi. Xo’sh, Kaliforniya sanoat yetakchilarini nimasi bilan jalb etmoqda?

Los Anjeles tepaliklari Skott Peynter singari avtomobil shaydolari uchun ayni muddao. Yangi mahsulot chiqdimi, albatta sinab ko’radi.
 
“Elektr mashinalarning hammasini minib ko’rganman. Tesla ning S modeli ham bor menda”.
  
Peynter TrueCar.com internet saytiga asos solgan. Xaridorlarga avtomobillar bahosi haqida ma’lumot beradi.
 
“Janubiy Kaliforniya - innovatsiya o’chog’i. Kashfiyot-yangiliklarni biz birinchi bo’lib ko’ramiz,” - deydi Peynter.   
 
Los Anjelesdagi avtoshouda BMW, Chevrolet va Fiat ning batareyali mashinalari…
 
Bu shaharda odamlar qimmat mashinalarga o’ch, deydi mana bu xaridor:
 
“Ipoteka emas, mashina kreditini birinchi navbatda to’laydi”.
 
Masalan, yangi Teslaning narxi 60 ming dollardan 80 minggacha.
 
Ko’rgazma vakili Brendan Flinn so’zlariga ko’ra, Kaliforniyada atrof-muhitni zaharlamaydigan avtomobillar sotib olish rag’batlantiriladi.  
 
"Qonunlar shunaqa. Soliq chegirmalari, imtiyozlar bilan siynalasiz". 

Shon Xelledey, masalan, shtatdan va federal hukumatdan 10 ming dollar qaytib oldi.
 
“Boshqa shtatda yashaganimda, ehtimol bunday mashina tanlamasdim”.
 
Benzinga ehtiyoj yo’qligi yaxshi, deydi xaridor. Lekin elektr zapravkalarni ko’paytirish kerak.
 
“Yon atrofda bunday shoxobchani topa olmadim. Uyimga yetib olishim kerak-ku”.
 
Kaliforniya bu masalada ham boshqa shtatlardan oldinda. Jordan Ramerning kompaniyasi elektr mashinalarni zaryadlaydigan mingdan oshiq stansiya bunyod etgan.
 
“Butun mamlakat bo’ylab ochgan zapravkalarimizning yarmidan ko’pi Kaliforniyada, xususan shtat janubida. Chunki elektr mashinalarning katta qismi shu yerda sotiladi”.
 
Xaridor Ed Zelki uchun ekologiya muhim masala. 
 
“Global iliqlashuv jiddiy muammo hozir. Uni hal etishning bir yo’li – elektr mashinalar. Muammoni hal etishga men ham hissa qo’shay deyman”.
 
Tesla kompaniyasi bozorga arzonroq mashinalar chiqarmoqchi. Xaridorlar sonini oshirish uchun.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Rend Pol - prezidentlikka da'vogar respublikachii
X
24.04.2015 22:29
Kentuki shtatidan senator Rend Pol Respublikachilar partiyasining radikal qanoti bo’lmish "Choychilar" harakati liderlaridan. U ham Oq uy uchun kurashga bel bog'lagan.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya O'zbekistonda qiynoqlar tinmayapti, dunyo boshqa ko'z yuma olmaydi, deya bong urmoqda Xalqaro Amnistiya

O'zbekiston hibsxona va qamoqxonalarida qiynoqlar muntazam kuzatiladigan hol va bu muammoga ko'z yumish yoki uni tan olmaslik vijdonsizlikdir, deya bong urdi Xalqaro Amnistiya (Amnesty International) tashkiloti bugun Vashingtonda AQSh Kongressi qoshida o'tgan brifingda.

Interaktiv

SAYTGA KIRISHNING XAVFSIZ YO’LI