Juma, 31-oktyabr, 2014 Toshkent vaqti: 20:36

Amerika

AQShda xitoylik sayyohlar ko'paymoqda

Xitoylik sayyohlar/Chinese tourists in USi
X
21.02.2013 23:26
So'nggi yillarda AQShga kelayotgan turistlar orasida ham xitoyliklar ko'p. Bu esa iqtisod uchun foyda. Shu bois amerikalik tadbirkorlar ham xitoylik sayyohlar ko'nglini ovlash bilan band.

Xitoylik sayyohlar/Chinese tourists in US

Multimedia

Audio
Amerika Ovozi
So’nggi yillarda AQShga keladigan turistlar orasida xitoyliklar ko’paymoqda. Bu esa iqtisod uchun foyda. Shu bois amerikalik tadbirkorlar ham xitoylik sayyohlar ko’nglini ovlash bilan band. 

Los-Anjelesga borgan kishi ko’plab kinostudiyalarni, Gollivudning Shuhrat Yo’lagidagi yulzudlarni hamda son-sanoqsiz xitoylik sayyohlarni ko’radi. 

“Qo’shma Shtatlar shaharlaridan aynan Los-Anjelesga boshqa joylarga qaraganda ko’proq xitoyliklar keladi,” - deydi Los-Anjeles Turizm kengashi a’zosi Mark Liberman.

Unga ko'ra, Xitoydan bu shaharga kelayotgan sayyohlar soni yildan-yilda ko’payib bormoqda. Odatda ular San-Fransisko, Nyu-York va Vashingtonni ham borib ko’radi. O’tgan yilda 1 milliondan ziyod xitoylik AQShga sayohatga kelgan, deydi iqtisodchi Ferdinando Guerra:    

“2010-yilga qaraganda 2011-yilda 40 foizga oshdi”.

Los-Anjelesdagi “Shayn Turs” turistlar agentligi prezidenti Jozef Chi ham
Xitoydan kelayotgan sayyohlar soni bu yil qariyb 30 foizga oshganini aytadi:

“Xitoy pasporti sohiblari bir kunmas-bir kun Qo’shma Shtatlarga tashrif buyurishni orzu qilgan”.

Xitoy iqtisodi o’sgan sari o’rtahol oilalar, ya’ni chet elga sayohat qilishga qurbi yetadiganlar ko’paymoqda. Liu Vey Yi shundaylardan:

“AQSh poydevori mustaqillik va raqobat bo’lib kelgan. Bu yerga kelib, o’z ko’zim bilan bir ko’ray, dedim”.
 
Amerikani ko’raman degan xitoyliklar azaldan ko’p. Lekin shu yil boshida AQSh hukumati viza olishni osonlashtirganidan keyin sayyohlar soni ancha ko’paydi, deydi “Universal” studiyasi xodimi Stiven Chou: 

“Men o’zim va Gollivuddagi “Universal” studiyasini oladigan bo’lsak, biz xitoylik mehmonlarni yaxshilab kutib olish va sayohat qildirish niyatidamiz”.

Bu maqsadda studiya xitoy tilida turlar tashkil qilgan. Xitoy tilidagi xaritalarni ham shu yerdan topasiz.

“Universal” studiyasi restoranlarida gamburger va qovurilgan kartoshkadan tashqari Xitoy taomlarini ham buyurish mumkin.

“Montage Beverly Hills” mehmonxonasida xitoy choyi, xitoy tilida yozilgan kartochkalar va bu tilda gapiradigan xodimlar sayyohlarga muntazir.

Mehmonlarning ko’pi eng mashhur va qimmat butiklar joylashgan Rodeo Drayv ko’chasida xarid qiladi, deydi bosh menejer Xermann Elger. 

“Rodeodagi hamkorlarimizning aytishicha, bu yili sotuvchilarning eng katta qismi - xitoyliklar”.

“Xitoyliklar Kaliforniyadagi boshqa turistlarga qaraganda ikki baravar ko’proq pul sarflaydi.

