Chorshanba, 04-mart, 2015 Toshkent vaqti: 11:58

Amerika

AQSh BMT konvensiyasiga nega qo’shilmaydi?

Amerika Ovozi
AQSh Senati dunyo bo’ylab nogironlar huquqini muhofaza qilish va ularga munosabatni yaxshilash to’g’risidagi BMT konvensiyasiga qarshi ovoz berdi.


Kapitoliydagi muxbirimiz Maykl Boumanning xabar berishicha, prezident Jorj Bush davrida imzolangan hujjat ratifikatsiyadan o’tishi uchun Senatda yetarli ovoz to’play olmadi.

BMT konvensiyasi ovozga qo’yilishi oldidan senatorlar uning ustida ikki soat bahslashdi. Demokrat Jon Kerri Amerika bu hujjatga qo’shilishi kerak, deb minbardan kuyinib so’zladi.   

“O’z yerida tilsiz yashayotgan millionlab odamlar haqqi, ovoz bering. Huquqlaridan mahrum bo’lganlar tomonida bo’laylik”, - deya undadi senator Kerri. 

Ammo Respublikachilar partiyasi azaldan AQSh xalqaro tashkilotlarga, xususan, Birlashgan Millatlar Tashkiloti ra’yiga qarab qolmasligi kerak, deb kelgan. Partiyaning o’nlab a’zolari xalqaro bitimga qarshi ovoz berdi. 

Senator Jeyms Inxof fikricha, BMT byurokratiyasi Amerika qonunlari va suverenitetiga raxna soladi. 

“Hech kim tomonidan saylanmagan byurokratlar o’z idorasida o’tirib olib, AQShga uni qil, buni qil, deyishi bizga to’g’ri kelmaydi. Hujjatni ratifikatsiya qilsak, aynan shunday bo’ladi”, - deydi u.

Boshqa bir respublikachi Mayk Li nazarida esa xalqaro bitimga qo’shilish Amerikada farzandi nogiron ota-onalar huquqini poymol etish demakdir. 

“Farzandini qanday tarbiyalash ota-onaning o’ziga havola. Bu ishga hukumatlar ham, xalqaro organlar ham aralashmasin”.

BMTning Nogironlar huquqini muhofaza qilish to’g’risidagi konvensiyasining respublikachi tarafdorlaridan biri - senator Richard Lugar deydiki: 

“Ko’pchilik safdoshlarim bu haqda noto’g’ri tasavvurga ega. Bu konvensiya Amerika o’z qonunlarini o’zgartirishini yoki qonunbuzarlik hollari bizning mamlakatimiz sudlarida ko’rilishini taqozo etmaydi”.

Aksincha, bitimga qo’shilsa, AQSh jahon bo’ylab nogironlar huquqini muhofaza qilishi osonlashgan bo’lardi, bu harakatlar samaradorligi oshgan bo’lardi, deydi demokrat Richard Durbin.  

Uning aytishicha, AQSh erkinlik va imkoniyatlarni faqat o’z fuqarolari uchungina emas, barcha uchun birdek ravo ko’rishi kerak. 

Nogironlar huquqini muhofaza qilish to’g’risidagi konvensiyaga 150 dan ziyod davlat qo’shilgan. Faollar deydiki, maqsad majruhlarni har tomonlama qo’llab-quvvatlash, ularning jamiyat hayotida aktiv ishtirokini ta’minlashdir.

Mazkur xalqaro bitim ularni diskriminatsiyadan himoya qiladi. Shuningdek, unda ta’lim olish, ishlash va tibbiy xizmatlardan foydalanish huquqi ask etgan.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
"Islomiy davlat" faqat jangchi yollayotgani yo'qi
X
03.03.2015 23:21
Nohukumat tashkilotlar ma’lumotiga ko’ra, "Islomiy davlat" ga qo'shilaman deb Iroq va Suriyaga yo’l olayotgan erkak va ayollarning hammasi ham qo’liga qurol olmaydi.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Benyamin Netanyaxu Kapitoliyda
  • Benyamin Netanyaxu Isroilga moyil siyosiy guruhlar oldida so'zlayapti.
  • Quddus ko'chalari
  • Amerika bosh diplomati Jon Kerri dushanba BMT Inson huquqlari kengashida so'zga chiqib, Isroilni himoya qilar ekan, bu davlatga adolat bilan yondashilmayapti, dedi.

    Jenevada chiqish qilgan Kerri nazarida BMTning bu organi huquqiy tahqirlashlarni muhokamaga olib chiqishi asosli. Lekin qator rezolyutsiyalarda Isroilni qayta-qayta ayblash qanchalik adolatli, deya so'raydi u.

  • Falastinga xayrixoh faollar Vashingtonda Isroil rasmiysi Benyamin Netanyaxuning safari yuzasidan norozilik namoyishida qatnashayapti.
  • Isroil Bosh vaziri Benyamin Netanyaxu AQSh Kongressining har ikki palatasi vakillari oldida so'zlab, Eron yadro dasturi, Yaqin Sharqdagi vaziyatga qarashlarini bildirdi.
  • Benyamin Netanyaxu Isroilga moyil siyosiy guruhlar oldida so'zlayapti.
  • Falastinga xayrixoh faollar Vashingtonda Isroil rasmiysi Benyamin Netanyaxuning safari yuzasidan norozilik namoyishida qatnashayapti.

Interaktiv

SAYTGA KIRISHNING XAVFSIZ YO’LI