Payshanba, 28-may, 2015 Toshkent vaqti: 14:54

Amerika

Amerika maktablari o’quvchilarni yaxshiroq kiyinishga o’rgatmoqda

Amerika maktablarida/ In US Schools... i
X
13.04.2013 01:54
Amerikaning har bir maktabi o'z formasiga ega yoki o'quvchilar istagan kiyimida yurishi mumkin. Virjiniyaning Manassas shahridagi Meyfil o'rta maktabi o'quvchilari har dushanba kuni kattalardek kiyinib keladi. O'g'il bolalar - kostyum-shim va galstukda. Qizlar - chiroyli ko'ylakda. Odatda jinsi shim va futbolkalarda yuradigan bu bolalar "Muvaffaqiyat deb kiyin" nomli dastur ishtirokchilari. Maktab rahbariyati bu yo'l bilan o'quvchilarning baholarini yaxshilash va mustaqil hayotga tayyorlash niyatida.
Amerika maktablarida/ In US Schools...

Multimedia

Audio
Amerika Ovozi
Virjiniyaning Manassas shahridagi Meyfil o’rta maktabi o’quvchilari har dushanba kuni kattalardek kiyinib keladi. O’g’il bolalar - kostyum-shim va galstukda. Qizlar – chiroyli ko’ylakda.


Odatda jinsi shim va futbolkalarda yuradigan bu o’smirlar “Muvaffaqiyat deb kiyin” nomli dastur ishtirokchilari. Maktab rahbariyati bu yo’l bilan o’quvchilarning baholarini yaxshilash va mustaqil hayotga tayyorlash niyatida. 

“Bugun maktabga qanday kiyinsam ekan?” Har kuni ertalab Diana Otero shu haqida o’ylaydi. Faqat dushanba kunlari bu 10 yoshli qizning nima kiyishi aniq - chiroyli ko’ylak.

“O’zimga ishonchim oshadi,” - deydi u.

Dushanba kungi darslar boshqa kunlarnikidan hech farq qilmaydi. Faqat o’quvchilarning ust-boshi boshqacha.

Diana “Muvaffaqiyat deb kiyin” nomli dasturga yaqinda qo’shildi: “Yaxshiroq baho olishga yordam beradi deb o’yladim”.

Shon Arrigoni ham aynan shu qiziqtirdi. 

“Bu kiyimda o’tirganingda o’zingni yaxshi, bemalol sezasan, demak miyangni bir joyga qo’yib o’qiysan-da,” - deydi Arrigo. Baholarim ham endi yaxshiroq, deydi Shon. “O’zimni kattalardek sezaman”.

Shon maktab direktori Jeff Abtni juda hurmat qiladi, unga har jihatdan o’xshagisi keladi.

Abt bu dasturni maktabda uch yil avval boshlagan.

“Maktabda muhit yaxshilandi. O’quvchilar men yaxshi o’qiyman, eng zo’r kiyimimni kiyib, muvaffaqiyatga erishaman, deydi endi,” - tushintiradi direktor.

Erika Redler - maktab o’qituvchisi. Dushanba kunlari bolalarning yurish-turishi boshqacha, deydi u. 

“Muvaffaqiyat deb kiyingan bolalarning ertalabdan qomati boshqacha, yuzida tabassum. Xayrli tong, deb kirib keladi. Bunday kayfiyatda bo’lsa, xulqi ham yaxshi tarafga o’zgaradi, o’zini kun bo’yi yaxshi tutadi”.
 
Bu dastur natijasida bolalarning bilimi oshib, baholari ham yaxshilanmoqda, deydi muallima.
 
Shu bois devorlarda “Muvaffaqiyat deb kiyin” dasturiga qo’shilishni targ’ib qiluvchi plakatlar osilgan. Maktab direktori deydiki, yaxshi kiyinib kelish qimmat kiyim kiyishni anglatmaydi: 

“O’quvchilarimiz turli tabaqalarga mansub. Ular oddiy ko’ylak bilan galstuk taqsa ham muvaffaqiyat deb kiyingan hisoblanaveradi”.

Bolalar maktabni tugatib, mustaqil hayotga qadam qo’yganida, bu dastur doirasida olingan saboqlar asqotadi, deydi Abt.

“Ishga kirayotganingizda, kiyim javoniga qaraysizda, eng zo’r kiyimim qaysi, deysiz. Yaxshi taassurot qoldirishga harakat qilasiz. Ular meni ishga olsin, deysiz”.

Kattalarga o’xshab kiyinish bolalar uchun ham qiziq, ham mustaqil hayotga tayyorgarlik.
Mazkur forum yopiq.
Izohlar
     
Mazkur forumda izohlar yo'q, siz boshlab bering
JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
AQSh Janubiy Xitoy dengiziga harbiy kuch yuboradimi?i
X
27.05.2015 23:56
AQSh rasmiylariga ko’ra, Pentagon Janubiy Xitoy dengiziga harbiy kema va samolyotlar yuborishi mumkin. Maqsad – Xitoyning dengizdagi talash hududlarda sun’iy orollar qurayotganiga chek qo’yishdir.

KUNDALIK ESHITTIRISH

JavaScript ingiz o'chiq yoki Adobe Flash Player eskirgan. Yangisini mana bu yerdan olsangiz bo'ladi.
  • Katta Yettilik Germaniyada uchrashmoqda
  • Xitoy
  • Indoneziyada musulmonlar hukumatdan Birmada xo'rlanayotgan dindoshlarga yordam berishni talab qilmoqda
  • Malayziya
  • Iroq
  • Hindiston
  • Rossiya
  • Virjiniya shtati
  • Turkiya
  • Peru
  • Avstraliya
  • Britaniya
  • Quddus

Interaktiv

SAYTGA KIRISHNING XAVFSIZ YO’LI