Xitoylik sayyohlar deb AQSh iqtisodi yiliga milliardlab dollar foyda ko’ryapti. Bu esa amerikaliklar uchun yangi ish joylari degani. 2016-yilga borib Xitoydan AQShga keladigan turistlar soni ikki baravar oshadi.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Urush faxriylari uchun maxsus uylar - Houses for war veteransi
X
31.10.2014 10:03
Iroq va Afg'onistondan 300 mingga yaqin askar majruhlanib qaytgan. AQSh Mudofaa vazirligi yirik bir kompaniya bilan hamkorlikda ularga qulay uylar qurib berishga kirishgan. Ruhan va jismonan nogiron insonlar uchun maxsus imoratlar.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
Fotogalereya

Fotogalereya Quddus: arab va yahudiylar orasida to'qnashuvlar

Quddusdagi al-Aqsa masjidi bugun qisman ochiq. Isroil politsiyasi chorshanba kuni inshootni butunlay yopib qo'ygach, Falastin ma'muriyati buni urush e'lon qilishga qiyoslagan edi. Hududda hafta boshida ro'y bergan otishmada avval isroillik ruhoniy jarohatlangan; ketidan politsiya falastinlik bir shaxsni otib o'ldirgan edi. To'polon ko'tarilmasligi uchun musulmon va yahudiylar uchun muqaddas sanalgan masjid va uning atrofini vaqtincha to'sib qo'ydik, deydi Isroil huquq-tartibot xodimlari. 50 yoshgacha bo'lgan erkaklar hududga hamon yo'latilmayapti. G'azoda hukmron HAMAS va Isroil o'rtasida shu yil ro'y bergan ikki oylik urush ortidan yahudiy va falastinliklar munosabati hanuz tarang. Ixtilof 21 mingdan ziyod odam, asosan, g'azolik tinch aholini hayotdan olib ketgan edi.
Fotogalereya

Fotogalereya Peshmerga kuchlari Kobaniga yetib keldi

Iroq Kurdistonidan peshmerga jangchilarining bir qismi Suriyaning Kobani shahriga yetib borgan. Ular "Islomiy davlat" jangari guruhiga qarshi kurashda mahalliy kurdlar va xalqaro koalitsiyaga yordam beradi.
Fotogalereya

Fotogalereya Gavayi vulqoni aholi turar joylariga yetib keldi

Gavayida otilib chiqqan vulqon lavalari bir necha hafta o'tib Paxoa shaharchasiga yetib keldi. Sekin harakatlanayotgan lava "daryosi" yo'lda uchragan har qanday narsani kuydirib kulga aylantirmoqda. Shaharcha aholisi xavfsiz joyga evakuatsiya qilingan.
Fotogalereya

Fotogalereya Ebolaga qarshi global kurash

Dunyo bo'ylab Ebolaga qarshi kurash choralari kuchaytirilmoqda. Eboladan ogohlik oyligi doirasida turli mamlakatlarda xavfli kasallikka qarshi tayyorgarlik mashg'ulotlari o'tkazilmoqda.
Fotogalereya

Fotogalereya Afg'onistondagi missiya nihoyasiga yetayapti

Afg'onistonning Hilmand viloyatidagi yirik harbiy baza mahalliy armiya nazoratiga o'tdi. AQSh va Britaniya qo'shinlari missiyani yakunlab, o'lkani tark etishga hozirlik ko'rmoqda. 2015-yilda Afg'onistonda 12 ming xorijiy askar qoladi.
Fotogalereya

Fotogalereya Suriya va Iroq

G'arb qo'llab-quvvatlovini olgan kurd jangchilari Turkiya orqali Suriyaga 1300 safdoshini jo'natishga hozirlik ko'rayapti. Iroqda va Suriyada janglar davom etmoqda.
Fotogalereya

Fotogalereya Turkiya kurdlari qo'shni davlatdagi urushda o'lgan elatdoshlariga motam tutmoqda

Suriyaning Kobani shahri bir necha kundan beri jang maydoni. "Islomiy davlat" bilan qonli urush ketmoqda.
Fotogalereya

Fotogalereya Kanada parlamentida otishma, Ottavadan suratlar

Kanada poytaxtida urush qahramonlariga qo'yilgan yodgorlik oldida turgan askar otib ketilgan. Bu inshoot yaqinidagi parlament binosi ham xavf ostida degan ogohlantirishdan keyin evakuatsiya ishlari boshlangan. Harbiy soqchini nishonga olgan shaxs parlament tomon qochdi, deydi guvohlar. Imoratdan o'q ovozlari eshitilgan. Askarni otgan odam politsiya o'qidan o'lgan. Yaralangan askar ham kasalxonada jon bergan.

Interaktiv

SAYTGA KIRISHNING XAVFSIZ YO’LI